كبوة حصان

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كبوة حصان حولت بي وأنا فوق=وأنا ربيب الشامخات المنيفه
ماهيب في شرع ٍ ولاهيب في حقوق=ولاهيب قدح ٍ في النفوس العفيفة
طاوعت نفسي تهبط لداني السوق =والحمدلله عقب عادت معيفة
البارحة والنوم مابارح الموق =والقلب يرجف مايهوّد رجيفه
الوم نفسي بين مخطي ومحقوق =وطواري ٍ تجتاح قلبي عنيفة
مر ٍ توسع بي ومر ٍ بي تضوق=ومر ٍ جلال ومر تبدو نحيفة
جسر الشيم بين العرب صابه فتوق=وعيونهم مابين عور وكفيفة
وحدتني العب لي من الضيق طاروق=بين الربيع وبين لاهوب صيفه
أنا من الضيقة محاصر ومخنوق=حتى خطاوا الرجل صارت كليفة
وأشرفت بالهمّة على راس شاهوق=وشفت الثقال الراسية والخفيفة
وميزت مابين البعارين والنوق=وميزت راعي عنانها من رديفه
وعرفت راعي الصدق من صاحب البوق=وفرق الربيبة عن جهام القريفة
مدري متى يصفي زماني وباروق=وألقى الرجال أهل القلوب النظيفة
أحرار للعليا يسابقهم الشوق=أهل الشيم وأهل العلوم الطريفة
اللي صداقتهم بها العهد ماثوق=ماهزها هوج الرياح الصليفة
ماهي صداقة مصلحة تسمج الذوق=الهرج سامج والمناهج كسيفة
يالله عسى الرديان بالضنك والعوق=ولالهم يبقى على الأرض شيفة[/poem]

رد: كبوة حصان

صـــــــــــــــح لسانك يا شجاع

رد: كبوة حصان

يالله عسى الرديـان بالضنـك والعـوق

ولالهـم يبقـى علـى الأرض شيـفـة

صح لسانك

تحياتي

رد: كبوة حصان

ياسلام

صح لسانك مدد بلا عدد

وااافـي وقصيدتك وافيه

راقت لــي

تحياتي لك

..