السلام عليكم
كيف حالكم ياأهل مزاين؟
أن شاء الله طيبين
مشكلة الكلية عندنا أنها إذا بدت أختباراتها ماتنتهي ، ولكن عسى الله ييسر لنا
قبل شوي وأنا راجع من الكلية،وأنا بالخط(خط الرياض الخرج)وأفكر بمنتدى مزاين ، وبأختباراتي ، ووش أسوي بالعطلة الصيفية و..و..و...الخ
قطع تفكيري أن السيارات الي قدامي وقفت فجأه،تلقائيًا وقفت معاهم،وأناظر قدامي أبي أشوف وش الي موقفهم!!
ألا الناقة الي قطعت قطعت الخط قدامي،وفيه كم ناقة قدام شوي ماسكات خط الشاحنات(نظاميات ماشاء الله عليهن) ، وفيه وحده متهوره ماسكه الكتف
وجيب أمن الطرق مشغل السفتي ، ومعلق على البوري ويحاول يحدهن عن الخط ولكن مافيه فايدة
صفيت ورى الجيب وعلقت على البوري وقعدت أدبل بانزين ونحدهن أنا والجيب لين نزلناهن عن الخط
الجيب نزل وراهن ، وأنا تعديت وأناظر بالمراية للي ماسكة الكتف وش سوت ، يوم أنها شافت خوياتها نزلن عن الخط وهي تقطع الخط وراهن(من الكتف يسار لأقصى الخط يمين)
وبعد ماتعديت يالله أشوف الخط من كثر ماضحكت ، صراحة الموقف كان أكثر من رائع(وبنفس الوقت كان خطير ، لو أن أحد جاء مسرع وصدم له ناقة ، أو صدم وحدة من السيارات الي واقفة)
وأنا أول مرة يمر علي الموقف هذا على خط الرياض - الخرج ، ولكن فيه خوي لي يداوم بالعضيلية(يمشي من الخرج الجمعة ، ويجي الأربعاء)خاويته الصيفية الي راحت أسبوع(وان شاء الله الصيفية هذي بعد)يداوم مع خط حرض ، والخط من شوفتي له ماأحد قال لي: سيد واحد رايح جاي ،وأكثرخ مظلم(بدون إنارة) ، وفيه أماكن مافيها عيون قطا أو خطوط فسفورية أو بيضا(يعني تمشي على ممشى السيارة الي قدامك) ، وفيه زحف رمال ، وفوق هذا كله النياق السايبة
لذلك يالربع الي له نياق حول خط ينتبه لها لا يبلى بها المسلمين ، أما أنه يسرحها بعيد عن الخط أو أنه يشوف لها حل ، فيه واحد أنا شفته حاط نياقه على الخط ، ولكنه صاك عليها بسيم شايك من جهة الخط لمسافه طويلة بحيث أن النياق ماتوصل الخط
أسف للإطالة
وشكرًا لحسن تعاونكم معنا
محبكم
أبو نايف
كيف حالكم ياأهل مزاين؟
أن شاء الله طيبين
مشكلة الكلية عندنا أنها إذا بدت أختباراتها ماتنتهي ، ولكن عسى الله ييسر لنا
قبل شوي وأنا راجع من الكلية،وأنا بالخط(خط الرياض الخرج)وأفكر بمنتدى مزاين ، وبأختباراتي ، ووش أسوي بالعطلة الصيفية و..و..و...الخ
قطع تفكيري أن السيارات الي قدامي وقفت فجأه،تلقائيًا وقفت معاهم،وأناظر قدامي أبي أشوف وش الي موقفهم!!
ألا الناقة الي قطعت قطعت الخط قدامي،وفيه كم ناقة قدام شوي ماسكات خط الشاحنات(نظاميات ماشاء الله عليهن) ، وفيه وحده متهوره ماسكه الكتف
وجيب أمن الطرق مشغل السفتي ، ومعلق على البوري ويحاول يحدهن عن الخط ولكن مافيه فايدة
صفيت ورى الجيب وعلقت على البوري وقعدت أدبل بانزين ونحدهن أنا والجيب لين نزلناهن عن الخط
الجيب نزل وراهن ، وأنا تعديت وأناظر بالمراية للي ماسكة الكتف وش سوت ، يوم أنها شافت خوياتها نزلن عن الخط وهي تقطع الخط وراهن(من الكتف يسار لأقصى الخط يمين)
وبعد ماتعديت يالله أشوف الخط من كثر ماضحكت ، صراحة الموقف كان أكثر من رائع(وبنفس الوقت كان خطير ، لو أن أحد جاء مسرع وصدم له ناقة ، أو صدم وحدة من السيارات الي واقفة)
وأنا أول مرة يمر علي الموقف هذا على خط الرياض - الخرج ، ولكن فيه خوي لي يداوم بالعضيلية(يمشي من الخرج الجمعة ، ويجي الأربعاء)خاويته الصيفية الي راحت أسبوع(وان شاء الله الصيفية هذي بعد)يداوم مع خط حرض ، والخط من شوفتي له ماأحد قال لي: سيد واحد رايح جاي ،وأكثرخ مظلم(بدون إنارة) ، وفيه أماكن مافيها عيون قطا أو خطوط فسفورية أو بيضا(يعني تمشي على ممشى السيارة الي قدامك) ، وفيه زحف رمال ، وفوق هذا كله النياق السايبة
لذلك يالربع الي له نياق حول خط ينتبه لها لا يبلى بها المسلمين ، أما أنه يسرحها بعيد عن الخط أو أنه يشوف لها حل ، فيه واحد أنا شفته حاط نياقه على الخط ، ولكنه صاك عليها بسيم شايك من جهة الخط لمسافه طويلة بحيث أن النياق ماتوصل الخط
أسف للإطالة
وشكرًا لحسن تعاونكم معنا
محبكم
أبو نايف
[/align]
تعليق