شلعان الودعاني في الابل

[size=2]قصيدة الشاعر شلعان بن ظافر الودعاني رحمه الله وهي من أجمل القصائدفي وصف الابل[/size]




[size=2]بدعت المثايـل والمثايـل لهـا بيبـان *** إلـى فتحـت بيبانـهـا جــاك مافيـهـا

على القصد والمقصود بعـدل القيفـان *** عسـى راع الـبـل عـنـد ذوده يغنيـهـا

يغني بهـا فـي خايـعٍ علـه الـودان *** بذيك النفـود اللـي عسـى الغيـث يسقيهـا

تهشم ربابه من طريـف إلـى نجـران *** مداهيل عـوج السـوق ربـي رضـا فيهـا

تشوف الخزامى و الشقارى مع المكنان *** تخالـف زهـرهـا ساكـنـاتٍ ذواريـهـا

تكبر قياع الرمث من زاهـر iiالحـوذان *** كساهـا ولـي العـرش وأحسـن iiكساويهـا

مداهيل حلوات اللبـن خلقـة الرحمـان *** مجاهيـم سـود خالـق الكـون iiمسويـهـا

مجاهيم جاذبها الفحل والوجيـه زيـان *** وســاعٍ مرافقـهـا طــوالٍ خطاويـهـا

جليلات عظم الساق مرفوعـة الحجـان *** طـوال الـرقـاب مشرهـفـات أذانيـهـا

عراض الخدود اللي تماري بها البـدوان *** كبـار الفقـار موسعـة صـدر راعيـهـا

مجاهيـم رمليـات لخشومهـا نيشـان *** ترافـض بـلا دمـهـا حــدادٍ نواصيـهـا

هوى القلب خطوى نايفة والضلوع متان *** تجـي بالحـلا والزيـن وتـرد بـه فيهـا

كبيرة مزر الورك فجحا مـن السيقـان *** تخنـطـل قوايمـهـا كـبـارٍ مواطـيـهـا

تمايـح بذبـلٍ مثـل دراهـة الـقـران *** نهـار الـطـرب هــذا لـهـذا يوديـهـا

لهـا غـاربٍ متقـدمٍ شامـخٍ ملـيـان *** يدافـر حبـاك العـيـز والعـيـز حاليـهـا

وساع منادغها مـن الـزور للكعيـان *** بهـا كـل شـيٍ زيـن والملـح غاشيـهـا

طموحٍ تحذف أشناقهـا واسعـة بيعـان *** فـروعٍ فتـون البـيـد عـسـمٍ أياديـهـا

ولا رايعت كن المعنـق علـى رمـان *** تعوجـه مـن العاتـق خـفـوقٍ لواحيـهـا

سنودٍ من الغارب فسيحة من الذرعـان *** عسـى ربنـا مـن شـر خلقـه ينجيـهـا

البل تراها السود والصهـب يالظفـران *** وشقـحٍ سـواد اذيالـهـا فـاصـلٍ فيـهـا

أنا احب شوف الوضح وضاحة الألوان *** مغاتيـر مـن جلـد الوضيحـي تحاليـهـا

مغاتيـر جذابـات ومكحـلات أعيـان *** جميـع الوصايـف كلهـا كامـلـة فيـهـا

مغاتير فنس خشوم فيها الدريعـي بـان *** عرانينـهـا وشعوفـهـا فاصـلـة فيـهـا

مغاتيـر معروفـات وطبوعهـن زيـان *** على الصوت ماتبغي راعي الصـوت يتليهـا

الى شفتهن رتوع في خاطـي الجيـان *** تشـادي القنـوف المرسيـة بامـر واليـهـا

مغاتير لامن سمعت الصوت والدنـدان *** لاكـن الذيابـة تهـتـوش عـنـد تاليـهـا

مغاتير لاغنـى المغنـي علـى عليـان *** ضربها السطر لا صـاح بالصـوت راعيهـا

الـى جلعـت لاكنهـا شـرد الغـزلان *** وراهــا المـفـرد يابـسـاتٍ علابيـهـا

الى من ذعرها الصوت واستولت الميدان *** يقـوس ذرايـب عجهـا مــن سماريـهـا

ركد عجها من سجها والجـرس رنـان *** تجـي ذي مـع هـاذي وهـاذي تباريـهـا

ترى البل فرح وسرور من خلقة الإنسان *** عسـى الله يبـور بواحـدٍ بـايـرٍ فيـهـا

كنوز البداوة منقـذه راعـي البستـان *** مواريـث جـدود باشهـب الملـح تحميـهـا

مداخيلها عسـرة علـى بايـع الرمـان *** ولا تصلح البل كـون فـي مـرّح اهاليهـا

حلا ما حلا مرواحها تجـذب الحيـران *** الى أقبل غروب الشمـس والليـل ضاويهـا

على بيت منهو يكرم الضيف والجيران *** عشيـر النشامـى كـل ماحـل طاريـهـا

عسى من يسوق المال في غالية الأثمان *** يبـارك لـه الرحمـان فيـهـا ويذريـهـا

أنا قلتها وادخل علـى الله مـن النسيـان *** مع النـاس صفـر وزرق مانـي بناسيهـا

وحمر وشعل تختلـف بينهـا الألـوان *** إلى تـاه فيهـا الوصـف تعـرف باساميهـا

ترى البل تعز الرجل تكفون يالجذعـان *** حـرامٍ عليكـم تركهـا والطـمـع فيـهـا

وصلاة ربي عد مـالاح بـرق وبـان *** بسـود القنـوف اللـي غــلاظ مثانيـهـا

على الهادي المبعوث بسنة من الرحمان *** شفيـع أمتـه لا نوديـت بـامـر واليـهـا [/size]

