قدلي وببطي وانا مجروح واوني=وغيري مالومه الى من جاه ماجاني
انا فقدت العضيد اللي على ضني= الي يشابه لبويه واكبر خواني
فيه اتخيل حياة الشايب الجني = اللي على المرجله والدين رباني
عوداً فقدته وانا في مقتبل سني = وبعده غدالي استاذ وقدوة ثاني
النادر الي على الناموس متثني = وخزايزه بالمراجل كثر وسماني
ومع الردا كنهم الكبريت والجني=مابينهم لتواصل رمزعنواني
عليه صبري الى ادنا حد متدني=لوكان اخفي علومي واجحد احزاني
تزعجني العبرة اللي ماستحت مني= علي متجريه في كل الاحياني
حتى الى جيت ابرفع صوتي اغني= غارة علي غارة الديان للجاني
وان جيتنا منزل قد حله اشحني= بعض المداهيل لامن جيته ابكاني
كني اشوفه وصوته باذني يرني= وصرت اتصوره يامرني وينهاني
ياكثر ماقلت في سحمان لاكني =عجزت اعبر عن المكنون بلساني
عساه في جنة الفردوس متهني= فضل من الواحد المنان واحساني
اللي الى من عطى للعبد مامني=منه العطايا تجي جزلات وثماني
وماسيقت الصين فيها رائب البني=صلو على المصطفى من نسل عدناني
سالم بن صمهود
تعليق