لقيت بالعتبان خمسة عذاريب

السلام عليكم ورحمة الله وبركاته


اما بعد


صباح الخير على الجميع

اعضاء ومشرفين وزوار


هذه اولى مشاركاتي في المنتدى

واتمنى تنال اعجابكم



فهذه القصيده قالها

الشاعر فلاح بن شامان الشمري

وموجهه للشاعر

تريحيب بن سويلم العتيبي

والقصة هي اصابت ثامر ابن الشاعر فلاح الشمري

طلقه ناريه غير مقصوده

في الدوره

وحينها كان المسؤول عن عن الدوره

المقدم تريحيب

واخذ ثامر اجازه مرضيه فلما رجع من الاجازه لم يبقى سوى اسبوعين عن التخرج

وقالوا لثامر يعاد مع دوره جديده

فقال المقدم لا بل

يعاد تدريبه وتاهيله في هذه الفتره

ويتخرج مع زملائه

حينها ارسل شامان بهذه القصيده

موجهه للشاعر تريحيب

يقول فلاح شامان الشمري


سلام مني للمقدم تريحيب

عداد ما خط القلم بيد كتاب

وعداد ما غنو هل الفطر الشيب

بأرضن خليه مابها كود الاعشاب

وعداد ما ذعذع نسيم الهباهيب

وعداد ما سجيت رجلي للاقراب

ما هي غريبه منك يا كاسب الطيب

حلياك من نجمن تبين ولا غاب

شريف ما يدخل على ساسك العيب

ومن يفعل الحسنا بالاجواد ما خاب

لقيت بالعتبان خمسة عذاريب

الطيب والنخوه وتقدير الاجناب

ودون الخوي ياطون حر اللواهيب

وان حدت الدنيا يفكون الانشاب



فلاح شامان الشمري


وقد رد الشاعر تريحيب سويلم العتيبي

بهذه الابيات

حي الكتاب اللي من الشمري جيب

اقولها بالصدق ما نيب كذاب

يا مرحبا عد النجوم المراقيب

ترحيب مشتاق ليا شاف الاحباب

بكتاب ابن شامان رجل المواجيب

فيه الجواهر بين صايغ وحساب

بنيت له بأقصى ضميري دواليب

هاذا الرصيد اللي كنزته ورى الباب

من شان ثامر يرخصن المطاليب

خوينا الطيب له الحق غصاب

خوينا ننصاب مثله ليا صيب

نمرض معه ونطيب مثله ليا طاب

يا عل ما يفتق على مثله الجيب

والله يجيره من صواديف الاسباب


تريحيب سويلم العتيبي






وأسف على الاطاله

واتمنى تنال على رضاكم واستحسانكم


اخيكم
مرضي العتيبي

وشكرا

[طراد العتيبي]

كفو ياعتابة

وكفو ياشمر

وكفو ياجميع القبايل

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
لقيت بالعتبان خمسة عذاريب = الطيب والنخوه وتقدير الاجناب

ودون الخوي ياطون حر اللواهيب = وان حدت الدنيا يفكون الانشاب[/poem]

عز الله انهم كفو وانه ماظلم حظه

دون قصور في باقي القبايل

عز الله انهم كفو وانه ماظلم حظه

دون قصور في باقي القبايل

كفو بعتيبه الهيلا وكفو بشمر ولايهنون القبائل
وصح السنتهم
وعزالله ان تراحيب موقفه موقف رجل ويستاهل المدح
تحياتي

كفو بقبيلة عتيبه وقبيلة شمر واطيبين من جميع القبائل
والاحترام لجميع القبائل الاخرى

عز الله انهم كفو وانه ماظلم حظه

دون قصور في باقي القبايل

كفو بعتيبه الهيلا وكفو بشمر ولايهنون القبائل
وصح السنتهم
وعزالله ان تراحيب موقفه موقف رجل ويستاهل المدح

