مساء الخير للجميع
وهذي احدى قصائدي المتواضعه
اي والله اني ساهر لي على ماش
إن كان تنشد ويش سبة سهريا
اقلب افكارٍ نشت باوسط الجاش
متمركزه في سد ضلع النحريا
الها على المعلوق ودان وارهاش
ارهاش وسميه سقى وانهمريا
لاكن ما اسقت ساق نبتٍ غدا اهشاش
اهشاش لاهل الهواء ينكسريا
ولا اسقت كبودٍ ضامياتٍ وعطّاش
يبست وبان ابها الشلخ والفطريا
ولادرجت سيلٍ مع الريع خداش
ولابان في قاعه رسوم وحفريا
ماهلت الا سم زحاف لاهتاش
فوق الجروح الي شكت من كسريا
من حزة المغرب ليا وقت مغباش
مابان فيها نجمها والقمريا
وانا اشهد ان مناحر الوقت ماعاش
يونس طعونٍ فالنحر والظهريا
ميت ولو هوحي فالقاع يعتاش
وحتيش لو لخطاه جره واثريا
وحتيش لو شفته تعنى بمطراش
ماكل طيرٍ يطرحه فالشجريا
هذا سواتي للمقادير غباش
ولااخذة منها خير ولاخبريا
وقتي يقلبني على سبال نقاش
الي نقش كفه بليل السمريا
ليا نقض مجدول راسه بشوباش
يضفي على قلوب العذارا حسريا
وانا الذي في غبة الوقت طواش
طواش ماحصل بطون المحريا
الي لقاها راعي العيب واللاش
لو كان مايسبح بغبة بحريا
ولانشت منها شي يوم الردي ناش
وعساني معوض بيوم الحشريا
حزه على شيٍ وحزات ماهناش
وحزه على روس العقد والعسريا
وحزه بسلتن واكثر الوقت عكراش
وفحولها فيها تقب الهدريا
وحزات شيصٍ ناقره طير الاعشاش
وحزه بفذه من خلاص التمريا
وحزات ناب الوقت للكبد نهاش
ينهش طرفها نهش ذيب الحجريا
الي عوا فهضاب من قل الادباش
لاحق عليه الجوع سادس عصريا
وحزه بدر إهجال وضحٍ كما الشاش
وحزات مالقا غير در الفطريا
وحزات مالقا در من صابها خباش
لو جيتها سمح ارمحت وانتثريا
وحزات ابل الريق من مالح الطاش
وحزه على عدٍ قراح ونهريا
وحزات ارد النفس ما ارضى التعرماش
وحزه على جنوب الغنم والهبريا
وحزه يطيب النوم بلحاف وفراش
وحزات نومي مثل برق السمريا
وليا قرب جفنٍ من الجفن بارماش
غصبٍ على عيني تهل العبريا
ولا ابديت مكنون الضماير لفتاش
بعيد ولا من قريب البشريا
ولا لرفيقٍ يزبنه كل هتاش
يشكي زمانٍ بذ منه الصبريا
ولا ني ضعيفٍ يشتكي كل ماناش
والي جرا له من لسانه ظهريا
خلقني الله مثل ابانات وإعكاش
صلفٍ ولو هب الردا من دهريا
والضلع مايشكي لراع التوشواش
ولا يشتكي للي براسه سطريا
والي بقى فالصدر والصدر اله حاش
ياناشد المضمر عن الي ضمريا
وسلامتكم
وهذي احدى قصائدي المتواضعه
اي والله اني ساهر لي على ماش
إن كان تنشد ويش سبة سهريا
اقلب افكارٍ نشت باوسط الجاش
متمركزه في سد ضلع النحريا
الها على المعلوق ودان وارهاش
ارهاش وسميه سقى وانهمريا
لاكن ما اسقت ساق نبتٍ غدا اهشاش
اهشاش لاهل الهواء ينكسريا
ولا اسقت كبودٍ ضامياتٍ وعطّاش
يبست وبان ابها الشلخ والفطريا
ولادرجت سيلٍ مع الريع خداش
ولابان في قاعه رسوم وحفريا
ماهلت الا سم زحاف لاهتاش
فوق الجروح الي شكت من كسريا
من حزة المغرب ليا وقت مغباش
مابان فيها نجمها والقمريا
وانا اشهد ان مناحر الوقت ماعاش
يونس طعونٍ فالنحر والظهريا
ميت ولو هوحي فالقاع يعتاش
وحتيش لو لخطاه جره واثريا
وحتيش لو شفته تعنى بمطراش
ماكل طيرٍ يطرحه فالشجريا
هذا سواتي للمقادير غباش
ولااخذة منها خير ولاخبريا
وقتي يقلبني على سبال نقاش
الي نقش كفه بليل السمريا
ليا نقض مجدول راسه بشوباش
يضفي على قلوب العذارا حسريا
وانا الذي في غبة الوقت طواش
طواش ماحصل بطون المحريا
الي لقاها راعي العيب واللاش
لو كان مايسبح بغبة بحريا
ولانشت منها شي يوم الردي ناش
وعساني معوض بيوم الحشريا
حزه على شيٍ وحزات ماهناش
وحزه على روس العقد والعسريا
وحزه بسلتن واكثر الوقت عكراش
وفحولها فيها تقب الهدريا
وحزات شيصٍ ناقره طير الاعشاش
وحزه بفذه من خلاص التمريا
وحزات ناب الوقت للكبد نهاش
ينهش طرفها نهش ذيب الحجريا
الي عوا فهضاب من قل الادباش
لاحق عليه الجوع سادس عصريا
وحزه بدر إهجال وضحٍ كما الشاش
وحزات مالقا غير در الفطريا
وحزات مالقا در من صابها خباش
لو جيتها سمح ارمحت وانتثريا
وحزات ابل الريق من مالح الطاش
وحزه على عدٍ قراح ونهريا
وحزات ارد النفس ما ارضى التعرماش
وحزه على جنوب الغنم والهبريا
وحزه يطيب النوم بلحاف وفراش
وحزات نومي مثل برق السمريا
وليا قرب جفنٍ من الجفن بارماش
غصبٍ على عيني تهل العبريا
ولا ابديت مكنون الضماير لفتاش
بعيد ولا من قريب البشريا
ولا لرفيقٍ يزبنه كل هتاش
يشكي زمانٍ بذ منه الصبريا
ولا ني ضعيفٍ يشتكي كل ماناش
والي جرا له من لسانه ظهريا
خلقني الله مثل ابانات وإعكاش
صلفٍ ولو هب الردا من دهريا
والضلع مايشكي لراع التوشواش
ولا يشتكي للي براسه سطريا
والي بقى فالصدر والصدر اله حاش
ياناشد المضمر عن الي ضمريا
وسلامتكم
تعليق