قصيدة الشاعر شلعان بن ظافر الودعاني الدوسري رحمه الله
وجودي على بدوٍ رعو حومـة النقيـان""رعو في جديد العشـب لازاف زملوقـه
وجودي على شوف المعاشير والحيـران""مظاهير أهلهـا جـات للقفـر مسيوقـه
نصو مرتعٍ فيه الخزامـى مـع المكنـان""يعط الندا به مـا بعـد يبسـت عروقـه
وبنوا به أبيوتٍ واستقلت كمـا الحيطـان""وترى ذي حياة الروح والنفس ملحوقـه
وشب المنـاره متعـب البـن للضيفـان""وتلافو عليـه اللـي يحبـون منطوقـه
حمس طبخةٍ تقعد خوا الدايـخ العمسـان""ولاهيـب لانيـه ولاهيـب محـروقـه
نكبها بنجرٍ كل مـا ضـرب زاد جنـان""الى من ضجر كن صوته يجيه من فوقه
حكمها على غاية هل الكيف والظفـران""بها زعفران وهيـل واشكـال مرفوقـه
وخذاها خفيف النفس في دلـة الرسـلان""بها طمغةٍ مـن حقوهـا فـوق مدقوقـه
وبعد ساعـةٍ قامـت تواردهـم الذيـدان""رتع كـل ذودٍ عقـب مشيـه وطاروقـه
رعت كل عشبٍ ٍخايـعٍ ماتبـي رعيـان""مع كـل شقـه عشبهـا تومـي عنوقـه
كساها الشحم عقب الهزل لين جات سمان""فضايل كريم خاط مـن جـوده إفتوقـه
فحلهـا مـع طرفهـا والوجيـه إزيـان""كما الطار محني الزبد يضرب أشدوقـه
الا ياوجودي وجد مـن فـارق البـدوان""طواه الهيـام وثومـة القلـب محروقـه
انا ما ذبحني كـود مـن عودهـا ريـان""كما غصن موزٍ تدبح بروسـه عذوقـه
رقيـق المعنـق كنهـا قايـد الغـزلان""الا من مشت كنها مـن الحقـو منتوقـه
جرحني وراح ومكسبي منـه الحرمـان""جداي الونيـن ودمعـة العيـن مدفوقـه
وجودي على بدوٍ رعو حومـة النقيـان""رعو في جديد العشـب لازاف زملوقـه
وجودي على شوف المعاشير والحيـران""مظاهير أهلهـا جـات للقفـر مسيوقـه
نصو مرتعٍ فيه الخزامـى مـع المكنـان""يعط الندا به مـا بعـد يبسـت عروقـه
وبنوا به أبيوتٍ واستقلت كمـا الحيطـان""وترى ذي حياة الروح والنفس ملحوقـه
وشب المنـاره متعـب البـن للضيفـان""وتلافو عليـه اللـي يحبـون منطوقـه
حمس طبخةٍ تقعد خوا الدايـخ العمسـان""ولاهيـب لانيـه ولاهيـب محـروقـه
نكبها بنجرٍ كل مـا ضـرب زاد جنـان""الى من ضجر كن صوته يجيه من فوقه
حكمها على غاية هل الكيف والظفـران""بها زعفران وهيـل واشكـال مرفوقـه
وخذاها خفيف النفس في دلـة الرسـلان""بها طمغةٍ مـن حقوهـا فـوق مدقوقـه
وبعد ساعـةٍ قامـت تواردهـم الذيـدان""رتع كـل ذودٍ عقـب مشيـه وطاروقـه
رعت كل عشبٍ ٍخايـعٍ ماتبـي رعيـان""مع كـل شقـه عشبهـا تومـي عنوقـه
كساها الشحم عقب الهزل لين جات سمان""فضايل كريم خاط مـن جـوده إفتوقـه
فحلهـا مـع طرفهـا والوجيـه إزيـان""كما الطار محني الزبد يضرب أشدوقـه
الا ياوجودي وجد مـن فـارق البـدوان""طواه الهيـام وثومـة القلـب محروقـه
انا ما ذبحني كـود مـن عودهـا ريـان""كما غصن موزٍ تدبح بروسـه عذوقـه
رقيـق المعنـق كنهـا قايـد الغـزلان""الا من مشت كنها مـن الحقـو منتوقـه
جرحني وراح ومكسبي منـه الحرمـان""جداي الونيـن ودمعـة العيـن مدفوقـه
تعليق