القهوه في عيون الشعراء والفرسان .

[align=center]مما قال الشعراء والفرسان عن القهوه . مايلي :


يقول الشاعر : محمد بن احمد السديري[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا بجاد شب النار وادن الدلالي=
وأحمس لنا يا بجاد ما يقعد الراس
ودقه بنجر يا ظريف العيالي=
يجذب لنا ربع على اكوار جلاس
وزله الى منه رقد كل سالي=
وخله يفوح وقنن الهيل بقياس
وصبه ومده يا كريم السبالي=
يبعد همومي يوم اشمه بالانفاس
فنجال يغدي ما تصور ببالي=
روابع تضرب به أخماس وأسداس
[/poet]

[align=center]وهذا محمد القاضي عن القهوه وعدتها .[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
دنيت لي من غالي البن مالاق=
بالكف صافيها عن العذق منسوق
احمس ثلاث يا نديمي على ساق=
ريحه على جمر الغضى يفضح السوق
واياك والنيه وبالك والاحراق=
واصحا تصير بحمسة البن مطفوق
دقه بنجر يسمعه كل مشتاق=
راع الهوى يطرب الى دق بخفوق
لقم بدله مولع كنها ساق=
مصبوبة مربوبة تقل غرنوق
خله تفوح وراعي الكيف يشتاق=
الى طفح له جوهر صح له ذوق
[/poet]

[align=center]الى قوله :[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
زله على وضحا بها خمسة ارناق=
هيل ومسمار بالاسباب مسحوق
مع زعفران والشمطري إلى انساق=
والعنبر الغالي على الطاق مطبوق
إلى اجتمع هذا وهذا بتيفاق=
صبه كفيت العوق عن كل مخلوق
[/poet]

[align=center]وهذا الفارس والشاعر : راكان بن حثلين [/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ياما حلا الفنجال مع سيحة البال=
في مجلس ما فيه نفس ثقيله
هذا ولد وهذا ولد خال=
وهذا رفيق ما لقينا مثيله
[/poet]

[align=center]وهذا الفارس والشاعر :تركي بن حميد .[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا ما حلا يا عبيد في وقت الاسحار=
جر الفراش وشب ضو المناره
معدلة تجذا على صالي النار=
ونجر الى حرك تزايد عياره
النجرب طق وجاذب كل مرار=
مالفه الملفوف من دون جاره
في ربعة ماهيب تحجب عن الجار=
لامن ولد اللاش ما شب ناره
[/poet]

[align=center]وهذا الشاعر هايس بن مجلاد [/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
قم سو ما يصبغ على الصين ياذياب=
بدلال يشدن البطاط المحاديب
احمس الى من العرق فوقها ذاب=
واستدن ما يجذب عليك الشراريب
نجر يصيح من الطرب تقل بحجاب=
يصبر على طول الدهر للمواجيب
[/poet]
[align=center]وهذا الشاعر: عبدالله بن سبيل [/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ترى حلاة الكيف يا مشرب له=
لا فارقوك اهل الحسد والنجاسه
لا صار شغاله ظريف بزله=
وظرف بتقليبه وقيمة قياسه
الى صفا بنه على ما شغله=
تلقا على الفنجال ردعة لعاسه
خطو الولد توه على شبة له=
جميع هو مات المراجل براسه
يقوم بالمعروف دقة وجله=
والله مهيئ له على قو باسه
وخطو الولد رجم على غيرحله=
لو جازلك مبناه برّق بساسه
[/poet]
[align=center]وهذا الشيخ : مدوخ بن العمى الظمني [/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
البن كيفه عند من يشترونه=
والمشكل اللي جابها من بلدها
يامسوي الفنجال لا تحرقونه=
واحذر عن الشعله تعدي صمدها
حتى يجيك محمر كن لونه=
مخت جراده ظاهرة من جسدها
مده على اللي لابته يتبعونه=
مع دربه الخلفه تفاخت ولدها
وكفه عن الللي عند فرقه بشونه=
يمسي ويصبح ظابط لك عددها
على ربوعه طايرات عيونه=
وان باع شاته جاك حزة وعدها
[/poet]

[align=center]وهذا الشاعر: غازي بن عون[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا ريف قلبي للمسايير قم شب=
وحط المنارة في طويل الظلالي
عقب تشق لها لجزل الحطب جب=
وهات النجر واحضر جداد الدلالي
دنّه وخلّه للمسايير يجذب=
لا قام صوته للنشامى يلالي
يوحونه الجيران لا قام يقنب=
ويجيك الاقصى والقصير الموالي
[/poet]


[align=center]وهذا الشاعر: دغيم الظلماوي [/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا كليب شب الناريا كليب شبه=
عليك شبه والحطب لك يجابي
الوالمه يا كليب عجل بصبه=
والرزق عند اللي ينشي السحابي
حنا علينا جيب ماها وحبه=
وعليك تقليط الدلال العذابي
ادغث لها ياكليب من جزل خبه=
وشبه الى منه هباكل هابي
باغي إلى شبيتها ثم قبه=
تجذب سراة منبعيد غيابي
بنسرية يا كليب صلف مهبه=
متلطمين وسوقهم بالعقابي
صبه لقرم صرفته ما حسبّه=
يوم البخيل مدنهر الوجه هابي
وعده عن اللي مايداري المسبه=
اللي يدوربالقصي الغيابي
لا جاضع المتروع خطو الجلبه=
يا حلو تالي الليل خبط الركابي
اقحص لهم وابدي سلام المحبه=
لا شح بالهين كبير العلابي
[/poet]

[align=center]وهذا حمد ابراهيم العمار[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
الى ضاق صدري قمت لم الدلالي=
شبيت ناره يوم عني الكرى غاب
الى اصرهت بالجمر عقب اشتعالي=
زليت صافيها على كيف شراب
وقلبت حمستها على شف بالي=
حوش الغنم لين العرق فوقها ذاب
ودقيتها من ضيقتي باعتجالي=
نجره يصيح لراعي الكيف جذاب
[/poet]

[align=center]وهذا الشاعر سعد بن قطنان السبيعي .[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
جر الفراش لنا وهات الدلالي=
اربع مغاتير على النار تدنا
ترى حلاة النار دوم اشتعالي=
وسوقة فناجيل عليهم من ادنا
فنجال اشقر مثل دم الغزالي=
اليانقص شيء من الكيف زدنا
اتعب لها بالسوم لو كان غالي=
لو كان سوقه نازح عن بلدنا
ياما دفعنابالثمن من ريالي=
غير القرى نسهر لهم ما رقدنا
[/poet]

[align=center]وهذا الشاعر: شليل بن عواض الحربي[/align]
[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا سعود قم هات الدلال المهانيف=
في ليلة ناخذ سهرها قطوعه
إحمس وكيفها ترى طاب لي كيف=
واستدن (مزعل) ياشفاتي وصوعه
إلى تهيض بالعوى والزعانيف=
يشدي عوا ذيب شكا حر جوعه
يشدي عواذيبٍ بروس المشاريف=
حادية حادي والهبايب تلوعه
حتى يجيب مسيّر البيت والضيف=
مثل العقيد اللي تلافت جموعه
مخصصٍ الى صار جماعه مواليف=
ماركز الشيطان معهم بكوعه
يا زين سجتهم وزين السواليف=
ما دوّروا واحد بالاخر طموعه
والى احدث الجهال بعض التخاليف=
إستدركوها قبل تكثر فزوعه
تلقى لهم سمعة وهيبه وتصريف=
وكلٍ يجي فعله على قد نوعه
[/poet]


[align=center]وسلامتكم .[/align]