ياراكـب اللـي يمـتع ناظري شـوفـه= والى عطى الخـط ماضني له مخاوي
يسـابـق الريـح ولا يمكــن يـطـوفـه =يهقـوي اللي علـى قـطـع الفـرج نـاوي
جـيـب الى جـيـتـنـا بحلي اوصـوفـه =ذيـب عـدا للعـشـى في حـروة الشـاوي
مـنـصـاك قـرم يرحـب دوم بضيـوفـه =يلقى العشـا من نصـاه ومـن لـفـا هـاوي
مجلـسه فـيـه الدلال الصـفر مصـفـوفـه =وفـيـه ازرق العود من كمبـودي وجـاوي
شبيب منصا رفيقً شانـت ضـروفـه =وضـروف الايــام لاتــرحـم ولاتـــاوي
ابـوسعـد عـزوة اللـي بـاح مـصـروفـه =هــداج تـيــمـا يـصـدر وارده راوي
عـطـيـتـه مـالـحـقـها مـن وحسـوفـه =مـن يـاصفه بـالـكـرم مـايعـتبر غـاوي
يضحـك حـجـاجه وتنـفـق ماله كـفـوفـه =بنـك الـمـراجـل رصيـده مـاله مـساوي
يـفـداه مـن يـمـلـكـون المال بصنوفـه =ولامــدح فـعــلهـم شـاعـــر ولاراوي
فــالــح سـعــد الغييثي(مهراس)
تعليق