إدخل وشارك ببيت نادر هديه لمن ياتي بعدك .

مايقدرون الجود سود الاطاريف ** مشاركة بيض النساء باللحافي

بندر ابن سرور رحمه الله

قل لاكحل العين تكفا يا ابـو نـوره

من بادي الوقت وهذا طبـع الايامـي

الوقـت جبـار والأحيـاء مجبـوره

أقفت وهي ضاميه وأقفيت انا ضامي

الوصل مرفوع والحيلات مجـروره

والبعـد مجـزوم والتوديـع الزامـي

كني وكنهـا بليلـن وجههـا نـوره

داخل أميه يـوادع غوطـة الشامـي

كنها وكنـي بليلـن دمعهـا جـوره

كلمة خلافه توادع منصـب اسلامـي

أنثى تثنـى مـن الأثنـاء مغـروره

الخصر صوام والمردوف ماصامـي

مجمع بني نوح جا في وجه سنيـوره

في خدها سامي وفي طرفهـا حامـي

لاقالت ابصم على حبـي ودستـوره

أبصم وتقرا اسمها في بصمة ابهامـي

وان قالت أكتب قصيدن فيه لي صوره

أكتب علـى بابهـا والنـاس نيامـي

يا غايتن من ورى ذا الباب مستـوره

في بيتنا مرمي وفـي بيتكـم رامـي

للشاعر فهد بن عسكر العجمي

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه



الشاعر مجهول

مرحبا بك يا نادر

من طول الغيبات جاب الغنايم

وانت قلتلك (منذ مبطي) انت اسد الموضوع

ولا تحرمنا من ابياتك الشخصية

.................................................. .


مرحبا يا الزعبي الله لا يهينك على الابيات الجميله

الله من هم بروحي سهجها ... بخافي ضميري في كنين الحشـا لاج
أحـر مـن نـارٍ توقد وهجها ... منـها خطـر روحـي علـى سلك ديبـاج
وعينٍ عسى المولا يعجل فرجها ... يـفوح نـاظـرها كـما عين هـداج
استرسلت للدمع من مارهجها ... غيـظٍ يـكـظ عبـارهـا مثـل الأمـــواج
كم واحدٍ لـه غايةٍ ماهرجها ... يكنـهـــا لـو هـو للأدنـيــن مـحـتــــاج
يخاف من عوجاً طوالٍ عوجها ... هرجت قفا يـركض بـها كـل هــراج
يقضب عليك المخطيه من حججها .. حلوٍ نباه وقلبه أسود من الصـاج
الله خلق دنيا وساعٍ فججها ... وعـن مـايريـب القـلــب لك كم منهـاج
والرجل وإن شطت لياليك سجها ... عسـى تـواليها تبشر بــالأفـراج

السديري

دنيا وطت روس العرب بالخفوفي*******قامت تلاوعهم هجاد وصباحي

سهل الكسر

قصيدة للشاعر الكبير عبدالله بن عون
يا راعي الغر العذاب المباهيش=رش الكبود اليابسةعن عطشها
دنق علي وطمن الراس بشويش=واحي العروق الذابلة وانتعشها
حبك ينهش ثومة القلب تنهيش=نهش الحنيش لعرش رجل(ن)نهشها
واهل الهوى في سجن غيك دراويش=وقلوبهم وجلانة(ن)من دهشها
من ذاق من خمرالسوالف بخاشيش=يبطي وروحه معتلقها بلشها
ياعنق ريم(ن)ذار واوحى شوابيش=بدو(ن)طلوع الشمس ذاره وغشها
والعنق عنق الي جسر عقب توحيش=امير بيت للحرار وحشها
جابوه من عين الشمال الهماميش=ابرك لهادي طرشة(ن)قد طرشها
جابوه لمثمن طويل المطاريش=شيخ(ن)قوانين العرب مادغشها
محمد عشير منقضات العكاريش=نجل العيون الي جميل بهشها
لا يابعد ناس(ن)تكبر على ويش=لاشافت الناصي تلوت خششها
لويملكون ارقام الاموال حتيش=در الحمارة دوب يكفي جحشها
وروس الظبا ماذكر فيها عراميش=لوهي على الزيلة اكبار(ن)اشوشها

ماودك إنك ترخص النفس وتلين .... لاصار قدرك عند غيرك يهوني
ماني من اللي يطردون المقفين .... حتى ولو إنه يساوي عيوني

