مادمت تنشد يا رفيقي .. عن الحال
مالي على .. كتمانها عنك .. حيله
مالي على .. كتمانها عنك .. حيله
الصبر عن بوح الاحاسيس .. قتال
والبوح في بعض المواقف ، فشيله
والبوح في بعض المواقف ، فشيله
لو كل مايطري على البال ينقال
ماكان شفت ان الثقيله .... ثقيله
ماكان شفت ان الثقيله .... ثقيله
ابطيت اكافح ضيقة البال بالبال
وادفع بلا .. هاجوسها كل .. ليله
وادفع بلا .. هاجوسها كل .. ليله
لين اقبلت مثل .. السحابه بهمال
تشفي غليل اللي .. تزايد غليـله
تشفي غليل اللي .. تزايد غليـله
رعادها خيل تدابك .. وتختال
وبراقها لمع السيوف الصقيله
وبراقها لمع السيوف الصقيله
طاحت ، ولاْوفق من حناياك منزال
وابطلبك .. يابدر ( تكمى ) المخيله
وابطلبك .. يابدر ( تكمى ) المخيله
ان قيل ترعد .. قلهم : صوت زلزال
وان قيل تبرق .. شف لهاادناة حيله
وان قيل تبرق .. شف لهاادناة حيله
مابي .. تناقلها هل القيل والقال
وتصير من بعد القصيره .. طويله
وتصير من بعد القصيره .. طويله
يابدر .. !!
يابدر .. ماني عال .. لو صحتي عال
شفني من الصدمات نفسي عليله
شفني من الصدمات نفسي عليله
اشيل حملٍ .. لو يشيلنه .. جبال
الله ، وامانه .. غير تصبح نثيله
الله ، وامانه .. غير تصبح نثيله
أرمي .. من هموم الزمن .. واسحب أدبال
وانزل عن ( الجوكر ) وغيري يشيله
وانزل عن ( الجوكر ) وغيري يشيله
من كثر ماشفت بحياتي من انذال ....!!
بديت اشك ان النذاله ... فضيله
بديت اشك ان النذاله ... فضيله
ماطاح من عيني رجل ..!! طاحوا .. رجال
ورجال ( يابن حنيف ) ماهي قليله
ورجال ( يابن حنيف ) ماهي قليله
اقرب من اللي قالهم ضمن ماقال .. :
راكان بن حثلين .. راعي الجزيله
راكان بن حثلين .. راعي الجزيله
(
هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )؟
سبحان من هو يابدر غيّر الحال ..!!
وحط الجفا بين الخليل .. وخليله
وحط الجفا بين الخليل .. وخليله
هذا الزمن يبغاله .. لسان دلاّل .. !
من يستحي هالوقت .. واااا عزتي له
من يستحي هالوقت .. واااا عزتي له
وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!
كلٍ على طاريه .. ينفض شليله ..!!
ومن كان ساسه للردى مضرب امثال
اليوم .. يحسب من كبار القبيله ..!!
اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
ذل العزيز .. وعز .. ناسٍ ذليله ...!! ؟
ذل العزيز .. وعز .. ناسٍ ذليله ...!! ؟
صح لسانك يابن مشعان وعزالله صدقت في كثير من أبيات قصيدك!!
تعليق