من القــــــــــــــــــــــــــــــــــــائل... ؟؟؟هبت هبوب الشمال وبردها شيني

أخواني الأعزاء لقد أستمعت لهذه القصيده من الأولين والآخرين وسألت عن مصدرها ومن قائلها فلم أجد أي خيط يدل على القائل ولا المناسبه فهل أجد الإجابه عندكم ؟؟





[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
عديت في مرقب ٍ و الليـل ممسينـي =بديار غرب ٍ لعل السيـل مـا جاهـا =

اضحك مع اللي ضحك و الهم طاويني = طية شنون الطرب لا قطـرو ماهـا =

و راك ما تزعجين الدمـع ياعينـي = على هنوف ٍ جديـد اللبـس يزهاهـا =

هبت هبوب الشمال و بردهـا شينـي = ما تدفي النـار لـو حنـا شعلناهـا =

ما يدفي الا حشـا مريوشـة العينـي = و الى ظمينـا شربنـا مـن ثناياهـا =

ياشبه و ضحى فتـاة ٍ دلهـا زينـي = داجت على عقلة ٍ و الورد مـا جاهـا =

ياعل من شار بالفرقى عمى العينـي = والا بشلفـا علـى الفخذيـن مبراهـا =

جعله حسير ٍ كسير و راكبـه دينـي = و اتلى حلاله ذلـول ٍ راح يطلاهـا =
[/poet]

أرحب يا خالد

القصيده هذي أختلف عليها الروأه ولم تثبت بالدليل القاطع

وإثبات المصدر كلها إجتهادات .

والأقرب أنها للشاعر / دخيل الله الدجيما العضياني

وقيل للشاعر / عبدالهادي آل سهل

وقيل للشاعر / فهد بن عسكر ال سكبان ال ضاعن العجمي

وقد طرحت في النداوي من قبل ولم تخرج عن هذه الاسماء المذكوره عاليه

هذا ما أعرفه ومن كان عنده دليل أو إثبات لها لا يبخل علينا

حفظك الله

الله يعطيك العافيه وانشالله قريب اجيب لك قائلها
دمت بود

خالد المطيري كيفك عساك طيب يالغالي

هذي القصيده قائلها الشاعر سالم بن غانم الصريبطي البلوي وهي موجوده كاملة الى اخر بيت عند
الشاعر والموثق والراوي الاخ قاسم بن علي القويعاني البلوي
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
طليت رجمن والن الليـل ممسينـي=
.بديار غربه لعـل السيـل ماجاهـا
هبت هبوب الشمال وبردهـا شينـي=
ماتدفـي النـار لـو حنـا شعلناهـا
مايدفي الاحضن مريوشـة العينـي=
ولياعطشنـا شربنـا مـن ثنايـاهـا
هو ليه ماتزعجيـن الدمـع ياعينـي=
على هنوفن جديـد اللبـس يزهاهـا
ياشبه وضحا تمطرح بيـن ذودينـي=
.وردت على عقلتن ماغثبـرو ماهـا
اضحك مع اللي ضحك والهم طاويني=
طيت شنان الروا وان قطـرو ماهـا
اليا صفـت ليـه اعييـده تداوينـي=
تجيب ليـه كحـل عينـي وتجلاهـا
[/poet]

الدليل موجود عندي اخوي عبدالله بن شايع القحطاني وباثبات قاطع

قال هذه القصيده حيث انه احب له وحده وعشقها وايتوجد عليها..وفي البيت الاخير ليا صفت ليه اعييده تداويني.....واعييده هذه اخت البنت اللي يبغاها اي ان الحل والربط بيد اختها.....ولا تستغربون ان تنسب لشاعر آخر الابيات الرائعه كلن ينسبها له...(تعتبر سايبه).وغيرها الكثير الذي سوف يرجع لاهله

دمتم بود وايا نقاش انا موجود

يمرحبا أخوى بو شايع والله طال عمرك انا سامع كثير الى نتسبوها لهم بس ابى الخبر الاكيد
تحياتى الى مرورك الكريم

هلا وغلا أخوى فايز وبيض الله وجهك طال عمرك أكيد انه الشاعر سالم بن غانم الصريبطي البلوي
تسلم يمينك يالذيب ومشكور على مرورك العطر وبنشوف كان فى احد من الاخوان ناقشك فيها
تحياتى لك
أخوك

الاخ خالد المطيري
ما آفة الاخبار الا رواتهاااا وكثير من القصائد تتجاذبها القبائل عنوه وعن قصد او بطريق الغلط والاستعجال او النسيان او باي شكل آخر
وقد يكون اول الامر مزحه او فلتة نسيان من احد الاشخاص ومن سمعه بنى على هذه الفلته او الغلط
وانا يا اخوي خالد منذ وعيت لنفسي وللشعر واعتبر هذه القصيده لشاعر شقراء الكبير عبد الرحمن البواردي وهاتفني الاخ عبدالله العبد الكريم ورجح انها لسليمان بن شريم وابن شريم من اهل شقراء ايضا وهناك من يقول انها لدبيان بن عساف السبيعي وهذا القول بدات اميل اليه اخيرا
ودمتم بخير

يمرحبا والله أخوى عبدالرحمن والله يا خوك بتلشت مانى اعارف راعى القصيده مالقيت احد يثبت انه لفلان

ومشكور على مرورك وتوضيحك يالغالى

تحياتى لك

اخوك

اخي خالد لما يكون المرء بعيد وباقصى الشمال اكيد انه بينهضم حقه
لكن لما اكون بالوسط لو صحت الكل سمعني
دمت بود