"اللاند كروزر"

[align=center]"اللاند كروزر"





قصيدة الشاعر:دسمان بن مناحي بن هايف المحمدي السبيعي





راكب اللي يبعد الهم موجاهه***لند لمتد لك شنطه ومحاله

دولة اليابان منبع توجاهه***زودوا بمواصفاته عن امثاله

مركب اللي عايشٍ في ترفاهه***يتبعون الناس حله وترحاله

لاطلع به فالعشي للتنزاهه***والكدالك والصوالين تبراله

ودي بسجه ومعها تنفاهه***يم عرق سبيع والهضب وجباله

دار ربعٍ للمطافيق لفاهه***لابةٍ ماهيب للسور مكاله

نشره الطيب ونقبل تشراهه***والردي ما تنظر العين مرساله

شوفنا ما هوب للظل واشباهه***اترك اللي شقوته يسبر ظلاله

اعبد الهي وهو يعبد الهه***ديني لحالي وهو دينه لحاله

ان كسب منقود والا كسب فاهه***يحسب انه يملك الناس برياله

مادرا ان الوقت يخلف تمذاهه***كم ثريٍ حاله اليوم يرثاله

بين غمضة رمش عين وتنباهه***يبدل الله وضع حاله إلى حاله

فزعة الرجال من ماله وجاهه***ترفعه للعز ما تقصر حباله

آه من قلبٍ صعيبٍ تدلاهه***يتعبك ياللي تحاول تدلاله

ما جعلني هكذا غير لهلاهه***عانق السبع وفالصدر منزاله

له طموحاتٍ كبيره وله ناهه*** مير باقي لازمٍ ما تهياله[/align]

~.~ صح لسانك ولسان قايلها ~.~

~.~ بيض الله وجهك على القصيدة الجميلة ~.~

~.~ لاهنت يا سميي ... خالد المجمعي ~.~

ووجهك ابيض

ولاهنت على المررور الطيب

بيض الله وجهك على القصيده الجزله

ووجهك ابيض اخوي راشد
ولاهنت على الرد الطيب