السلام عليكم ورحمة الله وبركاته
حبيت ان انقل لكم هذه القصيده وهي للشاعر بدر بن مقبل الهاملي يسندها على الشاعر جزاء بن صالح الحربي
البارحه قلبي هجوسه كثيرات = قامت توارد بين عوجن حناوه
وعروق كبدي يابساتن محيمات = عن عذبة الصافي عليها غشاوه
من حرمافيها عظايم ولوعات = كن أوسط الخافق سعير الظاوه
وعوي عوى اللي فالصوايب عطيبات = في عالي النايف بليا شفاوه
والروح يشويها من الهم سعرات = لاشك ماهادت ولابه فضاوه
تدبح نجوم الليل والجفن مابات = حتى شعاع الصبح بين صفاوه
اخفي جروحن وسط صدري عميقات = لو كنت اهدى النفس مامن هداوه
ولولاه يحكمني من العقل عرفات = لذب من راس الطويل النداوه
وبرسل الشكوى وعرض السجلات = عند المواقف والصعيبات ناوه
رجلن يسد الازمات الثقيلات = مع جرهد البيداء يسج النضاوه
كد حطله بصفحة العرف بصمات = حاز العلوم الطيبه والنقاوه
وافي ويوفي والحكيمات جزلات = يروض الصعبه بعزم وقساوه
شاعر يصوغ من النوادر حكيمات = لو كان عن مدحي غني الطراوه
يخوض في غب البحور الغزيرات = في جيبة المحار عنده رهاوه
ومورخله بالتواريخ صفحات = رام المعالي واعتلاه اعلاوه
رجلن عزيز وله وقار وشيمات = ذباح للحايل دليه الفداوه
جزاء كريم الجاه راع الجميلات = يروى لنا عنه الوفا والحماوه
من لابتن يوم الفعول القديمات = يوم الغزاوي والعنا والشقاوه
اليا لج صياح الضحى بالطويلات= من عقب مد الشوف شاف الغزاوه
يثنون دون ركابهم بالصقيلات = هندن لغاها بالمواجه شفاوه
لجال رمكن فالمعارك مضرات = والسيف ابو حنوف جاله انعاوه
بساح الوغى تشبع بطون المجيعات = فرسان باللقوات مابهم رخاوه
عيال حرب مطوعين الصعيبات = سترى البني معذبات الشفاوه
هذا وانا من متعبين المغيرات = اهل الثلاث المعجزات النباوه
خطلان الأيدي ملحقين الصويبات = وسط المغاره والنضاوي شعاوه
ردتم لشك تعرف سريعات = سم المعادي اليابتلاهم بلاوه
وقطعانهم ترتع ديارن مخيفات = ماهزهم دقل الجموع برزاوه
حمر النواظر كاسبين الشهيرات = عصمان الأريا عاشقين الصخاوه
وكل القبايل ينطحون الغزيات = ضد الخصيم اللي بقلبه عداوه
وقفاتهم عند المثارا شريفات = مثل الحرار الجارحات الدماوه
وبشتكيلك يازبون الونيات = حيث انت عندك للقضايا دهاوه
وبالعرف يالحربي حملت الشهادات = بالقمه العليا خذيت العطاوه
من عاصر الدنيا وذاق المرارات = يعطيك عن بعض التجارب فتاوه
انا عذابي لافني عد لوفات = وسر ضلوعي وانتحابي نحاوه
على وليفن ينحر القلب بسكات = حبه لاجاء في داخلي في خفاوه
راع العيون اللي هدبها ضليلات = كن المنايا في طرفهن صفاوه
عيون خرشن لاتنهض بهدات = الدم الأحمر تنثره بالصطاوه
والعنق عنق اللي وصايفه حسنات = عنق الغزال اللي بسلمى رباوه
ويوم اتحلى بالخدود العذيات = برقن لمع تنشي هماليل ناوه
ويعرض بجسمن صابني منه عثرات = لعل يرفاني بعطف وغلاوه
هذا وانا بينت كل الخفيات = لشاعرن بالشعر عنده حفاوه