بيض الله وجهك ياشجاع بياض يشع مع كل ريع على ايرادك قصيدة الشاعر الكبير شلعان الودعاني الدوسري
جعله في جنات النعيم وأموات المسلمين أجمعين
وحقيقه انها قصيده جزله وتعني لي الشىْ الكثيررررر
ولا أمل من سماعها أبدآ
أخـــــــوك / محمـــــــد ابــن صنهـــــــات

ولا رايعت كن المعنـق علـى رمـان *** تعوجـه مـن العاتـق خـفـوقٍ لواحيـهـا

حلوا بالقصيده كلها لكن ذاالبيت فيه صوره والله ان كني اشوفها ذلحين.

عسا عظام الشاعر في الجنه ووالديك وكل مسلم ولاهنت على نقل النادر من القصيد.

بيض الله وجهك ياشجاع بياض يشع مع كل ريع على ايرادك قصيدة الشاعر الكبير شلعان الودعاني الدوسري
جعله في جنات النعيم وأموات المسلمين أجمعين

بيض الله وجهك اخووي ع النقل الرائع ..

بيض الله وجهك اخووي ع النقل الرائع

بيض الله وجهك

والله يغفر للشاعر جعله في جنات النعيم وأموات المسلمين أجمعين

بيض الله وجهك ياشجاع على ذا القصيده الكايفه بالوصف

والله يرحم شاعرها ويسكنه الجنه

مجاهيـم رمليـات لخشومهـا نيشـان *** ترافـض بـلا دمـهـا حــدادٍ نواصيـهـا






ذكر الشاعر رحمه الله في هذا البيت وصف الابل بانها (حداد نواصيها)
ارجو من الاخوان اهل الخبرة بيان موقع الناصية عند الابل ولو امكن التوضيح
بالصورة يكون افضل ولكم جزيل الشكر

بيض الله وجهك اخووي ع النقل الرائع

مشكور اخوى شجاع وقصيدة جزله
تقبل تحياتى

شجاع الدوسري
بيض الله وجهك على
اختيار قصيده العلم المرحوم شلعان الودعاني
خالص تقديري

بيض الله وجهك اخووي ع النقل الرائع

أنا احب شوف الوضح وضاحة الألوان *** مغاتيـر مـن جلـد الوضيحـي تحاليـهـا

مغاتيـر جذابـات ومكحـلات أعيـان *** جميـع الوصايـف كلهـا كامـلـة فيـهـا

مغاتير فنس خشوم فيها الدريعـي بـان *** عرانينـهـا وشعوفـهـا فاصـلـة فيـهـا

مغاتيـر معروفـات وطبوعهـن زيـان *** على الصوت ماتبغي راعي الصـوت يتليهـا

الى شفتهن رتوع في خاطـي الجيـان *** تشـادي القنـوف المرسيـة بامـر واليـهـا

مغاتير لامن سمعت الصوت والدنـدان *** لاكـن الذيابـة تهـتـوش عـنـد تاليـهـا

مغاتير لاغنـى المغنـي علـى عليـان *** ضربها السطر لا صـاح بالصـوت راعيهـا

الـى جلعـت لاكنهـا شـرد الغـزلان *** وراهــا المـفـرد يابـسـاتٍ علابيـهـا

الى من ذعرها الصوت واستولت الميدان *** يقـوس ذرايـب عجهـا مــن سماريـهـا

ركد عجها من سجها والجـرس رنـان *** تجـي ذي مـع هـاذي وهـاذي تباريـهـا

ترى البل فرح وسرور من خلقة الإنسان *** عسـى الله يبـور بواحـدٍ بـايـرٍ فيـهـا

كنوز البداوة منقـذه راعـي البستـان *** مواريـث جـدود باشهـب الملـح تحميـهـا

مداخيلها عسـرة علـى بايـع الرمـان *** ولا تصلح البل كـون فـي مـرّح اهاليهـا

حلا ما حلا مرواحها تجـذب الحيـران *** الى أقبل غروب الشمـس والليـل ضاويهـا

على بيت منهو يكرم الضيف والجيران *** عشيـر النشامـى كـل ماحـل طاريـهـا

عسى من يسوق المال في غالية الأثمان *** يبـارك لـه الرحمـان فيـهـا ويذريـهـا




الله يرحم الشاعر الجزل شلعان بن ظافر الودعاني

وبيض الله وجهك ياشجاع على الطرح المتميز

أررررررررررررحب يا شجاع


وحيه وماجاب


وسلمت يمينك على النقل


ورحم الله الشاعر شلعان

ولاهنت يا شجاع

وتقبلو تحيات

محمد بن جاري