قصة محمد المهادي وجاره مفرج السبيعي

كان الناس من زمان على الله ثم على الامطار البدو والحضر والبدوي أن جاب الله له خير وجأ مطر وربعت


ألارض ربع حلاله وطاب فاله وأن ماجب الله مطر دج هو وحلاله . وعادة القبائل البدويه يحتلون مناطق


وأراضي مراعي لحلالهم وحدود كل قبيله معروفه ولا أحد يتعدى على حدود أحد ألا بأذن .


يقولون كان فيه واحد أسـمه مفرج من قبيلة ســبيع وكانت سنتهم سنة دهر ماجاهم مطر ولا ربيع ومات بعض


حلاله من الجوع والعطش وشــد يم ديار قحطان لاجل الربيع والماء ونزل على صــديق له من قحطان أسمه


محمد المهادي .


محمد المهادي رحب بــ صـديقه مفرج السـبيعي وأكرمـه وبنأ له بيت ( بيت شعر ) جـنبـه وطاب فاله وزانة


علومه وشبع حلاله وتناما وعينوا خـير .


مفرج السـبيعي له ولد يســرح بالغنم ومحمد المهادي له بنت تســرح بالغنم .


ولد السـبيعي المقرود أذا سرح بغنمهم يسـرح حول بنت المهادي ويتحرش بالبنت ويلاعبها ويحاول أنه يحبه


وهي تصده وتردعه وتتهرب منه بس الولد مقرود ولا فيه خير ويبلاها بشــره .


بنت المهادي كل مارجعت شـكت لامها من ولد السـبيعي وتعلمها بسواياه والام تعلم أبوها ولكنهم يقولون


حاولي أنك تبعدين عنه وتتحاشينه ولا ودنا بالمشاكل مع جارنا والجار عزيز وغالي ولا ودنا بزعله وصار لهم


ثمان سنين معنا ومحاوريننا ولا ودنا يصير بخاطرهم علينا زعل .


المسأله طولت وأستمرت ولا يمكن ينصبر على الوضع .


وفي يوم من الايام جاء المهادي لبيت السبيعي وجلس يتقهوى القهوه ويلعبون أم تسع . وهم يلعبون يقول


المهادي : شـدوا والا شـدينا .... يكررها عدة مرات .


ولكن مفرج السبيعي مافهمها


وبعد ما راح محمد المهادي من عند السبيعي . سألت زوجة السبيعي زوجها وقالت : أنت مافهمت غطو


المهادي يوم يقولك شدوا والا شدينا ؟


قال : لا ... مافهمت شيء .. وبعدين شدو والا شدينا أظن أنه يقصد شل حجرك والا شلت من باب أنه غالبني


غالبني وهذا لعب أم تسـع ليه أنتي حاسة بشي والا شايفة شي أنا ماشفته ؟؟؟؟


قالت : لا والله أنك ماتفهم ..... الرجال ما جا ولا لعب معك أم تسع الا لاجل يقولك هالكلمتين ( شدوا والا


شدينا ) وأكيد أن الرجال طايب خاطره منا ولا يبي قعدتنا ولا جيرتنا وأكيد فيه سبب بس ما أدري وشو


مفرج السبيعي عزت عليه نفسه وطابت وقرر الرحيل وطوى بيته وحمل عفشه على الركايب وأستأذن من


جاره محمد المهادي وودعه ورحل عائد لديار جماعته سبيع .


وطول الطريق بال مفرج السبيعي لم يستريح و مشغول يفكر ويستعيد كل الاحداث منذ وصوله لديار صديقه


المهادي حتى الرحيل لعله يجد مبرر واحد لنفور المهادي منه والتلميح له بالرحيل ولكنه لم يجد خطأ واحد لا


في قول أو عمل .