عز الله انهم كفو وانه ماظلم حظه

عز الله أنهم كفو وما ظلم حظه
من غير قصور في باقي القبايل

كفو خوالي العتبان ولا يهونون شمر

يستاهلون عتيبه.... مهوب غريب عليهم العلم الطيب وعتيبه قبيله غنيه عن التعريف دون قصور في باقي القبايل


ذكرتني قصة فلاح بن شامان الشمري وتريحيب بن سويلم العتيبي بقصه الشاعر المعروف محمد بن منصور بن ريس التميمي وخويه

والقصة حدثت في بداية القرن 12 الهجري حيث كانت هناك قافلة حجاج على ظهور الجمال عائدة من بيت الله الحرام بعد أداء مناسك الحج وفي أول الطريق أصيب أحد الركب بمرض الجدري واستمرت القافلة بالسير والمصاب بصحبتهم وفي منتصف الطريق اشتد به المرض مما تعذر معه استمرار السير به والقافلة كما هو معروف تتكون من مجموعات بعضها مع بعض ولا يمكن الأنتظار لحين شفائه فقرروا التحرك بدونه وتركه يلاقي مصيره فقام عندها قرر محمد بن منصور بن ريس التميمي أن يبقى معه ونذر نفسه بأن يجلس عند هذا المريض حتى يقضي الله أمره إما وفاة فيقوم بدفنه أو يكتب الله له الحياة ويعودا سالمين وعارضه بعض القوم إلا أنه أصرّ على رأيه وقراره وجلس مع المصاب في سفح جبل بين أوديه ليس فيها إلا الضباع والذئاب ونظم ابن ريس قصيدة أرسلها مع الركب إلى والدته بالرس حيث أنها لابد وأن تسأل عن ابنها الذي لم يصل ضمن القافلة فقال:



قال هيه يا أهل شايبات المحاقيب .. أقفن من عندي جـداد الأثـاري
أقفن مع البيداء كما يقفي الذيب .. لا طالع الشاوي بليـل غـداري
لا كن صفق أذيالهن بالعراقيـب .. رقاصة تبغـي بزينـه تمـاري
يا ابن رخيص كب عنك الزواريب .. أعمارنا يا ابن رخيص عـواري
خوينا مـا نصلبـه بالمصاليـب .. ولا يشتكي منا دروب العـزاري
لزمٍ تجيك أمه بكبـده لواهيـب .. تبكي ومن كثر البكاء ما تـداري
تنشدك باللي يعلم السر والغيـب .. وين ابني اللي لك خويٍ مبـاري
قل له قعد في عاليات المراقيـب .. في قنةٍ ما حولـه ألا الحبـاري
يتنا خويه لين يبدي بـه الطيـب .. وألا يجيه من الصواديف جـاري
إن كان ما قمنا بحق المواجيـب .. حرمن علينا لابسات الخـزاري

وعندما شفي المصاب من المرض عاد الأثنان إلى الرس فسمي بعدها محمد بن ريس (( اباالضلعان )).تكريماً له على هذا العمل البطولي ولاتزال سلالة المذكور تعرف ب(الضلعان) إلى اليوم ، أما ((ابن رخيّص )) فهو أمير القافلة من أهل المذنب

اللة لايهينك على النقل

ونعم في جميع القبايل

لاهنت اخووووي مرضي وبيض الله وجهك على القصيده

وصح الله السان الشاعرين


لقيت بالعتبان خمسـة عذاريـبالطيب والنخوه وتقدير الاجنـاب
ودون الخوي ياطون حر اللواهيبوان حدت الدنيا يفكون الانشـاب



عز الله انهم كفو وانه ماظلم حظه

دون قصور في باقي القبايل

كفو بعتيبه وكفو بشمر ولايهنون القبائل

وصح السنتهم

وعزالله ان تراحيب موقفه موقف رجل ويستاهل المدح

وشــــــــــــــــكرا