حبيت ان انقل لكم هذه القصيده وهي للشاعر بدر بن مقبل الهاملي يسندها على الشاعر جزاء بن صالح الحربي
البارحه قلبي هجوسه كثيرات = قامت توارد بين عوجن حناوه
وعروق كبدي يابساتن محيمات = عن عذبة الصافي عليها غشاوه
من حرمافيها عظايم ولوعات = كن أوسط الخافق سعير الظاوه
وعوي عوى اللي فالصوايب عطيبات = في عالي النايف بليا شفاوه
والروح يشويها من الهم سعرات = لاشك ماهادت ولابه فضاوه
تدبح نجوم الليل والجفن مابات = حتى شعاع الصبح بين صفاوه
اخفي جروحن وسط صدري عميقات = لو كنت اهدى النفس مامن هداوه
ولولاه يحكمني من العقل عرفات = لذب من راس الطويل النداوه
وبرسل الشكوى وعرض السجلات = عند المواقف والصعيبات ناوه
رجلن يسد الازمات الثقيلات = مع جرهد البيداء يسج النضاوه
كد حطله بصفحة العرف بصمات = حاز العلوم الطيبه والنقاوه
وافي ويوفي والحكيمات جزلات = يروض الصعبه بعزم وقساوه
شاعر يصوغ من النوادر حكيمات = لو كان عن مدحي غني الطراوه
يخوض في غب البحور الغزيرات = في جيبة المحار عنده رهاوه
ومورخله بالتواريخ صفحات = رام المعالي واعتلاه اعلاوه
رجلن عزيز وله وقار وشيمات = ذباح للحايل دليه الفداوه
جزاء كريم الجاه راع الجميلات = يروى لنا عنه الوفا والحماوه
من لابتن يوم الفعول القديمات = يوم الغزاوي والعنا والشقاوه
اليا لج صياح الضحى بالطويلات= من عقب مد الشوف شاف الغزاوه
يثنون دون ركابهم بالصقيلات = هندن لغاها بالمواجه شفاوه
لجال رمكن فالمعارك مضرات = والسيف ابو حنوف جاله انعاوه
بساح الوغى تشبع بطون المجيعات = فرسان باللقوات مابهم رخاوه
عيال حرب مطوعين الصعيبات = سترى البني معذبات الشفاوه
هذا وانا من متعبين المغيرات = اهل الثلاث المعجزات النباوه
خطلان الأيدي ملحقين الصويبات = وسط المغاره والنضاوي شعاوه
ردتم لشك تعرف سريعات = سم المعادي اليابتلاهم بلاوه
وقطعانهم ترتع ديارن مخيفات = ماهزهم دقل الجموع برزاوه
حمر النواظر كاسبين الشهيرات = عصمان الأريا عاشقين الصخاوه
وكل القبايل ينطحون الغزيات = ضد الخصيم اللي بقلبه عداوه
وقفاتهم عند المثارا شريفات = مثل الحرار الجارحات الدماوه
وبشتكيلك يازبون الونيات = حيث انت عندك للقضايا دهاوه
وبالعرف يالحربي حملت الشهادات = بالقمه العليا خذيت العطاوه
من عاصر الدنيا وذاق المرارات = يعطيك عن بعض التجارب فتاوه
انا عذابي لافني عد لوفات = وسر ضلوعي وانتحابي نحاوه
على وليفن ينحر القلب بسكات = حبه لاجاء في داخلي في خفاوه
راع العيون اللي هدبها ضليلات = كن المنايا في طرفهن صفاوه
عيون خرشن لاتنهض بهدات = الدم الأحمر تنثره بالصطاوه
والعنق عنق اللي وصايفه حسنات = عنق الغزال اللي بسلمى رباوه
ويوم اتحلى بالخدود العذيات = برقن لمع تنشي هماليل ناوه
ويعرض بجسمن صابني منه عثرات = لعل يرفاني بعطف وغلاوه
هذا وانا بينت كل الخفيات = لشاعرن بالشعر عنده حفاوه
هذه القصيده للشاعر الكبير والمخضرم جزاء صالح الحربي ردا على قصيدة
بدر مقبل الهاملي.