وفي منتصف الطريق توقف هو وزوجته وأولاده للراحة والمبيت . وفي جوف الظلام ودون أن يعلم به أولاده


وبعد أن استعد رجع لديار قحطان خفية وتسلل الى بيت جاره وصديقه محمد المهادي بالظلام وشافه جالس


لحاله على جال النار يشرب القهوه وسـمعه يتمثل بألابيات التاليه :ـ






يقـول المهـادي والمهـادي مهـمّـل
ابو عبرة كـل جمـع مـا درى بهـا



انـا وجعتـي مـن عـلـة باطنـيـة
باقصى الضماير ما دري ويـن بابهـا



تقـد الحشـا قـدٍ ولا تنثـر الـدمـا
ولا يـدري الهلبـاج عمـا لجابـهـا



ان ابديتهـا بانـت لرمـاقـة الـعـدا
وان أخفيتها ضـاق الحشـا بالتهابهـا



ثمـان سنيـن وجارنـا مجـرم بنـا
كما اللي وطاله جمـرة مـادرى بهـا



وطاها بعرش الرجل لو هـي تمكنـت
من حرها مـا يبـرد المـاء التهابهـا



ترى جارنا الماضي على كـل طلبـة
لو كان مـا يلقـا شهـود غـدا بهـا



وياما احتظينـا جارنـا مـن كرامـة
في ليلـة غـدرا ولا أحـد درى بهـا



نرفا خمـال الجـار لـو داس زلـه
كمـا ترفـا بيـض العـذارى ثيابهـا



ترى عندنا شاة القصيـر بهـا أربـع
اليـا حلـف سراقهـا مـا درى بهـا



وبنـا يـا المهـادي ثمـان كـوامـل
نـكـن عـبـرات تـوقـد لهابـهـا



اذا قـال منـا كلمـة بيـن الــورا
في مجلسٍ خوف الزرايا وفـى بهـا



الاجـواد وان قاربتهـم مـا تملـهـم
والانذال وان قاربتهم عفـت مـا بهـا



الاجواد وان قالوا حديـث وفـوا بـه
والانـذال منطـوق الحكايـا كذابهـا



والاجواد مثل العد مـن ورده ارتـوى
والانذال لا تسقـي ولا ينسقـى بهـا



الاجواد تجعـل نيلهـا دون عرضهـا
والانذال تجعـل نيلهـا فـي رقابهـا



الاجواد وان ضعفـوا فيهـم عراشـة
والانذال لو سمنـوا معايـا صلابهـا



الاجـواد مثـل الحوطـه المستقـلـة
حطبهـا وماهـا والـذرا ينلقـى بهـا



الاجـواد صندوقيـن مسـك وعنبـر
اليا فتحـت ابوابهـا جـاك مـا بهـا



الاجواد مثل البدر فـي ليلـة الدجـا
والانذال ظلما تايهٍ مـن سـرى بهـا



الاجواد مثل الدر مـن شمّـخ الـذرا
والانذال مثل الشـري مـرٍ شرابهـا



الاجـواد وان حايلتهـم مـا تحيلهـم
والانـذال ادنـى حيلـةٍ ثـم جابهـا



والانذال وان غسّلوا يديهـم تنجسـت
نجاسة قلوبٍ مـا يجـوز الـدوا بهـا



يـارب لا تجعـل بالأجـواد نكـبـة
من حيث لا ضاع الضعيـف التجابهـا



وانا أحب نفسٍ يرخص الزاد عندهـا
يقطعـك يـا نفـسٍ جداهـا هبابـهـا



لعـل نفـسٍ مـا للاجـواد عنـدهـا
وقار عسى مـا تهتنـي فـي شبابهـا



عليـك بعيـن العـد لا جـيـت وارد
وخل الخبـاري فـان ماهـا هبابهـا



ترى ظبي رمان فـي رمـان راغـب
والارزاق بالدنيا وهـو مـا درى بهـا



سقى بالحيا مـا بيـن تيمـا وغـرب
شمال غميق الجـوع ملقـى هضابهـا



سقاهـا الولـي مـن مزنـة عقربيـة
سرت تنثر الماء في مثانـي سحابهـا



الى أمطرت ذي ساق ذي ارعدت ذي
سنـا ذي لهـذي غـارقٍ بـه ربابهـا



نسف الغثا سيبان ماها الـى اصبحـت
يجي الحول والما ناقع فـي هضابهـا



وهـي دارنـا ماهـي بـدار لغيرنـا
والاجنـاب لـو حنـا بعيـد تهابهـا



يهابـون مـن دهمـا دهيـم نجرهـا
نفاجي بها غـرات مـن لا درى بهـا



ترى الداركالعـذرا اليـا صارمالهـا
فحل غيورٍ كل مـن جـاء زنـا بهـا



ياما وطن سمحات الايدي مـن الوطـا
وعدينـا عنهـا مـن دنـا هضابـهـا



تهاميـة الرجليـن نجديـة الحـشـا
عذابـة الـخـلان وانــا عذابـهـا



ليا سرت منا يـا سعـود بـن راشـد
