[size=6]ألا واهنيّـك ياحمـامً علـى الـسـدره=تجاوب بحلـو الصـوت وتجـرّ الالحانـي
على جـال روضً علّـه الوسـم والنثـره=وتقافا عليه الوبـل مـن غـرّ الامزانـي
علامك تهيّض خافـقً مـلّ مـن صبـره!=حزينً من اللوعـات مسكـن للاحزانـي
تعلّمت: كيف القلب ينصاب من نظـره=وتذكّرت: يوم انصبت وأهتزّ وجدانـي
وأنا لي خفوقً كـان ماحـبّ مايكـره!=على سيرة أهل الحـب مخلص(وحقّانـي)
كثيـر العتـاب (ولاجفـا صاحبه)يشـره=وترى شرهة الغالي لهـا طابـعً ثانـي!
..تولّع بحب اللي جفـا وانتهـى عـذره=جفانـي وعذّبنـي وهـو سيـد خلانـي
ألايانديم الـروح؟ ماعـاد لـي قـدره!=قريتك:بهمس الروح..ودموع الأعيانـي
عرفت الجواب ومختصر موجز(النشـره)=جوابً يخلّي صاحـي العقـل مرضانـي!
وانا آقول(فالك خير)لكن علـى فكـره:=ابا أهديك:نسخة حب مـن دمّ شريانـي
وابا اكتب(رواية عاشقً)كلهـا عْبـره=توزّع علـى العشّـاق توزيـع مجّانـي!!
وأنا لو عذرت اليوم مااعذرك في بكره=وترى منهـج الخطّـه كتبتـه بعنوانـي
مدام(اشقر الجنحان)مربوط في وكـره=أنا الحرّ الاشقر وأعذب الشعر جنحانـي
وأنا ماكتبت الشعر والمقصد الشهـره!=ابا أرضي غرور الشعر وآغيض عدواني
عدوّي(هزيـل الشعر)وقليّـل الخـبـره=وأنا بالجزاله صغـت شعـري وقيفانـي
لــ / مشعــــــــــل الشويـــــــــــــش[/size]
على جـال روضً علّـه الوسـم والنثـره=وتقافا عليه الوبـل مـن غـرّ الامزانـي
علامك تهيّض خافـقً مـلّ مـن صبـره!=حزينً من اللوعـات مسكـن للاحزانـي
تعلّمت: كيف القلب ينصاب من نظـره=وتذكّرت: يوم انصبت وأهتزّ وجدانـي
وأنا لي خفوقً كـان ماحـبّ مايكـره!=على سيرة أهل الحـب مخلص(وحقّانـي)
كثيـر العتـاب (ولاجفـا صاحبه)يشـره=وترى شرهة الغالي لهـا طابـعً ثانـي!
..تولّع بحب اللي جفـا وانتهـى عـذره=جفانـي وعذّبنـي وهـو سيـد خلانـي
ألايانديم الـروح؟ ماعـاد لـي قـدره!=قريتك:بهمس الروح..ودموع الأعيانـي
عرفت الجواب ومختصر موجز(النشـره)=جوابً يخلّي صاحـي العقـل مرضانـي!
وانا آقول(فالك خير)لكن علـى فكـره:=ابا أهديك:نسخة حب مـن دمّ شريانـي
وابا اكتب(رواية عاشقً)كلهـا عْبـره=توزّع علـى العشّـاق توزيـع مجّانـي!!
وأنا لو عذرت اليوم مااعذرك في بكره=وترى منهـج الخطّـه كتبتـه بعنوانـي
مدام(اشقر الجنحان)مربوط في وكـره=أنا الحرّ الاشقر وأعذب الشعر جنحانـي
وأنا ماكتبت الشعر والمقصد الشهـره!=ابا أرضي غرور الشعر وآغيض عدواني
عدوّي(هزيـل الشعر)وقليّـل الخـبـره=وأنا بالجزاله صغـت شعـري وقيفانـي
لــ / مشعــــــــــل الشويـــــــــــــش[/size]
تعليق