اللغز

هاذي مسابقه جديده في المنتدى وهي طرح اللغااز وان شاء الله تحوز على رضاكم وارجو من المشرفين التثبيت
وهذا اللغز الاول : سيف سحبته يافتى في يميني # واليا سحبته تعجبك لمحة اضواه
عـده على الخـطار والغانمين # تراء صعبة ردة السيف بخـــــــاه

حله معروف حليب الناقه
لاهنت على عرض اللغز

ولانت ياخوي جاسم وهوصحيح حليب الناقه واللغز عندك

اللغز الثاني : انشدك من غمرا شبابه اسبوعين # وبعد اسبوعين ينثني شايب
وكــلا يحبه غــير طـلابة الديـــــن # ومدوره الافاق فوق النجايب

الاخ رجا صباح الخير
والحل القمر الهلال

صباح النور والحل صحيح واللغز عندك عطناه

ياويش رجل به سنين مزروعه-- وليا انجرح في حداها جرح مايبرى
دايم يضحي بروحه لجل مجموعه--لنقاذها لاتصير مصيبه(ن)كبرى

ياخوي علي والله أعلم إن لغزك لغز مكانيكي هههههههههه

وبعطيك رمعه هوإتروس قير الموتر ومشكور على اللغز

الاخ على الزهيري الحل صحيح والا باقي ماحد حله

لاهنت يا رجا على الفكره الطيبه

بسم الله الرحمن الرحيم

لاهنت اخوي:رجا ال حمود

وبيض الله وجهك على الطرح الطيب والمميز

والفريد من نوعه في المنتدى وكثر الله من امثالك

الحل غير صحيح

ابرمع يالزهيري وعلى الله

الله العالم

انها الحديده ام سنون الي يحطونها الشرطه للمجرم علشان تبنشر توايره

سلامتك غير صحيح

دوك الرمعه الثانيه ياعلي كيبل الكهرباء والمجموعه الوايرات إلي بوسطه