ياجماعه سلمــوا لي على بندر مطر

[align=center]

بعدما سمع اخي الشاعر / متعب الشايوش العتيبي ،،بتبرع ودعم عضو المنتدى / بندر بن مطر البقمي لمهرجان ومسابقة منتدى مزاين ،،



جادت قريحته بهذه الابيات وهي لاتفي الغالي ابو مطر حقه ولكنها تعبر عن مدح الطيبين شرواكم ،، ومدحاً لقيبلته من غير قصور في باقي القبائل ،،



وتعتبر ايضاً مدحاً لكل الداعمين لمسابقة المنتدى بلا استثناء ومدح للمنتدى وجميع منتسبيه،،


اترككم مع القصيده وان شاء الله تلقى استحسانكم،،



[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
ياجماعه سلموا لي على بندر مطر=السلام اللي من الطيب طيب(ن) قاطره

عد ماتنزل من الغيث رشات المطر=من ثقيل الصّيب اللي حقوق(ن) ماطره

واخبروه ان المشاعر لها هيض وبطر=في مدوح الطيّب اللي علومه عاطره

بالمراجل كل تاريخهم كتبه عطر=عزوة(ن) من هازهم بالصحيح مخاطره

وانت مايكفيك فالمجد لو مية سطر=مع زحول(ن) بينها الطيب صار مشاطره

روس قوم(ن) من يقّرب لها وضعه خطر=حال .. والا حال مثل الغشين وماطره

في ( مـــزاين ) لك مواقف وفزعات وصطر=شجعت رجل(ن) تعب في منَاسب فاطره

كاسب(ن) كل الثناء من الحجاز ليا قطر=ذكره العود الازرق والدلال مساطره

لاتكلف واعرف اللي على بالك خطر=كل مافالامر شاعر وجاته خاطره

شاعر(ن) ينقى المعاني ويقطرها قطر=شاش واللي يفعل الطيب يشرح خاطره

والقصايد لو تعبنابها شطر وشطر=ماتوفي سيرة(ن) مع هل البل عاطره

[/poet]



اخوكم / سعود الشايوش العتيبي،،



،،

السلام عليكم
صح الله لسان الشاعر
متعب ، وهذا أقل مايقال
بابو مطر ، وأبو مطر يستاهل
أكثر ، ويكفيه فخر أنه أحد الداعمين
لأول مزاين من نوعه على شبكة الإنترنت
والله لا يهينك ياسعود على نقل القصيدة ، وشكرًا[/align]

صح بدنك ياخالد ،،


وهذه شهادات منكم بحق ابو مطر ولايهونون الباقين،،


ولاهنت،،



،،

[poet font="Simplified Arabic,6,sienna,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,gray" filter=""]
لاتكلـف واعـرف اللـي عـلـى بـالـك خـطـر = كـــل مـافـالامـر شـاعــر وجـاتــه خـاطــره
[/poet]