لاصار مالك من يمينك فزعه******شربك على يدين الرجال هماج

مرحبا بك يا نادر

من طول الغيبات جاب الغنايم

وانت قلتلك (منذ مبطي) انت اسد الموضوع

ولا تحرمنا من ابياتك الشخصية

مرحبا بك ياعبد العزيز

والله لايهينك على الكلام الطيب

وهذي قصيده غزليه من قصايدي المتواضعه على ماطلبت



والله انك ياوليفي في فؤادي بازدياد
مثل مازادت حكومتنا الحبيبه قشّها

لاحسيب ولارقيبٍ فوق قلبي والفؤاد
يمنعك لاترتفع يالين تملك عرشّها

مارس الي يعجبك لو كان شرٍ واظطهاد
لو كان تبغى اضلوع صدري ياوليفي حشّها

وارثع وكسر ضميري في جيوشك والعتاد
حالفٍ ماقول تكفى اجيوش حبك هشّها

لاجل عينك ياوليفي عيني اتعاف الرقاد
لو نش منها الماء ومزنك لاجل غيري رشّها

وارتاح لو همي كثر واعداد حنّان الجراد
الي ليا اومى في جناحه كل خضراً قشّها

لو كان ياطير اليمامه يدخل بريشك سواد
حبك اكثر من حبوبٍ في حشاك تخشّها

واضرب مهاميه المغني دام قلبي لك بلاد
واي دارٍ في ضميري ياوليفي قشّها

واشبك وسجل حروفك لو يضيقون العباد
امر قضاة الحب لاجلك كل نفس تغشّها

وذود قلبي لاجل عينك من رسنها لك تقاد
وانحر الوضحاء السمينه قبل جربا بشّها

لاتحن ولاتلين ان شفت لك وضحاءً سناد
غد ضيفانك من ادفوف السناد وعشّها

ولاني مطالب ياوليفي خط حبر ولا اعتماد
دام تمشي غصب عني وش يردك مشّها

تحت سيف الحب خاضع مادخل قلبي عناد
اخاف من سيف القطاعه ادميّ عرقي ايطشّها


وسلامتك

المرجله ماهيب في جمع الاموال***والا التبجح فالخلا بالسواليف

تبغا لها قرم ن للاثقال شيال* * *خصم الجناب ولايعد المصاريف

دايم محله للرياجيل مدهال* * *وعنده لجيعان الطراقي مضاييف


الشاعر سهل الكسر المرشدي

قدري على وجيه الرياجيل واقراه*********مانيب خبل ن كل فج ن يروده

ما اخطاك ماصابك ولو كان راميك ؟؟؟؟ واللي يصيبك لو تتقيت ما اخطاك


الشريف بركات

ادخل وشارك ببيت هديه لمن ياتي بعدك

ياعيالي اطلبكم متى انتو بتوفون = سلفتكم واطلب عليكم ديوني

اليوم يابوكم مسيري على الهون = وقفت وقفة يابسات الغصوني

عثيت في الدنيا معثاة مجنون = وانكفت منها ماتقضت شطوني

يافطيس انا باوصيك يوم أنت متكون = أظن بك بالطيب وانت الزبوني

ضمّ الصلاة اللي تساعد على العون = صلّوا وزكّوا كانكم تسمعوني

تدرون باللي يترك الفرض ملعون = صوموا وحجّوا ربكم تفلحوني

حيّوا الطروش اللي من البعد يلفون = واضحك مع ضيفانكم يضحكوني

باشر الى جاوك تراهم بيمشون = حاذر ك في ضيفانكم تفشلوني

خلّ القصير بعازته كنك ممنون = ولدّ النظر من عورته والعيوني

وامش لخويك ياحبيبي على الهون = ترى الخوي ينشال فوق المتوني

حطّ الزبين برفة البيت مامون = أوصيك يا بني لا تصير مغبوني

وطوّا على العايل شبى كلّ مسنون = وأعزم على الكايد تراها تهوني

أمّا تموت بعز والناس يفنون = ولا تغطرف بالفرح واللحون

ياونتي ونّة طريحٍ ضحى الكون = داجوا عليه موسعين الطعوني

يزهم وربعة بين طاعن ومطعون = وخلّوة مثل مهتشات الشنوني

نادوني الشايب عسى مايشيبون = وسمّوني باسمٍ ثانياً واحزنوني

أسمي يعرفونه فلا شكّ يخطون = شافوا لوايح عارضي وابتلوني

الشيب ماهو عيب والناس يدرون = العيب حقّ الخاينين العفوني

من اول صيدي سمان ومتكون = واليوم لا فزيت له يضحكوني

وايلا لقفته راح يمشي على الهون = وسيور من هبت هبوبه سكوني

الله يجازيهم قدر مايسوون = كيف اقطعوا سلمي وكيف انكروني


الشاعر الكبير/ محسن بن فطيس المري رحمه الله.

يا الله يـا رزاق قليـل المناويـش = ونفسه من الطلبه طمـوح معيّـه

لا عاد لا دوجه ولا به مطاريش = واللي تبـي عينـي بعيـد عليّـه

الزمزمية ما تقهوي المشاويش = الله ولا رزق ورى الزمـزمـيّـه

يا زين شبتهـا قبـال المداغيـش = وفزٍ من المقهـاه والضـو حيّـه

برّيـة لاناشـت الضـو تنويـش = تفهق، ولا هي يـوم فهقـت بنيـه

تبرد وتجعل في كبيـر المهابيـش = نجـر يصـوت للقلـوب الشقيـه

في مجلس ما فيه صجه وتشويـش =وسوالف لا جات لا هـي طريـه

أودوجه عقب المطر باشقر الريـش = مسـرول جبـر الثنـادي دهيّـه

لا جلّعت منه تشـادي الدراويـش =تطيح من صفقه وإلى هـي قويـه

والله يا لولا سجة العصر ما اعيش = مع مناعيـر بخطـوات فيّـه

الشاعر الكبير/ محسن بن فطيس المري رحمه الله.