جديد الشاعر نايف بن عرويل ( الملحمة الثورية والأوضاع المحلي
الشعر باقـي والمشاعـر حيـه
ياقبلته فـي الصفحـة المطويـة
وان عودت مانـي مقبـل يمـك
لانـي مقبـل قبلـةٍ شرعـيـة
واللي يقبل عكـس مـا شرعلـه
يقصر عن الحسنه وياخـذ سيـة
ياللي تغطـرس لا تزيـد بغيـك
تعامـل مـع النـاس بالحنـيـة
ترى الليالي تنقلب فـي لحضـه
وتضيع كـل احلامـك الورديـة
ما شفت زين العابدين في تونس
قامـت عليـه الثـوره الشعبيـة
والارض ضاقت والمواني ضاقت
وأكد علـى اول رحلـةٍ جويـة
ثم اتصـل فالجـو مـن نقالـه
علـى معمـر راعـي القوميـة
يامعمر انفض شوشتك والحقنـي
وان مت عندك لا تسـوق الديـة
وعيـا معمـر لا يزبـن جـاره
لان الرعية مـا تضـم رعيـة
طار لفرنسا واعتذر سركـوزي
عود لأوباما جـاه عـذرٍ زيـة
واعطا الاوامر كبتنـه واحرفهـا
قـال البيـارق رفـت سعوديـة
ازبن على اللي يدخلون الجانـي
نطاحـة القالـة نهـار الهـيـة
واجرى اتصاله بالملـك عبـدالله
واثر الملك في رحلـة علاجيـة
لاكن ابو متعب وهـو فالمغـرب
يقدر يديـر الكـورة الارضيـة
قال ابشر بعزك وانا اخو نـورة
والسيف تحمي ضربتـه راعيـة
ازبن على سلطان وازبن نايـف
واعطى الاوامـر كلهـا فوريـة
وعوض عن غياب المليك اخوانه
ثـم اوعـزوا للسلطـة المعنيـة
وامسى بجـده والهبـوب تهبـه
علـى الشحـم والدلـة البريـة
وانتقلت العدوى لحسني مبـارك
وقامت عليه الثـورة المصريـة
والناس قامت تزدحـم فالشـارع
بمضاهـراتٍ كلـهـا سلمـيـة
والشعب كله قال يسقـط حسنـي
لكـن حسنـي مستمـر بغـيـة
نفـذ سياساتـة ودمـر شعـبـه
بالبلطجـة والشرطـة السريـة
ونهاية الموضوع طار الكرسـي
والشعب حقـق منيـة الحريـة
والشي هـذا يثـر بمـن حولـه
لأنـه يسبـب نقلـتِ نوعـيـة
لان الشعوب ان فكرت فالثـوره
ماعـاد تنفـع معهـم القمعـيـة
قامت حكومات العروبه ترجـف
كلن بـدى يهتـز بـه كرسيـة
وام الركب بانـت فأبـو تفليقـة
لأن الجزايـر دولـةٍ ثـوريـة
ويمكن ليا ثارت تطيّـر راسـه
ويـروح فـأول طلقـتٍ ناريـة
وراع اليمن ما سرتـه شعاراتـه
يوم احتـزم بالسيـف والجنبيـة
الشعب ضده والعساكـر ضـده
ويقـول ياجنـي ويـا جنـيـة
وارسل سفيره للريـاض بحينـه
ويقـول خطـة دعـم لوجستيـة
والظاهر انه حاجـزٍ لـه شقـه
شقه علـى الهافمـون بالشرقيـة
ومعمر الليبي على بـن غـازي
مـا سرتـة قواتـه الحربـيـة
جاهم معمـر بـس راح مدمـر
يسحب جيوش الذل روحة جيـة
صج العرب بالصوت زنقه زنقه
والـى الأمـام وثـورةٍ ليبـيـة
ونهايتـه فالمشنـقـة بيعـلـق
ولا يمـوت بسكـتـتٍ قلبـيـة
لأن الرصاصة فيـه نستكثرهـا
وأغلى منـه فالقيمـة السوقيـة
باخذ شوي وبرجع لموضوعـي
بعد مـا عـد النشـرة الجويـة
الناس ماتت بالغرق فـي جـده
والسبـه مـن البنيـة التحتيـة
وامين جده قـال مالـي دعـوى
والمشكلـة مـن هيئـة الماليـة
ياراعي المعنى مادامـك شاعـر
نبيـك تكتـب فالعـرب مرثيـة
ومادمت رسام ومسكت الريشـة
نبيـك ترسـم لوحـتٍ فنـيـة
فيها تجسـد واقـع اللـي ماتـو
وجثثهم فـي الأرصفـه مرميـة
ثم حطها فالمعـرض وبروزهـا
واوعدك تاخـذ جايـزة دوليـة
