ابعـــدت منهاجــي على كــل شـــاوي !!

رد: ابعـــدت منهاجــي على كــل شـــاوي !!

ذيبً عوى مابيـن ( ضلعـان ابآنـات )=سنّـه كبيـر .. وحاديتـه الـضـراوي
صابـه مـن التفّـاق فالليـل ..طلقـات=مـن كـفّ شغمـومً بعيـد الهـقـاوي!
وامسى عياله مـن عناهـا .. مجيعـات=وقنب .. وهو من دمّ الاضلاع .. راوي !!
هـذا مـدى وجـدً طوتـه المسـافـات=بين الرجاء .. والياس صارت .. دعاوي !
ابـا اتوجّـد دام ضاعـنّ الاصـوات ..!=بيـن الزمـن .. وقريّبيـن الـحـراوي!
فالهرج تبني لـك قصـور .. وعمـارات=وعنـد اللـوازم فيدهـم .. فالمـنـاوي!
وين الرفيـق اللـي يـردّ المغيـرات ..؟=اللـي (بتكفـا) لا احتماهـا .. رهـاوي

أبدعت فوفقت أشكرك يا مشعل ، بكل صدق أسجل أعجابي في أبياتك وفي سموك ، وأهنيك على جزالتك ،،

مشعل الشويش : شاعر بصحيح العباره تعجز سطوري عن وصفك ،،

رد: ابعـــدت منهاجــي على كــل شـــاوي !!

صح لسانك يامشعل

ابداع كالعاده وبيض الله وجهك على القصيده

رد: ابعـــدت منهاجــي على كــل شـــاوي !!

وين الرفيـق اللـي يـردّ المغيـرات ..؟

اللـي (بتكفـا) لا احتماهـا .. رهـاوي

اشهد انك صادق هذا وين نلقاه
صح لسانك يالشاويش
صراحه حنا مبطين من ذا التحف الفنيه
وعزالله انها من شاعر وناتجه من معاناه لا هانت

رد: ابعـــدت منهاجــي على كــل شـــاوي !!

يامرحباااااااااا يامــشعل

شهـــدتي فيك مجروحه شاعر ممــيز

لاهـــــــنت على الطرح المميز

ولا تـــبطي علـينا بجــديدك

رد: ابعـــدت منهاجــي على كــل شـــاوي !!

[poem=font="simplified arabic,6,tomato,bold,italic" bkcolor="darkblue" bkimage="" border="none,4,gray" type=1 line=1 align=center use=ex num="0,black""]

اخذت لي عن شارع الضيـق .. سجّـات=وابعدت منهاجي علـى كـلّ .. شـاوي !
واليـوم يكفينـي مـن الوقـت مافـات=ويالله عفـوك .. لاتخـيـب الـرجـاوي
والعمر .. واحد / والليالـي / سريعـات=والهـمّ لايرحـم .. ولاهـوب .. يـاوي
وألنا مـع الدنيـا تجـارب .. وخبـرات=ولايرفـع الهامـات غـيـر الـعـزاوي [/poem]

ولا يرفع الهامات غير العزاوي

صح السانك اخوي مشعل الشويش

قصيده ثمينه وجزله من رجال مايجي منه الا كل ثمين وجزل

رائعه من روائعك تكتب بماء الذهب

لا تحرمنا من جديدك

اخوك ابوخالد

رد: ابعـــدت منهاجــي على كــل شـــاوي !!

عزالله انك شاعر يامشعل
وتقبل مروري

رد: ابعـــدت منهاجــي على كــل شـــاوي !!

فالهرج تبني لـك قصـور .. وعمـارات=وعنـد اللـوازم فيدهـم .. فالمـنـاوي!
وين الرفيـق اللـي يـردّ المغيـرات ..؟=اللـي (بتكفـا) لا احتماهـا .. رهـاوي
اخذت لي عن شارع الضيـق .. سجّـات=وابعدت منهاجي علـى كـلّ .. شـاوي !
واليـوم يكفينـي مـن الوقـت مافـات=ويالله عفـوك .. لاتخـيـب الـرجـاوي
صح لسانك على الدرر والمعاني الجزله الي ما تأتي ألا من شاعر جزل مثلك ولاتحرمنا من جديدك

رد: ابعـــدت منهاجــي على كــل شـــاوي !!

لاعدمتكم يالربع ...

وبيض الله وجيهكم

رد: ابعـــدت منهاجــي على كــل شـــاوي !!

صح السانك

كفو يا مشعل الشويش على هالقصيدة
تحياتي لك وبيض الله وجهك

رد: ابعـــدت منهاجــي على كــل شـــاوي !!

لاهنت يامسفر

مشكور على مرورك

رد: ابعـــدت منهاجــي على كــل شـــاوي !!

...
مجاراة الشاعر الكبير / عبدالله الرظمـه


لاوعـذاب مدولـه الفكـر بسكـات

جرب وعـاف مدوريـن الحكـاوي

يكظم على مافيـه بالليـل ساعـات

يجبـر عـزاء نفسـه بليـا مـداوي

صابر وخابر وش وراء الهرج نوبات

يدراء شماتـت ملحقيـن الخطـاوي

يامشعل ابن شويش يامسنـدي هـات

روح الفـداوي تنتـخـي للـفـداوي

اقنب قنيب الذيب بعـال الطويـلات

تشلع هجوس اللي سمعلـك مخـاوي

خطو الولد يمشي على كل مشهـات

يلقـى بعواثيـر الليالـي مــلاوي

امـا قهـر نفسـه تجيـه المغثـات

الليا انعقد حبـل الرشـا بالعـراوي

الناس ودها تقضي الوقـت سجـات

وهرج المجالس ما شقابـه غنـاوي

من قل ماله ينجـرح عشـر مـرات

ولا ينحرج مـع خايبيـن الهقـاوي

رد: ابعـــدت منهاجــي على كــل شـــاوي !!

وهذي مجاراة زميلنا الشاعر القدير / منصور بن مسعد العدواني

فيصل يابن منصور هات القلم هات=ابا اكتب الابيات والفكر خاوي
ابطيت عن نظم القصايد والابيات=وسجيت فاالدنيا وحيدً خلاوي
كنت احسبً الناس من دون اهات=وانا الوحيد الي خذته البلاوي
قاف قريته ما انتشر فالمحطات=ويازين لحنه لا نقله النداوي
ال مشعل ابن شويش زبن المهمات=ابن الكرام مزبنين الجلاوي
يا مشعل ابن شويش فالصدرعبرات=ومن كثرها ماني بضميان راوي

رد: ابعـــدت منهاجــي على كــل شـــاوي !!

صح لسانك يابو ذعااااار
ماشاء الله علاك ..
أثرك تذاري الهبايب

رد: ابعـــدت منهاجــي على كــل شـــاوي !!

صح لسانك

لاهنت

قصيدة رائعة وجزلة

مدد بلا عدد

رد: ابعـــدت منهاجــي على كــل شـــاوي !!

ياسلام ياسلام

صدق قايلها صح لسانه