# الـفرق بيـن فـعل جـاري وعـضو مـنتـدانـا عبـدالرحـمن بن عـبدالعـزيـز #

مساكم الله بالخير جميعا

قدر الله وأن أتى بعير هامل في يوم 10 / 10 الماضي الى العزبة وانا غايب والعامل غافل عن البل

وأضرب وحده من النياق ومن أطيبهن ..

وما هي الى أيام قلائل وتغير طبع الناقة ما عاد تخلينا نحلبها الى بشق الانفس ..

فشكيت في الأمر ..

وقلت للعامل بنروح لجارنا ... ونعرضها على بعيره حتى نتأكد من عشارها فقط ..

لا نريده أن يضربها ..

فإتجهنا اليه الأربعاء الماضي مع صلاة العصر ..

فإذا بجاري قد أتم صلاته وجالس يسبح ..

فسبقت العامل والناقة لجاري الذي نافه على السبعين عمره ودار الحوار التالي



انا : السلام عليكم .

جاري : عليكم السلام

انا : كيف حالك يا ....

جاري : بخير ونعمة

انا : انا جارك طلال الروقي

جاري : ونعم حياك

انا : عندي ناقة أضربها بعير شهر 10 اللي راح وأبا أعرضها على بعيرك

أبا أشوف ....( قاطعني )

جاري : البعير مايضرب البعير ما يضرب البعير ما يضرب ..

البعير وجعان ..!!!


( سبحان الله )

فإذا بذاكرتي تعود الى الوراء قليلا فأذكر ما قاله أخونا وحبيبنا

عبدالرحمن عبدالعزيز

المستشار الإداري في المنتدى

اخواني اعضاء منتديات مزاين مثل ماتعرفون حنا مقبلين على موسم هداد الفحول
كلن يدور الفحل الطيب ولاكن المشكله وين الفحول الطيب الى قريبه من الرياض وخصوصا الوضح
نرجو من الاخوان الافاده بها الموضوع
وشكرا
محمد الحربي

الاخ محمد

اغلب اهل الفحول الطيبه ما يجون حول الرياض واللي حول الرياض تلاقيه في مزرعته
كما ان ذكر اي شخص بعينه من الصعب على الاخوان لانه قد يكون فيه احراج لاصحاب الفحول
ولكن ان كان هناك احد من الاعضاء لديه فحل طيب او قد استئذن من اصحاب الفحول الطيبه وابداء استعداده فلا مانع من ذلك
وانا عن نفسي لدي فحلين كلها منتجه ومن ساس طيب جدا ان اردت تضرب يا هلا ومرحبا وان كان ابلك واجد ارسلت لك البعير منيح لين تعاشر ابلك
وعسا الله يرزقك ويمنحك منها ما يسرك

وتقبلوا تحياتي

وأستغرب ...

هذا كلام رجل لرجل لا يعرفه ولا تربطه به أي صله ..

وكلام جاري لي ..

فسبحان الله وقد صدق رسول الله صلوات الله عليه

عندما قال ( لقد قسم الله لكم أخلاقكم كما قسم لكم أرزاقكم )

اخونا عبدالرحمن عبدالعزيز نسأل الله ان يبارك له ما يملك وأن يوسع في

رزقه ..

فهو نبراس لمكارم الاخلاق التي ندرت في هذا الزمان ..


فو الله اننا نفخر بأنه أحد أعضاء وإداريي هذا المنتدى ..

وبهذه المناسبة أقول لاخونا عبدالرحمن ان هناك عدد ليس بالقليل

من أقاربي وزملائي يبلغونك التحية والسلام ويدعون لك أن يبارك الله

لك في مالك و كل ما تملك ..

بعدما ذكرت لهم حسن صنيعك وتبرعك لأحد الأعضاء بأنك سوف ترسل له فحل

أبلك ..


والسلام عليكم ..

مشكور اخوي طلال
والناس ماهم سوا فيهم الطيب وفيهم الردي
والله يجنبنا الردى

لا يستغرب على أبو عبدالعزيز فعل الطيب
والله يبعدنا من الردى

مشكور اخوي طلال
والناس ماهم سوا فيهم الطيب وفيهم الردي
والله يجنبنا الردى

الله يكثر من امثال ابو خالد ومن امثالك اخوي طلال

وابو خالد يقول ويفعل وكفو للعلوم الغانمة

أما جارك فسابقا يقولون معادن الرجال تعرف في محك الظروف والحاجة

وحاليا يمكن معرفة معادن الناس في أمور بسيطه مثل ماجرى بينك وبين جارك

فاتضح لك بمجرد أن طلبت أن تعرض الناقة فقط

ولكن الكلام لو طلبت إن تضرب وش راح يكون رده ؟!!

ارحب ياطلال

ويمكن لك خيره

واما من صوب الزميل والاخ عبدالرحمن بن عبدالعزيز

فيعل الله اني احبه فالله وانا مابعد شفته

ويعلم الله اني اكن لهذا الرجل غلا اكثر من غلا الاخ لاخيه ..!

ولاهنت على كل حال

اخوك

الرجل مايغصب على الطيب تغصيب ///ليا صار ماهو دل ضمن الدلوووووولي

والرياجيل مااهم سواء

طلال الجار ذا كبه والنشاما واجد ويفروحون بحاجة الطيب لهم
مثلك وشرواك
وابو عبدالعزيز صحيح اني ماعرفه اللا عن طريق المنتدى
لكن على ماقال المثل
( علم الحيا والطيبين يبين )

مرحبا ياطلال والشايب بشره بالفلس ولا هو معين من بعيره خير وفي الناس معطي ومحروم هذا لو عنده بعير منتج وغالي وش بيسوي.

اصابيعك ما هي سوى وكلا فعله له اذا فعله طيب هو طيب وان هوفعله ردي حاشاكم هو ردي

الرجال ماهم سواء

وابو عبد العزيز مايحتاج تعريف

وانت كلامك يدل على طيبك

ما نستغرب الطيب من ابو عبدالعزيز
وطيب ياطلال تعينه عند اهله

فاتضح لك بمجرد أن طلبت أن تعرض الناقة فقط

ولكن الكلام لو طلبت إن تضرب وش راح يكون رده ؟!!

ههههههههههههه

أمكن يجيه جلطة ..