يابدر بن مقبل عليت وسلامات :: ياعاشقن بعروق كبدك ضماوه
تشكي علي ضلوع قلبن جريحات :: ويفرس بجاشك سيسبان السراوه
من سحر غطروفن مشربك جرعات :: كنه مغذيكم غلاهم غذاوه
سحر الهوى عرضك كل المصيبات :: ولاقلت للي مسرفن فيك داوه
العشق من صاحبك عرضك نشبات :: مجني عليك ولاحصلك براوه
وأنته جروحك بالضمائر غميقات :: من عاشقن غازي عليكم غزاوه
يبي عذابك وأنت في حسن نيات :: من طبع أبن ياوه يشيل الهزاوه
وعطاك من سلم المحبه علامات :: ومن عقب عشقه ماحتفابك حفاوه
وتطرد ورا شبحن تقل فيه شكات :: هو أجنبي ولا قريب الدناوه
كانه قريب ولك مع الربع حيلات :: يازين وسط الربع بشت الغناوه
وكان أجنبي مالك على الناس شرهات :: أحذر على شانه تحط الأخاوه
الـحـر مـثـلـك يـبـتـعـد للطويلات :: ويبعد عن اللي من وراه الهفاوه
حسبي على الخفرات في كل الأوقات :: وين الدجيما أذبحنه أخفاوه
في ضلع رضوى راح مافيه شكات :: وعن شوف خلانه غدنبه أغداوه
مع درب أبن عمك يبن منك كسبات :: واليا أذبحنك صرت مثل الحجاوه
يسبن عزاك بشوق غضه ونظرات :: واليا عطنك فيه سم وحلاوه
والـيا بـغـنـك حـطمـنك بـنضرات :: واليا أبغضنك صرت مثل الهاوه
وأصل العـنا فيهن ومنهن خسرات :: مامن وراهن غير كسب الشقاوه
مـانـي بـعـارف مـاحـصلـي بينات :: وشلون تتبع واحدن به قساوه
مـاوضحت لـيـه والسـراير عتيمات :: لعل ماعيونك عليها غشاوه
يـاويـن ادور والـوصـايـف خفيات :: وادخلتني مدخال حرب السماوه
في ديرتن فيها الخـطـر والمتاهات :: مالي عليها في نفوذي رهاوه
الـدرب ضيق والـمـعابير عسرات :: ماهي بكيفي بالفزع والجداوه
لوأسئل العربان صـارت عداوات :: وأكثر شباب اليوم مثل الفلاوه
يعطيك علم ومـن ورا العلم كذبات :: ويفضحك عند الناس مامن كماوه
وراع الهـوى يـابـدر يقطع مسافات :: ويكتم بسره عن خطاة الأعاوه
ويصير مثل الذيب والبيض صلفات :: من عاش بالذات يملك صحاوه
يبن لـهـن شـبـلـن مع اللـيل مابات :: مغربل وراسه به شرار وحماوه
وأنـتـه تبـا مـني جداوي وفزعات :: والدور ماهو الدور مامن طراوه
الـيـوم عـشـق الـيـوم مافيـه لذات :: مافيه لامكسب ولابه زهاوه
تـغـيـرت فـيـه الأعـلـوم الطريات :: مافيه لاراحه ولابه سلاوه
وذكرتني يـابـدر في ماضين فات :: مدري قراده منك ولا عداوه
قدمك جزاء يعرف مقاضيب الأفات :: شبعان قبلك من خريف القناوه
وتحسب جزاء عنده وكالت عفيفات :: وأنا مغربل مع بنات البداوه
يامـا مشت رجلي ديـارن بعيـدات :: وأرد مع السرحان مقر الحساوه
ويـاما مـشـيـنا بالـديـار الخليـات :: ونضوي ونبعد عن نبيح الجراوه
مـع مـتـرفـاتـن مثل خيـل العبيات :: اللي على العدوان فيهن جراوه
أمهارن طلايع من مرابط وأصيلات :: ومعلماتن لطرد والقصاوه
اليا قال أبن عـشـوان للخيل ردات :: فيهن على الجمع الموالي ضراوه
حـقـب العيون على الجمع ذربـات :: فرسانهن يردون نار الضاوه
فيهن من أوصاف العماهيح أشارات :: الموت الأحمر والعنا والقساوه
حذرات صلفاتن أثـقال وخفيفـات :: ويصعب على المشتاق كسب الشفاوه
هذا وعلى مـحـمـد جميع الصلوات :: تعداد ماهلهل من الوسم ناوه .
وصح لسان الشاعرين
بدر مقبل الهاملي.
