تكفون ابي تعليق يشرح الصدر

السلام عليكم ورحمة الله وبركاته
كيف حلكم ياخوان انشاء الله انكم بخير
فيه موضوع مضيق صدري ولا حبيت اني اكتبه في الخيمه خوف انه يفسر الى غير الي انا ابيه
او انه يطلع عليه الزوار وتعرفون المنتدى ماشاء الله صار معروف
الموضوع ياخوان كثرت عرض البل الي للبيع في المنتدى والجرايد ومع الناس بشكل كبير مادري وش السالفه هو فيه شي ماندري عنه اما الغاء المزاينات او اي شي من هالقابيل
والله ان صدري ضايق جدا نبي اي خبر يفرج همي وانا والله اني مبتدي في الحلال ولا ابي الشي الي على بالكم يصير
لاكن الله كريم هم ياعدون بالضيق والله ياعد بالفرج
واناآآآآآآآآآآآسف جدا على كتابة الموضوع

[align=center]السوق دائما ما بين عرض وطلب

فأسواق البل من قبل المزاينات وهي مليانه (( بيع وشراء))

واما ما تشاهده في المنتدى والمجلات من عروض فهي تمثل الاستفادة

من الوسائل الحديثة في التسويق فهي اكثر انتشارا واسهل من الطريقة التقليدية

في ان الشخص يحمل مطيته بدينه ويجيبها للسوق واحتمال ما تجيب السعر

اللي في خاطره ويضطر ان يأجر عليها مرة ثانية وبكذا يكون ضر المطية

وخسر بدون فايدة

ومن ناحيتي اقول لك الامر طبيعي ولا يوجد مؤشر للخوف


والبل مازال عليها عرض وطلب والزين يأخذ حقه
[/align]

السبب يا اخ صالح

هو كثرة المشترين للابل

وطيب حظ الابل ان شاء الله

وسعارها التي صارت مغريه لاهل البيع والمشترى



يقول الشاعر المشهور بركات الشريف ناصحا ابنه

أحفظ دبشك اللي عن الناس مغنيك &&& اللي ليا بان الخلل فيك يرفاك


ولك تحيااااااااااتي

أخوك

المسك ياراسي من الذل وخطيك & حتالساني قلت له واحذاراك

ابشر بلفرج ياصالح الابل بخير

اقول لك الامر طبيعي ولا يوجد مؤشر للخوف

السلام عليكم
أن شاء الله مافيه شيء يخوف
الناس تنشر بالجرايد والمجالات لكونها أكثر أنتشارًا
وأنت لو أنك بديرة فيه النياق رخيصة(مثل بعض القرى والمدن الصغيرة)وودك تبيع ناقة عليها الكلام وش تسوي؟؟
تبيعها بربع حقها بديرتك؟
أو تجيبها الرياض أو الخرج أو الحسا على شان تبيعها ؟ يمكن ماتجيب نصيب.
أو وش تسوي
المجلات المهتمه بالأبل والمواقع أفضل حل
وأن كان الناس تبي تعاف البل وش أنت خسران؟
الي يبي يشري بكيفة ، والي يبي يبيع بكيفة
وماراح يتضرر الا الي داخلها يدور الربح فقط
أما العاشق ماراح يضره طاح سعرها والا طلع(وكلامي مايعني أنها تبي تطيح ، لإن مافيه مؤشر يدل على ذلك)
وشكرًا

وعليكم السلام
اشكر الاخوان جميعا على المرور وعلى الاخبار الطيبه الي نقلتوها
والي شرح صدري زود هو مشاركتكم في الموضوع
والتعليق على الموضوع جاء والله من اعضاء لهم ثقل ماهو بسيط عندي وعند الاعضاء الباقين
والشي الثاني انه تقريبا كل واحد في منطقه يعني كل نقل الاخبار الي حوله والامر يدل على خير انشاء الله
والحمدلله اولا واخيرا