[align=center]بما أن القهوة رمز الكرم عند العرب فان الشيخ سعد بن قطنان السبيعي يعتبر من رموز الكرم والسخاء في قبيلة سبيع وأحد مشاهير كرماء العرب وهو القائل في القهوة[/align] [poet font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جر الفراش لنا وهات الدلالي=أربع مغاتير على النار تدنا
ترى حلاة النار دوم إشتعالي=وسوقة فناجيل عليهم من أدنا
فنجال أشقر مثل دم الغزالي=وليا نقص شيء من الكيف زدنا
أتعب لها بالسوم لو كان غالي=لو كان زود بالثمن ما نشدنا
نشري لها المثلوث هو شف بالي=لو كان سوقه نازح عن بلدنا
ياما دفعنا بالثمن من ريالي=غير القرا نسهر لهم ما رقدنا
[/poet]
[align=center]وله أيضا في القهوة[/align][poet font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قم يا رويشد شب ضو المناره=ثم هات من صوته يقود المسايير
نجرٍ ليا حرك تزايد عباره=يا زين صوته بين عوج الدواوير
يا مسوي الفنجال كثر بهاره=جلفٍ ويتلنه ثمانٍ مغاتير
حاذور يالصباب تثني مداره=ألا على اللي ينطحون المخاسير
أحد ليا سيّر عرفنا وقاره=وأحد ليا سيّر يدور التفاكير
كم واحدٍ ناشي بليا خساره=مصبرٍ نفسه على البخل تصبير
هو يحسب إنّا ما نعرف الصقاره=يعد عمره من حساب المناعير
يا حبنا والله لجمع التجاره=لولا الحياء حنا نعرف المعاذير
[/poet]
تعليق