على حرةٍ نسـل الجديعـي ضرابهـا



فسرهـا وتلفـي مـن سبيـعٍ قبيلـة
كرام اللحى في بـذل الايـدي لبابهـا



فـلا بـد مانفجـا سبـيـعٍ بـغـارة
على حـرد الايـدي معتبيـن زهابهـا



فانـا زبـون الجـازيـات مهـمّـل
إذا غربوا جيـش المصاليـح جابهـا



عليهـا مـن اولاد المهـادي غلـمـة
ليّا طعنـوا مـا ثمنـوا فـي عقابهـا



محا الله عجـوزٍ مـن سبيـع لعامـر
مـا علمـت وغدانهـا فـي شبابهـا



لهـا ولـد مـا حـاش يـومٍ غنيمـة
حـذا كلمـة عجفـا تهـزى وجابهـا



ينهي بها عسمان الايدي عـن الخطـا
محا الله دنيا مـا خذينـا القضـا بهـا



انـا اظـن دارٍ شـد عنهـا مـفـرج
حقيقـة دار الخنـا فــي خرابـهـا



فتـى مـا يظـم المـال الا وداعــه
ولو يملـك الدنيـا جميـعٍ صخابهـا



فتى يذبـح الكـوم المسمّـن وحايـل
ولو قيل يكفـي زادهـا مـا غدابهـا



تمت وصلى الله على خير البرايا محمد
عدد ما لعى القمري بعالـي هضابهـا




..................


بعد ماســمع مفرج السبيعي قصيدة المهادي فهم مجمل الوضع وعرف أن واحدا من عياله مخمل وفاعل فعل


شين ببنت المهادي .


أنسل مفرج وأنســحب من دون أن يعلم به المهادي وعود لمقام أهله وجلس يسولف مع عياله وقالهم وهو


يستخبرهم لاجل يعرف من اللي فعل فعل الردى مع بنت جاره . قال : والله يالمهادي عنده بنت مزيونه . بنته


اللي تسرح بالغنم مزيونة بالحيل وعليها جمال يروع . مامنكم ياعيالي اللي حبها والا لمسها والا جأ حولها ... يازينها زيناه ؟؟؟؟


قال الكبير : الا والله يايبه .... أنا شفتهاو حبيتها كم مره وسويت معها كذا وكذا وجاب العلوم كلها


يوم كمل كلامـه قام أبوه ( مفرج ) وأخذ الســيف ومســكه مع شوشته =شعر راسه بيسراه والسيف بيمناه وقط رأسـه


بالحال وهو جالس بين أخوانـه


حط رأســه بخيشـه وعطاه ولده الثاني وقاله خذ هاذا وأركب فرسك ولا توقف الا عند محمد المهادي وســلم


عليه وحب رأسه وخشمـه وقله : يسلم عليك أبوي ويقولك هذا حـقـك قـضـيـناه لك وعـطـه رأس أخـوك وعـود


بالحال


وواصـل مـفـرج مســيرتـه عائدا الى ديار جماعته ســبيع بعد ما ارتاح باله وأقتص لجاره من أبنه المفسد


محتفظا بصلته الطيبه بصديقه محمد المهادي الذي عامله أجمل معامله


سبحان الله وبحمده اين شهامة الرجال هذي من وقتنا هذا يقتل ابنه من شأن يرضى جاره الله واكبر عليكم رحمة الله عليكم .
اليوم الواحد اذا شاف ابنه يبكي من الي ضربك وراح وضرب الي تحرش في ابنه بدل مايجمعمهم ويقرب مابينهم



منقووووووووول

الله لايهينك صور سامية لايتصورها العقل

قصه المهادي ومفرج السبيعي معروفه
الله لا يهينك ياعبدالعزيز على الطرح الطيب

قصة معبرة فيها من الشهامة وفيها من الذكاء وفيها تهل العبرة من موقها
مشكور يا خوي عبدالعزيز

أخي عبدالعزيز لاهنت على نقل القصه وهي معروفه
وازيد عليها حيث كانت البدايه من نزول المهادي على مفرج

حيث ان بداية القصه بدات من مفرج حيث نزل عليه المهادي وهو كان كبير ربعه واكرمه وبعد فتره راى المهادي بنت عم مفرج واعجب بها وسئل مفرج هل هي متزوجه فاجابه لا علما بانها كانت خطيبه له
ولكن من حبه للمهادي ارخصها له بل ذهب الى عمه وخطبها له وتنازل عنها لصديقه اكراما له.. وبعد مادخل عليها المهادي قامت تبكي فسئلها لماذا تبكين فاخبرته انها كانت خطيبه لمفرج ولكنه تنازل عنها اكراما لجاره وصديقه وبعد مارحل المهادي تبدى القصه كما ذكرت....

