**أترك الدخان في سبع أيام..مضمون ومجرب..100%(خالد المضياني)**

[align=center]بسم الله الرحمن الرحيم
السلام عليكم
ورحمة الله وبركاته
كيف حالكم ياأهل مزاين

بلا مقدمات
**أترك الدخان في سبع أيام..مضمون ومجرب..100%(خالد المضياني)**
واحد من أخوياي
هداه الله والتزم ، ولكنه
يدخن من 7 سنوات تقريبًا
وحاول يترك الدخان ولكن مثل
مايعلم المدخنين أن ترك الدخان عسر
على من عسره الله عليه.
المهم السالفة ماضبطت مع الرجال (مطوع
ويدخن)وراح لواحد من أخويانا(أنسان حبيب وخدوم
لأبعد درجة)وعلمه بالموضوع.يوم سمع منه القصة أخذه
لجمعية مكافحة التدخين بالرياض.والحمد لله أن الرجال ترك الدخان
وماطبت الزقارة فمه من قبل رمضان ليومكم هذا.
سألنا الرجال وش سوو له قال : أول يوم أكشفوا على صدره وحللوه وتبين
أن 60% من رأتيه متعطل ، وعطوه موعد لمدة 7 أيام (جلسات على جهاز أسمه
الملامس الفضي على ماأعتقد)يقول ثبتوا الجهاز بأذن الرجال وأمتصوا النيكوتين من الدم
وأنا أول أسمع أسم جمعية مكافحة التدخين وكنت أحسب أنها تعطي نصائح وأرشادات فقط ما كنت
أدري أنها بطريقة طبية وهذا بسبب ضعف الإعلان عنها ولكن بعد ماراح لهم خوينا تبين لي انها بطريقة
طبية، والحمد لله الجمعية الي بالرياض ترك الدخان بسببها مايزيد على 14.000(أربع طعش الف)والي عندنا
بالخرج أفتتحوها قبل رمضان وترك الدخان بسببها على ماأعتقد أكثر من 400 شخص(فيه ناس من 24 سنه يدخنون
والحمد لله تركوا الدخان بسبب هذا العمل المبارك بإذن الله ، خوينا الي قلت لكم عنه ما راح للجلسات السبع كلها
ماراح الا لاربع جلسات فقط!!والحمد لله ترك الدخان. من هنا حبيت أني أنقل لكم التجربة هذي على شان يستفيد
أكبر عدد من الأعضاء منها ، أول كنا الامنا نصحنا واحد عن الدخان كان يقول ماأقدر أتركه ، ولكن الحين
ماعاد بقى عذر ، تكفون تكفون يالربع..على فكرة ترى لها رسوم وهو 150ريال على ماأعتقد ، والمية
وخمسين ريال تراها ماهي شيء ، تكفون تكفون أشروا صحتكم ، وأشروا دراهمكم ،وأشروا رضا
الله عليكم(لو أن المدخن يدخن بكت باليوم بخمس ريال او خمس ريال ونص يصير دخانه
بالشهر 150ريال ، وبالسنة 1800ريال-غير الفلوس أنها معصية لله ، غير أنها معصية
صحتكم )الله الله ياشباب ، والي يبي ينسخ الموضوع حلاله ، والي يبي يستفسر
أنا تحت أمره

محبكم
خالد المضياني[/align]

جزاك الله خير يالمضياني
وان شاء الله تحب في موازين حسناتك
لاهنت
أخوك
علي عبدالرحمن

جزاك الله خير يالمضياني
وان شاء الله تحب في موازين حسناتك
لاهنت

جزاك الله خير على الاهتمام بخوانك وهاذا والله كمال الدين
كما قا ل الرسول صلى لله عليه وسلم ..لايؤمن احد منكم حتى يحب لاخيه ما يحب لنفسه ..الحديث
والله يعين
اخوك

[align=center]السلام عليكم
الأخ علي العتيبي
لا ندمت ، ومرورك وردك
شرف لي ، وأنشر هالشيء بين معارفك
الله لا يهينك

الأخ محمد الهدفه
وياك يامحمد ، ولاتنسى
نشر الخبر بين معارفك وجماعتك
ومشكور

الأخ فيصل
أشكرك على ردك الجميل
وهلا بك[/align]

بيض الله وجهك على هذا النصيحه

واتمنا الكل يتبعها

بيض الله وجهك على هذا النصيحه

واتمنا الكل يتبعها

وجهك أبيض
وشاكر لك مرورك وردك
وهلا بك

الله يجزاك خير ويجعلها في موازين حسناتك

الأخ ظافر
أشكر لك مرورك وردك
وأنشر تؤجر
وشكرًا

بيض الله وجهك وعساها في ميزان حسناتك يوم القيامة..

بيض الله وجهك ما شاء الله في كل الاقسام لك مشاركات مميزه ومفيده اسأل االله ان يأجرك على هذا الموضوع وكل من يستفيد منه

[align=center]

بيض الله وجهك وعساها في ميزان حسناتك يوم القيامة..

ارحب يابو معيض
ووجهك ابيض
وجزاك الله خير
على دعاك ، واشكر
لك مرورك وردك الكريم
وهلا بك[/align]

[align=center]

بيض الله وجهك ما شاء الله في كل الاقسام لك مشاركات مميزه ومفيده اسأل االله ان يأجرك على هذا الموضوع وكل من يستفيد منه

وجهك ابيض ياطلال
وأشكر لك إطراءك الجميل
وهلابك[/align]