[align=center][grade="00008B FF6347 008000 4B0082"][align=center]
الاخوة المشرفين والاعضاء والزوار
لا تشرهون بنترك سوالف البل ونردها في الدجاج
ولكن القصة التالية اوردتها لمافيها من الفائدة في تعلم الحجة وخصوصا اللي يحب الطلايب والدعاوي
القاضي و راعي الدجاجة
جاء رجل ومعه دجاجة مذبوحة ( يعنى ميتة ) وكان رايح لمحل الدجاج
علشان يقطع الدجاجة فقال له راعى الدجاج خلاص روح لك
ربع ساعة وتعال لي تلقاها جاهزة
قال له صاحب الدجاجة : خلاص
فمر قاضى على راعى الدجاج وقال له :عطني دجاج
قال له راعى الدجاج : والله ماعندى الا هذى الدجاجة وهى لرجال بيرجع الحين
قال القاضى : خلاص عطنى اياها واذا جاك صاحبها قل له الدجاجة طارت
قال راعى الدجاج : وشولون مايصير هو جايبها ميتة كيف ؟؟؟
قالة القاضى : اقول لك قل له كذا ولا عليك وخلية يشتكى ولا يهمك
قال راعى الدجاج : اوكى والله يستر
جاء صاحب الدجاجة عند راعى الدجاج وقال وين دجاجتى ماخلصت
قال راعى الدجاج : والله دجاجتك طارت
قال صاحب الدجاجة : وش تقوووول كيف صاحى انت انا جايبها ميتة
وصار بينهم شد فى الكلام وبغوا يتهاوشون
فقال صاحب الدجاجة : امش معي للقاضى علشان يحكم بينا هناك ويطلع الحق
فراحوا للقاضى وعند ذهابهم للقاضى فى الطريق شافوا اثنين يتهاوشون
واحد مسلم والثانى يهودى
فجاء راعى الدجاج يفرع بينهم ( يعنى يفرق بينهم ) ولكن اصبع راعي الدجاج
دخلت في عين اليهودى وفقعها
فتجمع الناس ومسكوا راعى الدجاج وقالوا هذا اللى فقع عين اليهودى
فصارت القضية قضيتين فوق راسه
فجروه للمحكمة عند القاضى فيوم قربوا من المحكمة حاول يفلت منهم وهرب
وفروا وراه يلحقونه يبون يحاكمونه لكنه دخل فى مسجد وهم وراه
وركب فوق المنارة وهم وراه اخرتها طمر (نقز) من فوق المناره الا وهو على شايب
فمات الشايب من اثر طيحت راعى الدجاجة عليه
فجاء ولد الشايب وشاف ابوه مات فلحق راعى الدجاج ومسكه هو ومعه باقى الناس
وراحوا به للقاضى
ويوم شافه القاضى ضحك يفكره علشان سالفة الدجاجة
مادرى ان راعى الدجاج علية ثلاث قضايا :
1) سرقت الدجاجة
2 ) فقع عين اليهودى
3) قتل الشايب
ويوم درى القاضى مسك راسه وقال عز الله انك جبت العيد
فجلس يفكر القاضى وقال خلونا نأخذ القضايا وحدة بوحدة
فنادو صاحب الدجاجة
فقال له القاضى وش تقول فى دعواك على راعى الدجاج
قال صاحب الدجاجة : هذا ياقاضى سرق دجاجتى وانا معطيه اياها وهى ميتة
ويقووووول انها طاااارت كيف ياقاضى
قال القاضى : هل تؤمن بالله
قال صاحب الدجاجة : نعم اوئمن بالله
قالة القاضى : ( يحيي العظام وهى رميم ) يله قم مالك شى جيبوا المدعى الثانى
اليهودى وقالوا هذا ياقاضى فقع عينه راعى الدجاج
فجلس القاضى يحوس ويفكر ويطلع وينزل,,,,,
فقال القاضى لليهودى : دية المسلم للكافر النصف يعنى نفقع عينك الثانية
علشان تفقع عين وحدة للمسلم (راعى الدجاج )
فقال اليهودى : خلاص انا اتنازل ماعد ابى شى منه
فقال القاضى : عطونا القضية الثالثة
جاء ولد الشايب اللى توفى وقال : ياقاضى هذا الرجل طمر على ابوى وقتله
ففكر القاضى وقال : خلاص روحوا عند المنارة وتركب انت يالولد فوق وتطمر
على راعى الدجاج
فقال الولد للقاضى : طيب واذا تحرك يمين ولا يسار يمكن اموت انا
قال القاضى : والله هذى مهيب مشكلتى ابوك ليش ماتحرك يمين ولا يسار
فطلع راعى الدجاج من القضايا الثلاث زى الشعرة من العجينة.
