قصيده على ذوقي , واتمنى تعجبكم ,
جعل السحاب اللي مزونه مراديـم@@جعله مـن القبلـه يخيـل عشيـه
ينشى على أنحاء المملكة دون تقسيم@@وبلـه كبـار ومزنتـه عقربيـه
أربع وجاب وعقبها ما طرهديـم@@أسبوع كامل والرعـد لـه وحيـه
ومن عقبها تسمع لطيـره ترانيـم@@ويلقابـه العسـاس شبعـة مطيـه
ما ازين يابو فواز سوق المجاهيـم@@في خايع مـا جـاه راع الرعيـه
ترعي قفر ما جاه نجـودونعيـم@@والخير ياسـر والا جـازه مديـه
وخوة نشامى في اللوازمشغاميـم@@وطاسـة حليـب ودلـه شاذليـه
والكبش يسلخ والسماء كلهـا غيـم@@والنار تشعـم والسوالـف طريـه
هذي طراة العمر تبعد عن الضيـم@@يازينها يا اهـل العقـول الذكيـه
نتبـع هواهـا والليالـي مقاسيـم@@والعبد يمشي تحـت حكمـه وليـه
ماني بحاجرها ورى الحبس والسيم@@مادام راسي يابـن غالـب عليـه
جاك الكلام وعطني الـرد يفهيـم@@وجهة نظرك وعجـل الـرد ليـه
تمت وصلّوا عد ما ينطـق الميـم@@علـى محمـد بالصـلاة الزكيـه
الشاعر / فهد بن دليم المرشدي
تعليق