"الريال"

[align=center]"الريال"




قصيدة:الشاعر دسمان بن مناحي بن هايف المحمدي السبيعي















يا المقهوي خاطري ضايق وفي راسي صلايف***زين الدله وكثر هيلها والزعفرانا

ودي العب للعرب وأخذ من المعنى طرايف***غير جر الصوت والدله قولولي وش ورانا

ما لحقنا للعلوم اللي تناقلها الطوايف***يوم وقعة نهاوند ويوم فتح القيروانا

راكبٍ حرٍ على وقم السدس كامل وصايف***طيره عرقوب ركابه ونفض الخيزرانا

صعيرياً جايبه من صيعريات ولايف***ما نبي صنع اليهود الفاسقين الكيفرانا

نحره ربع يشيلون الثقال مع الخفايف***القصيده ما تزين الا لياجت فأمورانا

أتمنى والتمني ما وراه إلا الحسايف***ليتني تاجر مثل بعض الشيوخ التيجرانا

مأسكن إلا في مرابيعٍ حدايقها لفايف***فالبيوت اللي قببها حيمران وخيضرانا

حاجةٍ في النفس وإلا ما شكينا من عجايف***ودنا نلبس ونركب مثلنا مثل قصرانا

قلت وشبك يالريال تروح عني فالذلايف***قال أنا عندك قريب في بيوت .....

قلت والله قال والله قلت هيا قال خايف***قلت خايف قال خايف قلت خلك في ذرانا

قال أنا ربعي ورايه ما لهم غيري وظايف***يلعبون الهندوان ويشربون الغيجرانا

قلت أبوك أنا تعودنا على كيف وكلايف***والتعب هذا تعبنا والثراء هذا ثرانا

قال لا تبلشني وأنا دمعي على ربعي ذرايف***والحقيقه ما تناسبني وجيه الفيقرانا

قلت فارق يا صحيب .. مقطوع التلايف***والله انا ما نصرك للوريث ولا طرانا [/align]

~.~ ماقصرت على القصيدة ولا هنت وصح لسان قايلها ~.~

لاهنت اخوي:خالد العتيبي على الرد الطيب

أتمنى والتمني ما وراه إلا الحسايف***ليتني تاجر مثل بعض الشيوخ التيجرانا

مأسكن إلا في مرابيعٍ حدايقها لفايف***فالبيوت اللي قببها حيمران وخيضرانا

حاجةٍ في النفس وإلا ما شكينا من عجايف***ودنا نلبس ونركب مثلنا مثل قصرانا

بيض الله وحهك اخوي خالد
وصح لسانك ولسان الشاعر دسمان

تسلم يا خالد