أخي عبدالعزيز لاهنت على نقل القصه وهي معروفه

بيض الله وجيهكم جميعا

ويشرفني مروركم

وكما ذكرت اخوي هاجد انا سمعت هالكلام من بعض الشيبان وبعضهم نفاه وسمعته في شريط ايضا لاحد الرواه

ولكن لم يذكر في اغلب الكتب المدونه للماضي

لاهنت على ها القصة وهي معروفة ماقصرت

مشكور ولاهنت على النقل الطيب

حياكم الله جميع

شروفتونا بمروركم العطر

لاهنت يا عبدالعزيز

أخي عبدالعزيز لاهنت على نقل القصه وهي معروفه

وازيد عليها حيث كانت البدايه من نزول المهادي على مفرج

حيث ان بداية القصه بدات من مفرج حيث نزل عليه المهادي وهو كان كبير ربعه واكرمه وبعد فتره راى المهادي بنت عم مفرج واعجب بها وسئل مفرج هل هي متزوجه فاجابه لا علما بانها كانت خطيبه له
ولكن من حبه للمهادي ارخصها له بل ذهب الى عمه وخطبها له وتنازل عنها لصديقه اكراما له.. وبعد مادخل عليها المهادي قامت تبكي فسئلها لماذا تبكين فاخبرته انها كانت خطيبه لمفرج ولكنه تنازل عنها اكراما لجاره وصديقه وبعد مارحل المهادي تبدى القصه كما ذكرت....

أشكرك ياعبدالعزيز على هذه القصة كما أشكرك الأخ هاجد على تكملة القصة وحيث إن عندي تكملتها فهي كما يلي

بعدما تبين للمهادي وسواله للبنت عن سبب بكاءها وأخبرته إنها بنت عمي مفرج وتريد الزواج منه وهو عشيقها قام المهادي وطلقها وعاد لديار جماعته قحطان وبعد ما ضاقت الدنيا على قصيرة السبيعي رحل ونزل على المهادي والمهادي كان عنده زوجتين كل وحده في بيت وعلى وحده منهم ولد يروح للصيد وبعض الأحيان مايجي الا متأخر في الليل وإذا جاء نام مع أمه في نفس الفراش وعندما جاء السبيعي قال المهادي لزوجته أم الولد أطلعي من بيتك من أجل أن يسكن فيه ضيفنا السبيعي وأهله وفعلاً دخلت زوجته أم الولد على جارتها وتركت بيتها للسبيعي وأهله وفي نفس اليوم كان المهادي مسوي عشاء كرامة لضيفة وتأخر السبيعي والمهادي في سمرتهم زوجه المهادي علمت زوجه السبيعي بأن ولدها سوف يجي تالي الليل ولاعنده خبر بالضيوف ولاالتغير اللي حصل في بيت أمه جاء الولد ونام مع زوجه السبيعي على إنها امه وعندما رجع السبيعي من قصيره متأخراً وجد مع زوجته رجال فقام وأخذ سيفه وقتله فصحت الزوجه وأخبرته إنه ولد السبيعي ويحسب إنها أمه فرجع لجاره المهادي وأخبره باللي حدث فقال المهادي لاأحد يدري بالموضوع وخذوه وجعلوه في الملعب اللي يلعبون في عيال القبيله وعند الصباح لقوه الجماعة وقالوا من القاتل فلم يجدوا القاتل قال المهادي كل واحد من القبيلة يجيب لي ناقة وجمعوا لبوه ((المهادي)) حوالي 80 ناقة فاعطاها جاره السبيعي

وعاد تكمله القصة التي أوردت أعلاه ولكم أطيب الأمنيات

لاحول ولاقوة الا بالله
بذا الزمن الجار مايعرف جاره