السلام عليكم
صوت غازي بن دخيل الله بن عون
صدى عبدالله بن نايف بن عون
يقول الشاعر / غازي بن دخيل الله بن عون
يا راكب اللي معايرةٍ كفاراته
وادبابه مفللات وماه وزيوته
نوعه ومنشاه فالحاسوب وثباته
صالون فكسار لندكروز تايوته
جديد ما ركّبت فالبدي لوحاته
ولا نيش بعد المصمم صك كبوته
تنبيك عن كل شيٍّ فيه شاشاته
وتعامله من خلال رموز ريموته
تشابهت هرجت الماطور وسكاته
هرجت خليلٍ لخلّه مرخيٍ صوته
أبيه ينحر محيط الجود وفراته
قيّم مقام الشعر ومعمّر بيوته
محيط شعرٍ تذب السفن ماياته
ومواكب الشعر تبحر فيه ويخوته
إلى تهقواه فيه تضيع هقواته
يخاف من موجه العاتي ومن حوته
خبير فنٍ نبغ في رسم لوحاته
واثرى المجالس بمحاره وياقوته
اسماع الاذان تستمتع بلمساته
والشعر الآخر تضايق منه وتشوته
توظيفه المفردات ومصطلحاته
تغني من اصغالها بالقوت عن قوته
ومسامع المستمع تدمن على ابياته
ادمان طفلٍ على كيكه وبسكوته
ومجد ابو نايف تلاوح بيض راياته
وروايعه في صدور الناس منحوته
نصّيته الجيب مشتاقٍ لعذباته
عضيدي اللي عسا موتي قبل موته
مجارات الشاعر/
عبدالله بن نايف بن عون
البوك يا شعيل هاته والقلم هاته
واجلس وخلّ القلم يرعف على النوته
يوم الثناء حان مردوده بحزّاته
بالسيرة اللي مع الشعّار مثبوته
قدّام يا شعيل لا ودّه ولا هاته
هجسي لرد الثناء متقوبعٍ كوته
للي تعوّد على تجديد عاداته
روايعٍ بالمدايح فيّ منعوته
اليا اندثر هاجسي تحيي لي امواته
غرايبٍ ما توارى عنه وتفوته
جتني على موترٍ يفرق بميزاته
آخر موديل ايتطاما كل مروته
جاني بشعرٍ تشوّقني مجاراته
نوادرٍ ما نواصيها بمشموته
من منبعٍ ما يغر الحلو صنّاته
منابعه في سماء الابداع مصنوته
نظمٍ صعيبٍ على طالب مساواته
احلى من البرحي المكنوز ونبوته
من شاعرٍ طيب ذاته وابتكاراته
تضفي علينا لباس العزّ وبشوته
قد شفت منه الغرايب في بداياته
بيته ليا مرّني ما ودي افوته
وفي كل عيدٍ تعايدني مروّاته
وتخرج لها عبرةٍ فالصدر مكبوته
مجاراتي لهم..
