استراحـــه مع الشعر ولكن من نوع آخر

[align=center][all1=#CCCCCC]مرحبا بالجميع

صباح الرضـــى

بما ان القسم للاستراحه حبيت نستريح

ونغيير جو مع الشاعرين ضيدان بن صبحان اللزيزي العجمي

وسعد بن عبدالله الهتلاني العجمي وهما شاعران. كانت تجمعهما صداقه برغم فارق السن الكبير بينهم

حيث ان سعد الله يرحمه كان شابا ً بعكس صديقه..وقد حدثت بينهم رديات كثيره تمتاز يالطرافه

ومن هذهِ الرديات مادار في احد المقاهي حينما بدأ ضيدان بقوله:[/all1][/align]

[align=center][all1=#CCCCCC]تطلب لي الشاهي وتطلب لك حليب..//.. وانا على الحليب كبدي ذايبه

انا احمد الله يوم ماانت بـ لي نسيب ..//.. يقطع صبي ٍ مايقدّر شايبه...

فرد سعد عليه :

قـم اطلب لنفسك ترى ماانت بـ غريب..// ..ولاني بـ طالب لك ولاني بـ جايبه

تبغى الكفيّــا يوم طرّيت المشيب..//.. واتعبتنــي مثل الوزير ونايبه ...

فقال ضيدان :

في خوّة الطيّب انا مالي نصيب ..//.. ومن خوة الرديان نفسي طايبه

وفد كان ظني فيك للعله طبيب..//.. والاريا.. بها مخطي وفيها صايبه.

ورد سعد الرد الاخير فقال :

كل ٍ يبي يرمي رفيقه في قليب ..//.. وابليس نوّخ عندنا ركايبه

وعلّمته الممشى سبقني في الخبيب..//.. اللي علومه كلّبوها خايبه...[/all1][/align]

[align=center][all1=#CCCCCC]ومما دار بينهم ايضا ً ان ضيدان جاء الى سعد وقد حس ان سعد يملك ثروه في البنوك فقاله له :[/all1][/align]

[align=center][all1=#CCCCCC]عطنا من اللي ياسعد ربي عطاك .//.. عندك فلوس ٍ في البنوك ونايمه

وانا رفيقك دايم ٍ وامشي ورك..//.. وماادري متى تمطر سماك الغايمه .؟


فرد سعد :

للي عطاني خير بالشحذه بلاك..//.. هذي عطايا الله وذي قسايمه

يومك حسود وتّو مابيّن رداك..//.. ماعندنا لك مايفطر صايمه

فرد ضيدان :

اظن من زارك بـ بيتك مانساك ..//.. ولااظن مثلك تنّسى قدايمه

يارجل فكّر زين والرب يهداك..//.. عزّم ترى الرجّال من عزايمه

فرد سعد :

تعش ّ عندي جعل ماتاكل عشاك ..//.. عسى تعشـّاك الطيور الحايمه

واللي لنا جابك عسى يقلع مدااك ..//.. واللي يبي فرقاك محدٍ لايمه

فرد ضيدان الرد الاخير:

لاتحسب انا قاعدين ٍ في رجاك ..//..وعاد الجمل يمشي على قوايمه

يالله يالمعبود جارك ودخلاك ..//.. راحت خساره ذا الصبي تمايمه[/all1][/align]

[align=center][all1=#CCCCCC]ردياتهم كثيره وان اعجبكم الموضوع كملنا معهم ومع جزالة شعر الطرافه

اختكم العبيه[/all1][/align]

ابيات طرية وجميلة

لاهنتي يالعبيه ويعطيك العافيه

العبيه

لا هنتي والله أعجبنا وصراحه يوسع الصدر

رديات جميله أقرب الى الفكاهه .


حفظ الله .

[align=center][all1=#CCCCCC]

مرحبا اخووي مبــارك

مساء الرضــى

لك الف شكر على مروورك الكريم

والله يعطينا ويعطييك العافيــه

اختك العبيـه[/all1][/align]

[align=center][all1=#CCCCCC]

مرحبا اخووي عبدالله

مساء الرضـــى

لك الف شكر على مروورك الكريـم

والله لايهيينك عساك سالم

اختك العبيه[/all1][/align]

محجوز ولي عودة

الاخت /العبيه

لاهنتي على عرض هذه الرديات الجميله ويعطيكي العافيه

[align=center][all1=#CCCCCC]
مرحبا اخووي خالد

مساء الرضـــى

لاهنت وحجزك مؤكـد

الله يعطيك العافيه

اختك العبيه[/all1][/align]

[align=center][all1=#CCCCCC]

مرحبا اخووي جاسم

مساء الرضــــى

لك الف شكر على مروورك الكريم

والله لايهينك عساك سالم

اختك العبيه[/all1][/align]

