وقفة اعجاب!!!!! بقلمي

السلام عليكم ورحمة الله وبركاته

اسطر بين ايديكم قصيده من بوح قلمي

اربها تنال على رضاكم


يبست عروق القلب والدمع سكاب

قدلي ثلاث سنين مـدري بحالـي

ان جيت ابفتح باب تتسكر ابـواب

ياشيب عيني من سـواد الليالـي

شربت انا المر المحلا من اكـواب

مرن على كبـدي وللغيـر حالـي

وطيت انا فالنار من دون اسبـاب

وطاحت عليه غترتـي والعقالـي

وقفت انا في قبرها وقفة اعجـاب

ورسومها غطـت عليـه ظلالـي

لاجيت ابوصف شعرها كيف ينساب

احتار في وصفه واهيـم بخيالـي

بتعب وبمشي واعتلي فوق مرقاب

وباقف وبجلس وانتظر وش بقالي

ولا العيون الساحره بين الاهـداب

الله رسمهـا بالدلـع والجمـالـي

عينه بحر دمعه نهـر كحلهـا ذاب

فيه الوصايف قصرهـا والطوالـي

من وصف عنقه فيه سكر وجـذاب

مقـدر عليهـا صـدق ياهملالـي

عنق الغزال الشارده فيـه ماخـاب

ماخاب ظني يـوم قلـت الغزالـي

ريحة عرقها ياعرب كنـه اطيـاب

ماينشري لـو بالذهـب والريالـي

غاب الجمال بموتها والدلع غـاب

واشوف في عيني بناتـن هبالـي

ماصرت افرق بين صادق وكـذاب

عايش فهـم وغـم للـي جرالـي

اسرد محاسنها واضيفه على كتاب

ويشوف مابين السطـور الجزالي

يكفي حزن والآم وجروح وغيـاب

يكفي شعور اني من الحب خالـي

صح السان الشاعر


ولاهنت يا هايف

صح بدنك اخوي راشد

وللمعلوميه قائل هذي القصيده انا جعلك تحيا

شاكر مرورك يالغالي

ودي

صح لسانك وبيض الله وجهك على القصيده

صح اللسانك وبيض الله وجهك وكثرالله من امثالك

يا شاعر المنتدى

~.~ صح لسانك وبيض الله وجهك على القصيده ~.~