جتك المعاني واضحه واعذرنـي
لأنـي اعانـي مشكلـة نفسيـة
مشكلتي انـي منصـدم فالواقـع
واجهل فروق الشعب والشعبيـة
ومشكلتي اني ما عرفت اجامـل
وتظهر علـي النزعـة الدينيـة
اكتب قصيدة في الغزل والقاهـا
عقب انتهي منها جـت سياسيـة
وان كان تبغالك مثـال اسمعنـي
غنيـت فالمزيونـه الحـوريـة
يا ام العيون الناعسـه روفيبـي
لا تبلجيـن الـنـور فالعتمـيـة
كشحة جبينك مثل كشحة ساهـر
اللي خذالـي صـورةٍ شخصيـة
وانا بوسط خريص وسط الزحمه
وامشي مية والناس تمشـي ميـة
واللي يزيد برقم ياخـذ صـورة
ويراجـع اقـرب دايـرة بنكيـة
وامـا يصيـر مسالـمٍ ويسـدد
ولا يسـدد غصـب بالجبـريـة
صارت جباية مال عيني عينـك
مافيـه لا رحمـه ولا مـاويـة
يامفتـي الدولـة نبيـك بفتـوى
اصدع بقول الحق وانشر ضيّـة
من ياكلـون اموالنـا بالباطـل
وش حكمهم فالنضرة الشرعيـة
هـذي مطالبنـا وهـذا حـنـا
نصدح بها فالصبـح والظهريـة
تاصـل ملكنـا كـل ماقلنـاهـا
لا مظاهـرات ولا ذي ولا ذيـة
ودام الملك للشعـب فاتـح بابـه
وشهولـه الفتنـه ياشيـن النيـة
ثورة حنيـن الثـورة المدعومـه
بمخابـرات الـذل الإيرانـيـة
محدٍ تبعهـا الا عميـل وخايـن
وضعيف نفس ومستهـان وعيـة
لاكـن قـل لإيـران ياتابعـهـا
انا علـى العـدوان نـارٍ حيـة
وان السعوديـة ابـيـه حــره
ورجالهـا لحدودهـا ثـوريـة
وجيش السعودية ليامـن جحفـل
ياطا برجله فـوق راس الحيـة
قل للخمينـي ثورتـك صدرهـا
علـى ديـار الجهـل الأفريقيـة
ولا السعوديـة تعجـز يديـنـك
منـت بكفـو يالنـذل للنـديـة
جربتنـا بجنـود بـدر الحوثـي
وسلحتهـم بأسلحتـك المخفيـة
وجوهم صقور الجو غاره غاره
وجوهم جنود الجيش والبحريـة
وراحـوا طقـق يالله لا تبلانـا
رح عـاد دور خمّـة الحوثيـة
وجربتنا فـي الؤلـؤه يالخايـن
قصـدك تسبـب فتنـةٍ أهلـيـة
وشعب الخليج الحر مـا يتفـرق
واكبـر دليـل وغايـة الماريـة
درع الجزيرة جاك صفٍ واحـد
صارت جيوش الست بحرينيـة
ثم داس خشمك فالثرى بأقدامـه
وشلون ذقـت التربـة الرمليـة
هذي نهايـة كـل مـن عادانـا
نتيـجـةٍ محسـومـةٍ حتمـيـة
واحسب حسابك ياحسن نصر الله
لا تجمع الشيعـة علـى السنيـة
ترى القيامة قايمـه فـي درعـا
وبشار ما يقدر علـى الشاميـة
بكـره بيفتـح باباهـا بالـقـوه
وتبا تطيـح اسـوارك الوهميـة
وباب الشرف ماهوب باب الحارة
ابينفتـح فـي ثـورتٍ فعلـيـة
وبيزحفـون بجيشهـم لديـارك
وارض الجنـوب تعـود لبنانيـة
ياحادي الثـورات غـن بثـورة
ثورة عرب ماهيـب صهيونيـة
ياشعب تونس يامصر يالمغـرب
ياليبـيـا لبـنـان ياسـوريـة
يامقسـم السـودان ياجيبـوتـي
يا اهل اليمن فديارنـا الأصليـة
يا أهل الجزاير يالعراق الباقـي
ياموريتانيـا يالشعـوب الحيـة
يادولة الصومال يا اهـل الاردن
جزر القمـر يالشمعـة المطفيـة
يا اهل الخليج بدون ذكر اسامـي
ياشعوبنـا يالـعـزه المنسـيـة
متى يكون الشعب شعـب واحـد
ومتـى تقـوم الثـورة الكلـيـة
ونردد اسرائيـل تسقـط تسقـط
تسقط حـدود الدولـة العبريـة
وندخل حدود القدس ونحررهـا
وكـذا تتـم السـنـة الكونـيـة
تعليق