هذهالقصيده من حمود بن لحمر الهاجرى وموجهه لزميله فى العمل واسمه (سعيد بن صبيحالمرى)
والرد من ....
الشاعر المعروف وشاعر القلطه( ناصر بن عزبين المرى واليكم القصيده...
قصيدة حمود بن لحمر الهاجرى
يالله يافـارج الشـدات والضيقـه
ياخالق الخلـق ياعالـم سرايرهـا
تفرج لعينن تقول الشغـل مطيقـه
وليادخلت للعمل هلـت عبايرهـا
ياسعيد منهو يشاكى من نشف ريقه
الا انت يابهجت العين ونواظرهـا
برق برق تل قلبـى مـن معاليقـه
ممسيت سهران وعيونى امسهرهـا
لاوهنيك مهمـك كـون ترويقـه
فى( نمـرة2) والساعـه اتعايرهـا
وانا شعفنى سنا البرق وملاحيقـه
اللى بروقه وراء(فزران)واسبرهـا
وجدى على شوفة الروض وزماليقه
وام الحويـر ايباريهـا احويرهـا
فى روضة ن هاديه والشمس تشريقه
وفيها طيور الفلا محـدن ايطيرهـا
هذى ترى رغبتى والنفس عشيقـه
تعشق جمال الطبيعه وانت خابرهـا
اخاف يقضى العمر مدركت تحقيقه
وتموت الاحلام يابن صبيح واقبرها
انكـان ماتقـدر المردودلاتعيقـه
ود الرسايـل وابوسالـم ايعبرهـا
ياسعيد لادمك المـوج وتصافيقـه
صعب القوافى ترى ناصر ايصخرها
ياشوق منهـو ايقطنـه ذواليقـه
شقرن على متنه الجذاب ينشرهـا
ردالشاعر ناصر بن سالم العزبين
يالله ياللـى يعبدونـه مخاليـقـه
يامدير الافلاك وانت اللى اتسيرها
تفرج لقلب تبـراء مـن معاليقـه
ونفس من اللى بها ضاعت بصايرها
الله على الهاجرى مزين طواريقـه
هنادبه فى الشعـر كنـه امخيرهـا
كيف على دلة الرسلان وبريقـه
ياخذ من الزين وافكاره ايحضرهـا
ياخذ مع الشوق تغريبه وتشريقـه
يدفع ثمنها وينقى مـن جواهرهـا
وافكاره اللى خذت بالجو تحليقـه
شامت من الزام والدار وعمايرهـا
تذكر البـدو والبـر وشواهيقـه
وعلوم ناس ن قديمـات جرايرهـا
هيض غرامى وفكرى فى صناديقه
ونظم القوافى على ماقيل هاجرهـا
والطير ثنيت فى ربطـة مسابيقـه
من شان برق الحبـارى لايذيرهـا
الشعر ياحمود كاثرتـن عشاشيقـه
احدن يصدربها واحـدن يحدرهـا
كلن يهندب وراه وناشفـن ريقـه
عبر المجلات والصـوره ايكبرهـا
واذانصحته خذا منـك تعاليقـه
ام الكباير تجاهـر فـى كبايرهـا
واسلم وسلم على الشعر ومشافيقه
وعلى رجالن سعدها فى نواظرهـا
وسلامتكم
تعليق