الشعر من عقب ماهو غط باسباته
وغسل وكفن وقرب منه تابوته
قد له سنوات مايدرى عن رفاته
وكل يدوسه ويدعس فوقه ب بوته
احياه ربي وعادت فيه نبضاته
سبحان من يحيي الميت بعد موته
انحملك يادخيل الله معاناته
ونحمل خوك عبدالله على سكوته
كل يحاسب على ماشاف بسكاته
لاصار مانكر بيده ينكر بصوته
ماهيب تجطي حديكم قو شرهاته
حقه عليكم تفكونه من سبوته
تجملو فيه لاتنسون وقفاته
ياما عطاكم من اللوللو وياقوته
يفزع معاكم الامن جات حزاته
يمدكم بالجزيل ويعلن سموته
تكانفته العرب من كل وجهاته
كل يغني على ليلاه ويشوته
حتى تصدى له المتعب بصداته
قرى عليه السلام وفك تابوته
يحاول انه يقدم في مداراته
اللي ينير الطريق ويضوي خفوته
ليته سلم من مجلته وقنواته
اللي عليه ادبكت حتى (ذبل توته)
صوت غازي بن دخيل الله بن عون
صدى عبدالله بن نايف بن عون
يقول الشاعر / غازي بن دخيل الله بن عون
يا راكب اللي معايرةٍ كفاراته
وادبابه مفللات وماه وزيوته
نوعه ومنشاه فالحاسوب وثباته
صالون فكسار لندكروز تايوته
جديد ما ركّبت فالبدي لوحاته
ولا نيش بعد المصمم صك كبوته
تنبيك عن كل شيٍّ فيه شاشاته
وتعامله من خلال رموز ريموته
تشابهت هرجت الماطور وسكاته
هرجت خليلٍ لخلّه مرخيٍ صوته
أبيه ينحر محيط الجود وفراته
قيّم مقام الشعر ومعمّر بيوته
محيط شعرٍ تذب السفن ماياته
ومواكب الشعر تبحر فيه ويخوته
إلى تهقواه فيه تضيع هقواته
يخاف من موجه العاتي ومن حوته
خبير فنٍ نبغ في رسم لوحاته
واثرى المجالس بمحاره وياقوته
اسماع الاذان تستمتع بلمساته
والشعر الآخر تضايق منه وتشوته
توظيفه المفردات ومصطلحاته
تغني من اصغالها بالقوت عن قوته
ومسامع المستمع تدمن على ابياته
ادمان طفلٍ على كيكه وبسكوته
ومجد ابو نايف تلاوح بيض راياته
وروايعه في صدور الناس منحوته
نصّيته الجيب مشتاقٍ لعذباته
عضيدي اللي عسا موتي قبل موته
مجارات الشاعر/
عبدالله بن نايف بن عون
البوك يا شعيل هاته والقلم هاته
واجلس وخلّ القلم يرعف على النوته
يوم الثناء حان مردوده بحزّاته
بالسيرة اللي مع الشعّار مثبوته
قدّام يا شعيل لا ودّه ولا هاته
هجسي لرد الثناء متقوبعٍ كوته
للي تعوّد على تجديد عاداته
روايعٍ بالمدايح فيّ منعوته
اليا اندثر هاجسي تحيي لي امواته
غرايبٍ ما توارى عنه وتفوته
جتني على موترٍ يفرق بميزاته
آخر موديل ايتطاما كل مروته
جاني بشعرٍ تشوّقني مجاراته
نوادرٍ ما نواصيها بمشموته
من منبعٍ ما يغر الحلو صنّاته
منابعه في سماء الابداع مصنوته
نظمٍ صعيبٍ على طالب مساواته
احلى من البرحي المكنوز ونبوته
من شاعرٍ طيب ذاته وابتكاراته
تضفي علينا لباس العزّ وبشوته
قد شفت منه الغرايب في بداياته
بيته ليا مرّني ما ودي افوته
وفي كل عيدٍ تعايدني مروّاته
وتخرج لها عبرةٍ فالصدر مكبوته
مجاراتي لهم..
الشعر من عقب ماهو غط باسباته
وغسل وكفن وقرب منه تابوته
قد له سنوات مايدرى عن رفاته
وكل يدوسه ويدعس فوقه ب بوته
احياه ربي وعادت فيه نبضاته
سبحان من يحيي الميت بعد موته
انحملك يادخيل الله معاناته
ونحمل خوك عبدالله على سكوته
كل يحاسب على ماشاف بسكاته
لاصار مانكر بيده ينكر بصوته
ماهيب تجطي حديكم قو شرهاته
حقه عليكم تفكونه من سبوته
تجملو فيه لاتنسون وقفاته
ياما عطاكم من اللوللو وياقوته
يفزع معاكم الامن جات حزاته
يمدكم بالجزيل ويعلن سموته
تكانفته العرب من كل وجهاته
كل يغني على ليلاه ويشوته
حتى تصدى له المتعب بصداته
قرى عليه السلام وفك تابوته
يحاول انه يقدم في مداراته
اللي ينير الطريق ويضوي خفوته
ليته سلم من مجلته وقنواته
اللي عليه ادبكت حتى (ذبل توته)
تعليق