يآذيب وآقنب خل صوتك يدوي العالم دوي

..آلســ علييييكم ـــلآم..
..للشــآعر/ بدر آلخآلدي..

البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا

اخايلـه واقـول واعـزي لحالـك يالـقـوي
اللي تنقـى فـي سمـان الفطـح لا مـن جيتهـا

واللي باساميك يتقلدهـا الخـوي مـع الخـوي
والعرب تبديـك التحايـا وانـت مـا حييتهـا

واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا

الجوع لو يدفعك للمـوت الذحـاح المستـوي
حشمت نفسك عـن عظـام الحرجـه وخليتهـا

ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا

يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا

يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجليـه ان خاويتـهـا

عامر خوي الذيب في عصـر الفـوات المنطـوي
وقصتك فـآذان العـرب واليـا طـرت لبيتهـا

نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا

يا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا

مدري غبى مدري ذكى مدري تسـرع فوضـوي
لكن خطواتـي علـى الهيبـه مـا قـد ضريتهـا

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيـب المنطـق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا

يا ذيب مدري كيف ابوصف حالتـك يالمنـزوي
والهاشميـه فـي طـرف عيـنـي ولا دنيتـهـا

لا جيث ابرثي حالتك ضـاع الكـلام اللغـوي
والمفـردات اللـي تجملـنـي لـيـا عديتـهـا

والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا

واخاف لا تكمـل وينحـاك النزيـف الدمـوي
وابقـى علـى قـول المثـل خميتهـا واخطيتهـا

ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

..~راشد المخضوبي:~

~.~.~ لاهنت على القصيدة الجميلة وماقصرت ~.~.~

مرحبا اخوي خالد وشاكر المرور الطيب

لاهنت يارشد على القصيده

سلمت ودمت

مرحبا اخوي قاسم

ولاهنت على المرور

لاهنت يارشد على القصيده

وصح الله لسان الشاعر

لاهنت يارشد على القصيده

وصح الله لسان الشاعر

ولانت وبيض الله وجهك على جميع اردود المميزه

لاهنت وبيض الله وجهك

وصح السان الشاعر

لاهنت وبيض الله وجهك

وصح السان الشاعر

وجهك ابيض ولاهنت على المرور

لاهنت اخوي على القصيدة الجميلة

~.~.~ لاهنت على القصيدة الجميلة وماقصرت ~.~.~

ياسلام ياسلام
قصيدة جزله وصح لسان الشاعر بدر الخالدي
ولاهنت ياراشد على النقل المميز

وقبل يغيـب المنطـق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا

اشهد بالله ان هذا القصيد
صح لسانك ياراشد ولسان الشاعر بدر الخالدي

لاهنت اخوي على القصيدة الجميلة

ولانت وبيض الله وجهك على المرور

~.~.~ لاهنت على القصيدة الجميلة وماقصرت ~.~.~

لاهنت على المرور