يا فلاح الهـم خيّـم فـوق قلبـي يـا فـلاح
اخواني ..
هذه قصيده تحكي معاناة انساااان بسبب غلطه غير مقصوودة انتهت حياته ..
سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..
كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
ومثل ماكنو اصدقاء بالدنيا صارو جيران بالقبور
لا اطيل عليكم .. هذه القصيده بين ايديكم ..
يــا فــلاح الـهـم خـيّـم فــوق قـلـبـي يـــا فـــلاح===كيـف تبغانـي اسولـف وانــت خابـرنـي علـيـل
ويـش قولـك فـي عليـل ٍ فـي حياتـه مـا سـتـراح===تنتـثـر دمـعـة عيـونـه لاظـلـم الـلـيـل الـطـويـل
حالـتـه لا مــا تبـاعـد حــال ( سلـطـان الـربـاح )===بالخـطـا راحــت حيـاتـه والخـطـا مـالـه مثـيـل
كــان ويّــا صاحـبـه اثنـيـن فـــي أرض ٍ بـــراح===يطـردون الصيـد دايـم مـن صبـح ليـن المقـيـل
اجمعتهـم صحبـة الدنـيـااا عـلـى جــد ومــزاح===مــا يهـابـون الليـالـي والحـمـول الـلــي تـمـيـل
مــا قـتـل عـامـد ولـكـن ثــوّر ابلـيـس الـسـلاح===بالخـطـا ثــار الـسـلاح ويــن يلـقـى لـــه دلـيــل
انعقـد سجنـه .. وربعـه تنتظـر فــك الـسـراح====والاكيـد انـه سجيـن ومـا رضـووا ربـع القتيـل
هــل دمـعـه يــوم صـلّــى ركعـتـيـن فالـصـبـاح===فـي نهـار الجمعـه اللـي مــن ثقـيـل ٍ فــي ثقـيـل
هـلّـل وكـبّـر .. ونفـسـه تـذكـر الـلـي راح راح==كـان فـي ربعـه عزيـز .. وذلّـه الوقـت الذلـيـل
(لا مـحـمـد لا تـهـانـي لا ســعــود ولا صــــلاح )===كلهـم كـانـوا عـلـى بـالـه وهـمّـه فــي ( هـديـل )
طفـلـة ٍ مــا كمّـلـت عـامـيـن صايـبـهـا كـســاح===وانتـثـر دمـعـه وحـالـه مــن سبايـبـهـا نـحـيـل
حان تنفيذ القصاص .. وغطوا الراس بوشاح===وجـاك سيّافـه يشيـل السيـف ابـو حــد ٍ صقـيـل
ارتخى راسه .. وزاد الموقف الحامي صيـاح===بيـن نـوح وبيـن دمـع وبيـن صيحـات وعـويـل
وارتفع صوت الحشود .. وزاده محمد وصاح===يـا يـبـه تكـفـى دخيـلـك تستـمـع قــول الدخـيـل
يـا يبـه وشلـون نصبـر كيـف نهـجـع بارتـيـاح===وانـت مـن دنيـااا عيالـك ماخـذك مــر الرحـيـل
يا محمد .. هـاك علمـي واحفظـه قبـل المـراح===انـتـبـه لاخـوانــك وبــالــك عـلـيـهـم لا تـعـيــل
والله الله .. فالـصـلاة وفالـصـيـام وفـالـصـلاح===والله الله .. ف( امكـم ) والله لكـم بـعـدي كفـيـل
غـمّـض عيـونـه ونفـسـه تطـلـب الله السـمـاح===رافـــع ٍ سبـابـتـه .. ( مـظـلـوم ) والله الـوكـيـل
ســل سـيّـاف الصـفـا سيـفـه ودقــه ثــم طـــاح===راس (سلطـان المراجـل ) وانتثـر دمــه يسـيـل
غسلوه .. وكفنوه .. وفاح طيـب السـدر فـاح===وبالمصادف صار قبره جنب قبر ( ابن العقيـل )
يـا فـلاح .. الكارثـه مـا هـي سوالـف يـا فـلاح===خلـنـي سـاكــت ودوّر غـيــر هالـقـصـه بـديــل
لـ الشاعر جزاء البقمي
لكم تحيتي
تعليق