وتقبلوا خالص تقديري
[/align][/grade][/align]
الاخوة المشرفين والاعضاء والزوار
لا تشرهون بنترك سوالف البل ونردها في الدجاج
ولكن القصة التالية اوردتها لمافيها من الفائدة في تعلم الحجة وخصوصا اللي يحب الطلايب والدعاوي
القاضي و راعي الدجاجة
جاء رجل ومعه دجاجة مذبوحة ( يعنى ميتة ) وكان رايح لمحل الدجاج
علشان يقطع الدجاجة فقال له راعى الدجاج خلاص روح لك
ربع ساعة وتعال لي تلقاها جاهزة
قال له صاحب الدجاجة : خلاص
فمر قاضى على راعى الدجاج وقال له :عطني دجاج
قال له راعى الدجاج : والله ماعندى الا هذى الدجاجة وهى لرجال بيرجع الحين
قال القاضى : خلاص عطنى اياها واذا جاك صاحبها قل له الدجاجة طارت
قال راعى الدجاج : وشولون مايصير هو جايبها ميتة كيف ؟؟؟
قالة القاضى : اقول لك قل له كذا ولا عليك وخلية يشتكى ولا يهمك
قال راعى الدجاج : اوكى والله يستر
جاء صاحب الدجاجة عند راعى الدجاج وقال وين دجاجتى ماخلصت
قال راعى الدجاج : والله دجاجتك طارت
قال صاحب الدجاجة : وش تقوووول كيف صاحى انت انا جايبها ميتة
وصار بينهم شد فى الكلام وبغوا يتهاوشون
فقال صاحب الدجاجة : امش معي للقاضى علشان يحكم بينا هناك ويطلع الحق
فراحوا للقاضى وعند ذهابهم للقاضى فى الطريق شافوا اثنين يتهاوشون
واحد مسلم والثانى يهودى
فجاء راعى الدجاج يفرع بينهم ( يعنى يفرق بينهم ) ولكن اصبع راعي الدجاج
دخلت في عين اليهودى وفقعها
فتجمع الناس ومسكوا راعى الدجاج وقالوا هذا اللى فقع عين اليهودى
فصارت القضية قضيتين فوق راسه
فجروه للمحكمة عند القاضى فيوم قربوا من المحكمة حاول يفلت منهم وهرب
وفروا وراه يلحقونه يبون يحاكمونه لكنه دخل فى مسجد وهم وراه
وركب فوق المنارة وهم وراه اخرتها طمر (نقز) من فوق المناره الا وهو على شايب
فمات الشايب من اثر طيحت راعى الدجاجة عليه
فجاء ولد الشايب وشاف ابوه مات فلحق راعى الدجاج ومسكه هو ومعه باقى الناس
وراحوا به للقاضى
ويوم شافه القاضى ضحك يفكره علشان سالفة الدجاجة
مادرى ان راعى الدجاج علية ثلاث قضايا :
1) سرقت الدجاجة
2 ) فقع عين اليهودى
3) قتل الشايب
ويوم درى القاضى مسك راسه وقال عز الله انك جبت العيد
فجلس يفكر القاضى وقال خلونا نأخذ القضايا وحدة بوحدة
فنادو صاحب الدجاجة
فقال له القاضى وش تقول فى دعواك على راعى الدجاج
قال صاحب الدجاجة : هذا ياقاضى سرق دجاجتى وانا معطيه اياها وهى ميتة
ويقووووول انها طاااارت كيف ياقاضى
قال القاضى : هل تؤمن بالله
قال صاحب الدجاجة : نعم اوئمن بالله
قالة القاضى : ( يحيي العظام وهى رميم ) يله قم مالك شى جيبوا المدعى الثانى
اليهودى وقالوا هذا ياقاضى فقع عينه راعى الدجاج
فجلس القاضى يحوس ويفكر ويطلع وينزل,,,,,
فقال القاضى لليهودى : دية المسلم للكافر النصف يعنى نفقع عينك الثانية
علشان تفقع عين وحدة للمسلم (راعى الدجاج )
فقال اليهودى : خلاص انا اتنازل ماعد ابى شى منه
فقال القاضى : عطونا القضية الثالثة
جاء ولد الشايب اللى توفى وقال : ياقاضى هذا الرجل طمر على ابوى وقتله
ففكر القاضى وقال : خلاص روحوا عند المنارة وتركب انت يالولد فوق وتطمر
على راعى الدجاج
فقال الولد للقاضى : طيب واذا تحرك يمين ولا يسار يمكن اموت انا
قال القاضى : والله هذى مهيب مشكلتى ابوك ليش ماتحرك يمين ولا يسار
فطلع راعى الدجاج من القضايا الثلاث زى الشعرة من العجينة.
وتقبلوا خالص تقديري
[/align][/grade][/align]
تعليق