كل مادرت وجه الراحلة يم صوب == عارضوني مقاريد العرب بالسلاح

[align=center]00وقصة القصيدة أن الشاعر قرأ في أحد الصحف قصيدة للشاعرة أغاريد السعودية 00وتهيض الشاعر وتعرفون الشاعر إذا تهيض ماتعوق معه قام وجاراها بقصيدة 00سمعها الشاعر كريدي الفانوس وحب يمازح أبن عون وجاراه بقصيدة فيها لقافة وميانة 00ورد عليه الشاعر أبن عون بقصيدة 00 يمكن كثير سمع القصايد لكن اللي ما سمعها هذي القصايد :

قصيدة اغاريد السعودية
كل ماجيت ابسلى عن غرامك واتوب== جددت جرح قلبي لك هبوب الريـاح
جت بطاريك عندي كم نسمة هبوب== وانعشت ذكرياتك ماضيات الجـراح
واشرقت شمسك اللي باديه بالغـروب== واستبّد العنـا والهـم بـي والنـواح
ول ياقلب فارقت الفـرح والطـروب== ونجمك اللي رجيته في سما الحب طاح
ولو تهربت ماينفـع كثيـر الهـروب== اه واسدّي اللي من ضنى الوجد بـاح
لابسن لك عن الهجران والصّد ثـوب== وان شكيتك تقول الحب ذنبـه مبـاح

مجاراة عبد الله بن عو ن
هيه ياللي عليك الناس تمشي دبوب== ليت من يدري انته غيم ولا ضيـاح
كان من ريم نجد ولانت بس بمعروب== واهني من لقف لك بالهـوى يـارداح
عاشقتك المسامع قبل عشق القلوب== وامغلوث الهوى لو طالع البرق صـاح
لاتهيج صبابة كـل قلـب معطـوب== اتغزل من الغزلان مـوت(ن) ذحـاح
زدت نار المحبه من حطبكم شبـوب== مايطفي للهبها شرب مويـة نسـاح
من شرب حب مثلك ماهناه الشروب== لو تسلسل على كبده لذيذ(ن) قـراح
كل ماجيت ابنسى الحب غنّى طروب== واستمال الحشاشه له طرب وارتياح
بالغطاريف دوبه ينعش القلـب دوب== مثل ماينعش الظميان برد الصبـاح

مجاراة كريدي القانوس لا بن عو ن
هاظني شاعراً محد(ن) لقابه شـذوب== من تعرض جديدة راح قدمـه طفـاح
التفت يم صوت(ن) للمولـع جـذوب== مثل ماتلتفت للصـوت روس الطـواح
انت ياللي بحايل وش تبي بالجنـوب== خـل فالـح ينـادي بالمحبّـه فـلاح
لاتخايل بروق(ن) في خشوم النصوب==برق وسم بعيـد وهيظـك يـوم لاح
يابونايف ترى منت بـعليه مغصـوب== المعافـا يحمـد الله يـوم اسـتـراح
انت شاعر واديب و فالهوى لك اسلوب== مير ركبك مشى واهل الموده شحـاح

رد ابن عون على كريدي
هيه ياللي يهيظك الطرب والعجـوب== وش محرك حصاتك وانت مالك صلاح
احسبنك رفيقي فـي غيابـي ينـوب== واثرك اللي على الغرّة يصيبه شفاح
كل مادرت وجه الراحله يـم صـوب== عارضوني مقاريد العـرب بالسـلاح
ودي انصحك ياراع الحصان الهذوب== حيث ياجب علي معاملـك بالنصـاح
الخطا والتعرض منك مالـه وجـوب== والنصيحه تفيد اهل القلوب الصحاح
وكل وادي على مجراه سيله سحوب==سيل وادي الرشا ماطب وادي رمـاح
منقوول[/align]

لاهنت ياصنهات على النقل

ولا تصغر يا مشرفنا

لاهنت ياصنهات على النقل الطيب
وعوايدك طيب ولاتنقل الا الجزل

لاهنت ياصنهات على النقل الطيب
وعوايدك طيب ولاتنقل الا الجزل

تسلم يا خالي
ولاهنت على المرور
وعوايدكم الطيب

صح الله اللسنت الشعار وسلمت يمين الناقل

السلام عليكم ورحمة الله وبركاته




بدون شك قصائد من فطاحل الشعار




لا هنت يا صنهات




صح نقلك

صح الله ابدانكم
واشكر الجميع على المرور
وتسلم عيونكم

القانوس

انت ياللي بحايل وش تبي بالجنـوب== خـل فالـح ينـادي بالمحبّـه فـلاح
لاتخايل بروق(ن) في خشوم النصوب==برق وسم بعيـد وهيظـك يـوم لاح



ابن عون

هيه ياللي يهيظك الطرب والعجـوب== وش محرك حصاتك وانت مالك صلاح
احسبنك رفيقي فـي غيابـي ينـوب== واثرك اللي على الغرّة يصيبه شفاح



ياسلا م ياسلام


وبيض الله وجهك


على مانقلت

لاهنت ياصنهات على النقل