يـقـولـون ماللـعبـد بـدٍ عـن المقسـوم

قصيده جميله للشاعر/ راجح آل شامر العجمي

http://www.youtube.com/watch?v=UvQq4...layer_embedded

[poem=font=",6,,bold,normal" bkcolor="transparent" bkimage="http://www.mzayan.com/vb/mwaextraedit4/backgrounds/196.gif" border="double,4,sienna" type=2 line=0 align=center use=ex num="0,black""]
يقولون ماللعبد بد عن المقسوم=وانا اقول صح ويقنع العبد مقسومه
عسى الله يعين اللي توافد عليه هموم=همومن تخلي طبلة الراس منجومه
ترى والله انه مايكدر عليك النوم=سوى كلمة من بعض الاصحاب مسمومه
اذاجت من الغالين ولا الرخوم رخوم=ولا امحق من الغالي اليا شانت علومه
ضعاف الروابع تبتلش والقروم تشوم=ولاهيب لا شامت من الشين مليومه
ولا الزين من القاع الخلا والوجيه سلوم=ولا رفقتٍ مع طول الايام ملغومه
ولا الذ من عشرة شريفن من اقصى القوم=يبادلك فعل الطيب معناه وسلومه
واذاشفت في جو الصداقه غبش وغيوم=عطيت الدروب اللي مع الارض مرسومه
ولامثل عز النفس لو مامعك مطعوم=وعن اهل الشماته خل الاسرار مكتومه
معي لوسمحت شوي عقب عداك اللوم=ابعطيك عن بعض الرياجيل معلومه
ترى اللاش لو وقف معك في حياته يوم=تشوف الردى متبين فيه من يومه
وانا اقول لوان في وجيه الرخوم وسوم=عرفنا نميز قيمة النذل بوسومه
على شان نجلس مع رجال الوفا ونقوم=ونبعد من اللي عند الاجواد مذمومه
وانا اسمع مع اهل التجربه في الحياة علوم=بعضها صحيح وبعض الاخبار موهومه
يقولون وكر الحر مايعتليه البوم=وانا شوف عيني وكر حر تحت بومه
[/poem]

رد: يـقـولـون ماللـعبـد بـدٍ عـن المقسـوم

صح لسانه و ارتفع مقداره بيض الله وجهك ووجهه

تقبل مروري

رد: يـقـولـون ماللـعبـد بـدٍ عـن المقسـوم

صـــح لسان راجــح العجمي

وسلمـــت يمنااك على النقل الطـيب

رد: يـقـولـون ماللـعبـد بـدٍ عـن المقسـوم

صـــح لسان راجــح

وسلمـــت يمناك على النقل ياعادل