براق قبلي

قصيده لشاعر / حمد السعيد
قمرا شهر عشـره وبراق قبلـي
لاشفتها مالي مـع الناس مقعاد
يكثر ماقلـو لــي الناس مبلـي
وراع الولع ماهو عن الناس نشاد
لاجيت ريضانن عقب رش وبلـي
ولقيت جرة من لها القلب منقاد
بإطراف روضن ماتوطاه قبلـي
حين من اللي تارسن قلبه عناد
جـرة خرابين فطينن وخبلـي
الليل كله ماهتنا فيـه برقـاد
لااخت عن حرن تقل قوس نبلي
متفاختن جرمه مخاليبه حـداد
لأتل مني وأودع السبق سبلـي
ثم ارتفع واهووا تقل دلو وراد
لأتلها تلت نشيط(ن) لحبلـي
هذاك شفي ياقليلين الابعـاد
لأقمت ابرز للمغـدا بشبلـي
وزينت فنجالن على شف ومراد
هذا الولع لوقالو الناس مبلـي
وراع الولع ماهو عن الناس نشاد

مرحبا يا اخوي فيصل
وصح السان الشاعر حمد السعيد
وبيض الله وجهك

وجهك ابيض اخوي راشد
ومرورك شرفني الله يسلمك

لاهنت يافيصل على النقل وصح لسان الشاعر حمد السعيد