[poet font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا بـيه أنا لكروش ما اعطي ولا ابيع=قبلك طلبها فيصـلٍ وابـن هادي
يا بيـه لو كثّرت بالقـول ما اطيـع=يـا حيف تبغيـني أسلّـم جوادي
يا بيه ما يرهم على مثلها البيع=ولا يجي مثله بقودة مهادي
مـا جمّع أصله بالقراطيس تجميـع=بـيتـه يـعرفونه جميع البـوادي
بـاغٍ إلـى ما لقمّوها المصاريــع=وصـاح الصياح وثار عج الطرادي
يلحـق وانا فوقـه ترثّــع تراثيع=مثل الفحل لا صال وقت الهـدادي
واصلها لعيون بيضٍ مفاريع=فوق الحنايا والسبايا غوادي
هذاك بيعه كان ما تفهم البيع=ليا منهن جلبن بسوق المزادي
يا بيه أنا مسمع جوابك ولا اطيع=هـرجك بمقلة ناظري والفـوادي
يـا سابقي ما نرخصك بالمطاميع=حتـى ولـو قيل ارفعوا بالحدادي
أبغـى إلى ثـار الدخن بالزعازيع=وحطـّوا على عجلاتهـن العدادي
بيوم يشيّب من وحاه المراضيع=حدّين حايدهن من الخوف حادي
أنطـح ورا ربعي وجيه المداريع=وأقضـي عليها دينهـم والعيادي
وانشد عن افعاله بعاد المفازيع=هو هرجنا ذا كذب وألا وكادي؟؟
من لابة بالحرب ماهم مطاويع=ولا تحسّب بالمداس العوادي
حلفـت ما يطري علينا بها البيع=للحشر ما يفخت سواده سوادي
مـا دام راسي للرياح الذعاذيع=بالعون طالبها من الناس غادي
وديارنا حامينها بالمرابيع=واضدادنا عنها تجي بالحيادي
الا ان بغاه ((الليث)) حنّا مخاضيع=لأمره وهو فوقه كما البدر بادي
هذاك انا وحذاي لأمره مطاويع=فرز الوغى صيّاد من لا يصادي
حرٍ يفدع بأبرق الريش تفديع=ولا يفرس ألا من كبار الثنادي
طير السعد يفرّح قلوب المراضيع=تشتاق له معها وهو بالمهادي
يدرا وترجي من وراه المنافيع=الليث يرجى للعطايا الزيادي
اودع مصاعيب القبايل مراجيع=والخيل جاته من عمان تقادي
وصلّوا عدد ما حيش مال وبيع=على نبي للورى خير هادي
[/poet]
[align=center]يقال بأنه يقصد بالليث= الامام فيصل اللي قد أهداه كروش سابقا [/align]
[align=center]عبيد العلي الرشيد[/align]
يا بـيه أنا لكروش ما اعطي ولا ابيع=قبلك طلبها فيصـلٍ وابـن هادي
يا بيـه لو كثّرت بالقـول ما اطيـع=يـا حيف تبغيـني أسلّـم جوادي
يا بيه ما يرهم على مثلها البيع=ولا يجي مثله بقودة مهادي
مـا جمّع أصله بالقراطيس تجميـع=بـيتـه يـعرفونه جميع البـوادي
بـاغٍ إلـى ما لقمّوها المصاريــع=وصـاح الصياح وثار عج الطرادي
يلحـق وانا فوقـه ترثّــع تراثيع=مثل الفحل لا صال وقت الهـدادي
واصلها لعيون بيضٍ مفاريع=فوق الحنايا والسبايا غوادي
هذاك بيعه كان ما تفهم البيع=ليا منهن جلبن بسوق المزادي
يا بيه أنا مسمع جوابك ولا اطيع=هـرجك بمقلة ناظري والفـوادي
يـا سابقي ما نرخصك بالمطاميع=حتـى ولـو قيل ارفعوا بالحدادي
أبغـى إلى ثـار الدخن بالزعازيع=وحطـّوا على عجلاتهـن العدادي
بيوم يشيّب من وحاه المراضيع=حدّين حايدهن من الخوف حادي
أنطـح ورا ربعي وجيه المداريع=وأقضـي عليها دينهـم والعيادي
وانشد عن افعاله بعاد المفازيع=هو هرجنا ذا كذب وألا وكادي؟؟
من لابة بالحرب ماهم مطاويع=ولا تحسّب بالمداس العوادي
حلفـت ما يطري علينا بها البيع=للحشر ما يفخت سواده سوادي
مـا دام راسي للرياح الذعاذيع=بالعون طالبها من الناس غادي
وديارنا حامينها بالمرابيع=واضدادنا عنها تجي بالحيادي
الا ان بغاه ((الليث)) حنّا مخاضيع=لأمره وهو فوقه كما البدر بادي
هذاك انا وحذاي لأمره مطاويع=فرز الوغى صيّاد من لا يصادي
حرٍ يفدع بأبرق الريش تفديع=ولا يفرس ألا من كبار الثنادي
طير السعد يفرّح قلوب المراضيع=تشتاق له معها وهو بالمهادي
يدرا وترجي من وراه المنافيع=الليث يرجى للعطايا الزيادي
اودع مصاعيب القبايل مراجيع=والخيل جاته من عمان تقادي
وصلّوا عدد ما حيش مال وبيع=على نبي للورى خير هادي
[/poet]
[align=center]يقال بأنه يقصد بالليث= الامام فيصل اللي قد أهداه كروش سابقا [/align]
[align=center]عبيد العلي الرشيد[/align]
تعليق