يابدر بن مقبل عليت وسلامات :: ياعاشقن بعروق كبدك ضماوه
تشكي علي ضلوع قلبن جريحات :: ويفرس بجاشك سيسبان السراوه
من سحر غطروفن مشربك جرعات :: كنه مغذيكم غلاهم غذاوه
سحر الهوى عرضك كل المصيبات :: ولاقلت للي مسرفن فيك داوه
العشق من صاحبك عرضك نشبات :: مجني عليك ولاحصلك براوه
وأنته جروحك بالضمائر غميقات :: من عاشقن غازي عليكم غزاوه
يبي عذابك وأنت في حسن نيات :: من طبع أبن ياوه يشيل الهزاوه
وعطاك من سلم المحبه علامات :: ومن عقب عشقه ماحتفابك حفاوه
وتطرد ورا شبحن تقل فيه شكات :: هو أجنبي ولا قريب الدناوه
كانه قريب ولك مع الربع حيلات :: يازين وسط الربع بشت الغناوه
وكان أجنبي مالك على الناس شرهات :: أحذر على شانه تحط الأخاوه
الـحـر مـثـلـك يـبـتـعـد للطويلات :: ويبعد عن اللي من وراه الهفاوه
حسبي على الخفرات في كل الأوقات :: وين الدجيما أذبحنه أخفاوه
في ضلع رضوى راح مافيه شكات :: وعن شوف خلانه غدنبه أغداوه
مع درب أبن عمك يبن منك كسبات :: واليا أذبحنك صرت مثل الحجاوه
يسبن عزاك بشوق غضه ونظرات :: واليا عطنك فيه سم وحلاوه
والـيا بـغـنـك حـطمـنك بـنضرات :: واليا أبغضنك صرت مثل الهاوه
وأصل العـنا فيهن ومنهن خسرات :: مامن وراهن غير كسب الشقاوه
مـانـي بـعـارف مـاحـصلـي بينات :: وشلون تتبع واحدن به قساوه
مـاوضحت لـيـه والسـراير عتيمات :: لعل ماعيونك عليها غشاوه
يـاويـن ادور والـوصـايـف خفيات :: وادخلتني مدخال حرب السماوه
في ديرتن فيها الخـطـر والمتاهات :: مالي عليها في نفوذي رهاوه
الـدرب ضيق والـمـعابير عسرات :: ماهي بكيفي بالفزع والجداوه
لوأسئل العربان صـارت عداوات :: وأكثر شباب اليوم مثل الفلاوه
يعطيك علم ومـن ورا العلم كذبات :: ويفضحك عند الناس مامن كماوه
وراع الهـوى يـابـدر يقطع مسافات :: ويكتم بسره عن خطاة الأعاوه
ويصير مثل الذيب والبيض صلفات :: من عاش بالذات يملك صحاوه
يبن لـهـن شـبـلـن مع اللـيل مابات :: مغربل وراسه به شرار وحماوه
وأنـتـه تبـا مـني جداوي وفزعات :: والدور ماهو الدور مامن طراوه
الـيـوم عـشـق الـيـوم مافيـه لذات :: مافيه لامكسب ولابه زهاوه
تـغـيـرت فـيـه الأعـلـوم الطريات :: مافيه لاراحه ولابه سلاوه
وذكرتني يـابـدر في ماضين فات :: مدري قراده منك ولا عداوه
قدمك جزاء يعرف مقاضيب الأفات :: شبعان قبلك من خريف القناوه
وتحسب جزاء عنده وكالت عفيفات :: وأنا مغربل مع بنات البداوه
يامـا مشت رجلي ديـارن بعيـدات :: وأرد مع السرحان مقر الحساوه
ويـاما مـشـيـنا بالـديـار الخليـات :: ونضوي ونبعد عن نبيح الجراوه
مـع مـتـرفـاتـن مثل خيـل العبيات :: اللي على العدوان فيهن جراوه
أمهارن طلايع من مرابط وأصيلات :: ومعلماتن لطرد والقصاوه
اليا قال أبن عـشـوان للخيل ردات :: فيهن على الجمع الموالي ضراوه
حـقـب العيون على الجمع ذربـات :: فرسانهن يردون نار الضاوه
فيهن من أوصاف العماهيح أشارات :: الموت الأحمر والعنا والقساوه
حذرات صلفاتن أثـقال وخفيفـات :: ويصعب على المشتاق كسب الشفاوه
هذا وعلى مـحـمـد جميع الصلوات :: تعداد ماهلهل من الوسم ناوه .
وصح لسان الشاعرين
تعليق