الله الله

أبيات طريّة ورديّات فيها من الفكاهة والطرافة الكثير والممتع بين شاعرين متمكنيين

استمتعت بقرائتها اكثر من مرة

أختي العبيه سلمت يدكِ على اتحافنا بهذه الردية الجميلة

ولم أعلق في أول مرور لي حتى أتمعن بالقراءة

دمتِ لنا متميزة

وحفظكِ الله

أخوكِ

[align=center][all1=#CCCCCC]

مرحبا اخووي خالد

مساء الرضــى

لك الف شكر على مروورك الكريم

والمهم هو تواجدك لاهنت

والله يحفظنا جميع اللهـم آآمين

اختك العبيه[/all1][/align]

[align=center][all1=#CCCCCC]مرحبا بالجميع لاهــنتوو

مساء الرضـــى

حبيتّ اكمل معكم بعض رديات الشاعرين ضيدان وسعد

التي تحوي الكثير من الطرافه ...

في احد المرات زار ضيدان صديقه سعد فتأخر في

تقديم القهوه والقدووع(وخبركم عاد بالشيبان لاتأخرت

عليهم القهوه ).. فقال ضيدان :

جاك المسير مالقى منك ترحيب ... لاجبت له قهوه ولامن قدوعي

ياليتني دوّرت غيرك معازيب ... جيتك جويع ورحت منّك بجوعي

الظاهر انك ماتعرف المواجيب ... لاشك طبعك يختلف عن طبوعي

حنّا لاجانا الضيف ننفض له الجيب.. ونجيب له من كل شكل ٍ ونوعي

عاداتنا والرزق من عالم الغيب ... هذا وانا ابخل واحد ٍ من ربوعي


فجاء سعد بالقدووع وقال غاضبا ً :

إقدع عسى يقدع على راسك الذيب / في خايع ٍ مابه من الناس دوعي

متعطل ٍ في البر قبلي تناقيب / من ليلة الجمعه ليوم الربوعي

ومرّوك ناس ٍ غايب ٍ عنهم الطيب / وخلوك وحدك في مكان ٍ يروعي

ثم جاك ذيب ٍ ماسنونه بتركيب / ذيب ٍ ولد ذيب ٍ وشرس ٍ قطوعي

سوّى بك سواة ٍ على غير ترتيب / يجزع لها قلب الشجاع البتوعي

مرحوم ياعود ٍ كسا راسه الشيب /هنديته تذرف عليه الدموعي


وفي مره من المرات جاء سعد بفكره من بااب المزح طبعاً

وعرضها على صاحبه ضيدان وهو يقول له:


ضيدان ماودّك نشكل عصـابـه / نحتـل بعض بنوكهـا والمحــلات

اما يجي لي ولك قدر ومهابه / والا تبيّـتنا بيات ( الشريفات).

والرجل ودّك يشتهر في شبابه / بالطيب والا بالعلوم الرديـات

ولايهتني فـ اكله ولافي شرابه / إلين تطلع صورته فـ المجلات


ورد ضيدان على سعد بحكمه مع علمه بأن سعد كان يمزح :

موضوعك اللي جبت كله غرابه / والظاهر انّه سابع المستحيلات

واخاف لاتنبح علينا كلابه/ ثـم هـات نسلم من مخاليبهـا هـات

ويابوك ماعمري دخلت النيابه / ومن العمر ماباقي ٍ كثر مافــات

وان كان تبغى الراي قبل يغدا به / من واحد ٍ جرّب جميع الحيالات

خل الحطب للي يعرف الحطابه / نهارنا شمس ٍ وفـ الليل لمبات

في النهايه ادعو الله عزوجل ان يجعل حياتنا وحياتكم افراح

اعتذر عن الاطاله

اختكم العبيه[/all1][/align]

إقدع عسى يقدع على راسك الذيب / في خايع ٍ مابه من الناس دوعي
متعطل ٍ في البر قبلي تناقيب / من ليلة الجمعه ليوم الربوعي

هههههههههههههههه

طرافة حلوة وأعاجيب جميلة بين أصدقاء وأحباب

لا هنتي أختي العبيه

والله يعطيكِ العافية

أخوكِ

[align=center][all1=#CCCCCC]

مرحبا اخووي خالد

صباح الرضــى

لك الف شكر على مروورك الكريم

والله يوسع صدورنا جميع بطاعته

اللهــم آآمين

اختك العبيه[/all1][/align]

العبية تسلمين والله على الموضوع ..

بصراحه نفتقد في هذه الايام الانفس الطيبه عند المزاح ..

اشكرك من قلب على امتاعنا بفكاهيات الشاعرين الجزلين ..

تقبلي تحياتي وتقديري ..

اخوك سعد