لي بنت عم ماوطت درب الادناس
قصيدة " لي بنت عم " .
كاتب القصيدة هو الشاعر شرعان بن فهيد بن ثاران الرمالي الشمري
ياراكـب ثنتيـن يشـدن الاقــواس--- مـن دار ريضـان الحجـر حركـنـي
مافوقهـن كـود الدويـرع وجــلاس--- وسفايـف بـيـن اربــع يلعبـنـي
تحركنا مـن عندنـا حيـن الامـراس--- ومضـى سـواد اللـيـل مابركـنـي
حكن علم عذفا يسـارن مـن الـرأس--- والظهـر مـع ورد الحفـر يشربنـي
وحطو لهم مع هقلـة الحضـر بـلاس--- عن الحضر واللـي بالخـلا يسرحنـي
وليا لفيتـوا عنـد مدقـوق الالعـاس--- الجـادل الـلـي بالمحـبـه محـنـي
قولوا على حبل الرجا نطـوي اليـاس--- ولبيـض غيـره كلـهـن يحرمـنـي
ولو يندوي جرحـي دويتـه بزفـواس--- ولا بني رفـاف البيـت منكـم ومنـي
والله يعـلـم بالخفـايـا والآجــاس--- حيث مضى من صغـر سنـك وسنـي
وياعم اللي طعت بي هـرج الانجـاس--- طاوعت هرج النـاس واخلفـت ظنـي
طعـت بـي ياعـم دايـس ودربـاس--- وعــوارض صدقتـهـا وابعـدنـي
ومن لااخذ من درس الاسلاف نبـراس--- تمضـي حياتـه بالـرجـا والتمـنـي
واقفيت ادير بظامـري كـل هوجـاس--- علـى وليـف بالحشـا غـاب عنـي
تكبي خواطرهـم ليـا جيـت عسـاس--- ولاتقـل انـا منهـم ولاهمـب منـي
ومريـت دار ماتقـل جنـة الاونـاس--- وونيـت ودمـوع العيـون ذرفـنـي
جيت المراح اللـي بالعشـب محتـاس--- العشب فـي مضـرب وسـادة معنـي
محذا شبة النـاس ومشتاقـة الـراس--- وثــلاث لايـبـكـن ولاينبـكـنـي
لي بنت عـم ماوطـت درب الادنـاس--- ولادنسـت يـوم النسـاء يدنسـنـي
ضربتها وانا احسب الضـرب نومـاس--- طلقتهـا يـوم اخفـت العقـل مـنـي
ياناس كيف العين تبكـي علـى نـاس--- وكيف العيـون بـلا رمـد يسهرنـي
لو ينشكي حبي علـى ذيـب لاخمـاس ---يسـرح مـع الطلـيـان مايجفلـنـي
ولو ينشكي حبي علـى طيـر قرنـاس--- اضحـى الضحـى بمويكـره مستكنـي
ولو ينشكي حبي على قـب الافـراس--- عيـن نهـار الـكـون لايفزعـنـي
ولو ينشكي حبي على الميـت مانـاس--- يثـور مـن بيـن النصايـب يـونـي
ولـو البيـوت مشددينـه بالامـراس--- عيـن مــع الخـفـرات لاينبنـنـي
وحتى النجوم اللي مـع الليـل غـلاس--- لـو ينشكـي حبـه لـهـن وقفـنـي
ولو ان غوطة (دم سلمان ) واضـراس--- يــدرن بماقلـبـي لقلـبـه يكـنـي
تلقى سهـل جبـة هضـاب ومنحـاس--- وحتى الجبـل بالقـاع صـار متثنـي
اشرفت رأس ضراس من فوق الاطعاس--- ولالـوم طـراد الهـوى لـو يجـنـي
هليت دمع العيـن واوميـت بالـراس--- ورافقت كـور العيـس يامـا ابعدنـي
ورفعت نفسي عن شبا كـل وسـواس--- البعـد احلـى مـن حـيـاة التمـنـي
انـا زبـون الحـرد للخيـل مدبـاس--- ياكلشـن شهـب الشـوارب نخـنـي
نفسي تشوم عن التدلبح مـع السـاس--- ولاعاش من هو عـن رفيقـه يكنـي
من شيدوا (زينة ) على غيد واغراس--- ليـا نسـيـت رسومـهـم ذكـرنـي
ياعم انا لـي طلبـة الـراس بالـراس--- ياعـم شـوف رسومهـم ماانمحنـي
ولو صرت ان القلاع ماشلت الاضراس--- والمـوس مايقطـع بلـيـا مسـنـي
ياصار ماربعن علـى الـرائ جـلاس--- وجنحـان طيـر السـعـد يلفحـنـي
نصـيـر دوم للصقاقـيـر مــدواس--- مثـل اللـي يسمـع صفيـر المغنـي
والله يـلـولا بـكـرة يـبـوونـاس--- حبه سكن باقصـى الضمايـر محنـي
والله لـو هـي ماتبينـي فـلا بـاس--- لاشـك خبثـان النـفـوس طـردنـي
وانا احمد اللـي خالـق كـل الانفـاس--- وجعـل وسـاع القـاع مافيـه منـي
دار بـدار ولامنـاخـات الانـجـاس--- ياصـار مايمنـاك عيـنـك تـزنـي
في بلدة الغـراف مـن جملـة النـاس--- ولا نيب من يرجـي الخلايـق تحنـي
دار به الاكـرام والطيـب بـه سـاس--- دايــم تذكـرنـي لـيـال مضـنـي
تعليق