للصمت في بعض الموآقيف قيمه

السلام عليكم ورحمة الله وبركاته .

صباح / مساء .. جميل عليكم يا آل مزآين

وأعضاءه وأدارته الكريمه ؛ وزواره الأعزاء ..~





للتوآصل ونبذ الغياب ..~



لعلها تليق بكم هنا ، والجميع بـ أحسن حال

للصمت في بعض الموآقيف قيمه ..






للصمت في بعض المواقيف قيمه
..............لا صار ما للهرج يا شيخ برهآن
الحر ما يرضى بذل وهزيمه
..............والنور بعد الظلم يا صاحبي بآن
الصدق يرفع قدر ناس" كريمه
..............والحق دايم صاحب الكذب خوان
الناس ما ترضى بغل وظليمه
.................والعالم الله ما ترديت يا فلان
حفظي لعز النفس فخر وغنيمه
.................وكرامتي والله ما يوم تنهان
مآني من اللي يستمع للنميمه
.............وما عذربوا قولي طويلين الأيمان
اللي لهم بالصدر قدر وحشيمه
.............واللي تهوز الصعب في كل ميدان
أهل العقول الراجحات الفهيمه
............وأهل التوآضع من على مر الأزمان
اللي تشوف الحق حق وتقيمه
...............ما قام يدفعها عن الحق شيطان
لا واللذي عنده حياتي عليمه
...........ما قلت غير اللي حصل دون ميلان
وأطلقت بعنان القصايد لريمه
.............اللي تشوق اللي للالحان طربان
حنا حرار ألنا حقوق" عظيمه
..................وألنا على رد المعادين برهان
تؤخذ على فعلك حقوق وغريمه
.........وتوضع على الميزان من دون نقصان
وإن كان خنا يا عسى للحريمه
..............وإن كان خنتوا تنتشاهد بالأعيان




وسلآمتكم ..



مرضي فرج العتيبي .,

رد: للصمت في بعض الموآقيف قيمه

صح لسانك يامرضي
ولاهنت على النقل

رد: للصمت في بعض الموآقيف قيمه

صح بدنك ي محمد والله لايهينك ..

والقصيده ليست منقوله ..

القصيده لي ي الغآلي ..

ولاهنت على مرورك وحظورك الرآقي .

رد: للصمت في بعض الموآقيف قيمه

صح لسانك يامرضي

ولاهنت على النقل

رد: للصمت في بعض الموآقيف قيمه

سلمت وكرمت يامرضي

رد: للصمت في بعض الموآقيف قيمه

صح لسانكـ
ولاهنت على النقل
***

رد: للصمت في بعض الموآقيف قيمه

صح لسانك يامرضي

رد: للصمت في بعض الموآقيف قيمه

صحت أبدآنكم .. والله لايهينكم على حظوركم الجميل .. ومروركم العطر ..

والقصيده ليست منقوله كما قلت سابقاٌ ..

هي أحدى قصائدي .. وأتشرف بوجودها في هذا الصرخ الشامخ ..

تحيتي وتقديري ..

مرضي فرج العتيبي ..

رد: للصمت في بعض الموآقيف قيمه

صح الله السانك وعلى شانك

في انتظار جديدك لاعدمناك