الســلام عليكم ورحمة الله وبركااته
مسااكم الله بالخــير يا الربع
قصيده من ضمن ديوان ابو طلال ( الله يطول بعمره )
اترككم معها
هوازن قبايلنا
ماحب السواحل منوتي شوفة الريضان
ونسيم الهبوب ليا اعربت جوهاصافي
ولاحب الغنم شفـي لياساقوالقطعـان
بضل الامان اللي على موطني ضافي
بلادي بلاد العدل تفرق عن الاوطـان
لهامع جميع العرب فزعـة وميقافـي
بناهامعزي واثبـت السـاس للبنيـان
وسارت على المنهاج وافي بعد وافـي
علمهايفوق بذكرربـي رفيـع الشـان
وسيف ٍمعلق فيـه رمـز ٍللانصافـي
عساهاتدوم بعزفـي شايـة الرحمـان
بلادالشرف مايسكنـه غيرالاشرافـي
ماسجلت رحلات ٍعلى الهندواليونـان
اسج بصحاري نجد في كل مشرافـي
لعـل السحـاب ليانشاالممطرالـودان
شعيب ٍنحبه جعـل تسقيـه الاريافـي
يزين النبات من الينوفـي لياجمـران
مداهيل حلوات اللبن حـم الاشعافـي
هذاالموقع اللي نسكنه ماضي الازمـان
بقب المهارالسرد مع سوق الاسلافـي
ورضينابحكم الشرع رغم ٍعلى العدوان
ولياجات للاصلاح للصلـح عرافـي
هوازن قبايلناومـن مارثـة عدنـان
وبيـت ٍبنـاه الله نـزوره ونطافـي
تعليق