بيض الله وجهك وصح لسان الشاعر متعب

ويستاهل أبو مطر المدح

تحياتي

^^^^

حضورك غير يافزاع ،،


ووجهك ابيض وصح بدنك يالغالي،،



وتشرفت بمرورك ،،


،،


،،

بسم الله الرحمن الرحيم
السلام عليكم ورحمه الله وبركاته
الأخ الغالي الشاعر متعب الشايوش العتيبي أسعد الله مسأك
اشكرك جزيل الشكر والتقدير على القصيده الرائعه
وأنك ياأخي العزيز من افضل الشعراء المعروفين والذين لهم وزن
وأني اعتبر هاذي القصيده وسام على صدري اعتز بها
لانها جت من شهم طيب مثلك وشرواك
كما اشكرك على ذكر قبيلتي البقوم
ولا قصور في القبايل الأخرى الي لها في الطيب ذكر
اخي العزيز
دعمي للمنتدى صدقني كان كله لدعمه وتشجيع اخواني الأعضاء الطيبين وينجح المزاين الاول كم ولا انسى اخواني حجرف البواردي وعيد المنصوري الذين أيضآ دعمو وماقصرو بيض الله وجيههم
وهذا والله أقل شياء أساهم به فيه للمنتدى
لان المنتدى اعتبره مجلسي ومجلس كل عضو
والفضل يعود الى الاخ الغالي حمد السحيمي ابو ثامر راعي الاوله
وعلى قصيدتك المشرفه وترفع الحماس مستعد في مشاركه المنتدى في المزاين القادم بأذن الله
الله يرحم شايبآ جابك
اذا مانت عضو في المنتدى نتشرف وندعوك ونرحب بك بينآ
هذا مني كل الحب والتقدير
اخوك في الله بندر البقمي ....................ابو مطر

بسم الله الرحمن الرحيم
مرحبا برادار المنتدى
سعود الشايوش
الله لايهينك ومشكور على تنزيل المشاركه بقصيده اخونا الشاعر متعب الشايوش بيض الله وجه وجهك
وانا وناخوك ماسويت الى الواجب وفعل الجميله في الرجال الطيبه ماهو خساره بالعكس ناموس وفخر
اخوك ومغليك بندر البقمي ...............ابو مطر

بسم الله الرحمن الرحيم
مرحبا بكل من
سلطان المطيري
حمد الغواص
سعود الروقي العتيبي
عيد المنصوري
عبدالله العازمي
محمد علي الهدفه
عبدالله بن مطلق المزحمي
خالد المضياني
فزاع البدراني
اشكركم على الأطرأت والثناء
وعزالله مافيكم قصور بيض الله وجيهكم يالسراحين (الذيابه)
وهذا من جمال المنتدى وهو التواصل مع بعضنا بعض في كل المواقف
انتم شعله المنتدى التي تبقيها منيره بمشاركاتكم ومروركم
الله لايفرقنا ويجمعنا على الدين
اخوكم ومغليكم بندر البقمي .......................ابو مطر

[glow=#33FF00]صح الله لسانك اخي سعود ويستاهل بندر مطر
ومشكوووووووووووووووووووووووووووور[/glow]

كل شي بقوله في خاطري ذكره أخوي بندر بن مطر

والاخ بندر بيض الله وجهه ماقصر دوم سباق

والاخ عيد المنصوري والاخ الكبير حجرف البواردي

لهم مساهمات كل واحد فيهم يستاهل مليووون قصيده

سعود بيض الله وجهك ووجه أخوك متعب

وصح لسانه وسلمت يمينه

وأبو مطر كفؤ ويستاهل المديح ودعمه للمنتدى شيء يشكر عليه من الجميع

وكذلك الشكر موصول للاخوان الداعمين الآخرين حجرف البواردي وعيد المنصوري

وجميع لجان التحكيم وكل من ساهم في انجاح هذا المهرجان ولو بكلمة طيبة


عذرا على التأخير في الرد

وسلم على متعب يا سعود واشكره على مشاعره الطيبة

أخوك

بيض الله وجهك وصح لسان اخوك عز الله ابدع في القصيده وفي اختيار القافيه

وابو مطر يستاهل راعي العلوم الطيبه في المنتدى وفي خارج المنتدى
والمعذرة على تأخر الرد

في ( مزاين ) لك مواقـف وفزعـات وصطـر
شجعت رجل(ن) تعب في منَاسب فاطره
سلملي على اخوك

بيض الله وجهك و وجه اخوك متعب ويستاهل اخونا بندر بن مطر البقمي

إبداااع إبداااااع وصح لساااان الشاعر متعب

وبو مطر يستاهل راعي العلوم الطيبه ولا يهون من يقراء

الله الله

بيض الله وجهك ياسعود ولاهنت

وصح السان شاعرهاااا وبيض الله وجهه على الجزله

ويستاااهل ابو مطررر وكفوو

ولاهنت