قصيده للشاعر المعروف : عبد الرحمن بن بديع
الليل شكله يجذب الهم ويخيف
وفيه الثواني والدقايق ثقيلــــــه
حل الظلام وقربت حزة الضيف
ضيف يشارك وحدتي كل ليلــــه
ياضيف قبل تزورني قول لي كيف
القى لصداتك وفرقـــاك حيلــــه
ياضيف جياتك عذاب وعجاريف
وابغى اتخلص منك بأية وسيلـــه
ياضيف منك دموع عيني ذواريف
وعسفتني عسف المهار الأصيله
وشليت قلبي شلت النـــــود للريف
وشبيتني شب الزنـــاد الفتيلــــــه
لاجيت تفتح لي ملفات الارشــيف
وتكشف لي اجروح الزمان العليله
عذبتني وانا آدمي قلبــي اصخيف
وشليت حملك والجمل مايشيلــــه
ياضيف بشرني عساهــا تخافيــف
ياخوفتي لو انك راعـــي طويلـــه
من ميلة الدنيا ومن سطوة الضيف
انا جــوير اللــه وانـــا دخيلــــــه
تعليق