أنا أعتذر عن مدحي اللاّش ياقوم

جديدة تلقائيّة كيبورديّة 27/1/1433هـ

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
أنا أعتذر عن مدحي اللاش ياقوم=اللي مدحته والدوافع حميّة
كنت أحسب إنه نايم يصحصح يقوم=ويسل سيف العز صبح وعشيّة
ويصير قرم وللمهمات زيزوم=ويعيد نبض أمجادنا الأوليّة
ويضف جنحانه لجل يبعد الحوم=لدنى بلدنى والتعدّي خطيّة
وليا دخل في السوق مايرخي السوم=ويرهب خصومه بالعزوم القويّة
ولياحضر في محفل ٍ جاله علوم=علوم تلقى في المسامع وحيّة
لكن وجه البوم بالذل ملطوم=وأخطى من الثنتين ذيّة وذيّة
راسه من الناموس والعز معدوم=القلب شين والمناهج رديّة
متشيّخ له في هداديس ورخوم=يشيخ فيهم شيخة ٍ عنجهيّة
واللوم للي يحمل الهرج واللوم=اللي يخيّل في علوم البليّة
واليوم أنا عن رفقة اللاش باشوم=أخير منها البرحة الجرهديّة
اللاش ما أفخر به ولا نيب ملزوم=بمرافق اللي مابراسه حميّة
نجم ٍ وأقدّي وأقتدي بليلي نجوم=ولا أحتزم ياكود بالحضرميّة
وأفخر بربع ٍ لا حضا اللازم قروم=سيوف هند ٍ ماتهاب المنيّة
اللي لهم في الطايلة عشق وسلوم=حزام الظفر ومطوعين العصيّة
وقفاتهم تجلا عن الضايق هموم=لاد الجبيري ملحقين الونيّة[/poem]

رد: أنا أعتذر عن مدحي اللاّش ياقوم

صح لسانك يابو عمر

وبيض الله وجهك

دمـت بحـفـظ الله ورعـــايـتــه

رد: أنا أعتذر عن مدحي اللاّش ياقوم

هههههههههههه
الله يهديكم يالشعراء إن زعلو على احد هجيتوه ولعنتو كوثره ,, وإن رضيتو على أحد وصلتوه للثريا حتى لو إنه ما يسوى التالية من الغنم !!!
ولكن بعض الآمرار تصيبون في بعض قصايدكم .. ويالآكلبي صح الله لسانك من جدار بيتكم إلى باب مكه .. ولاهنت على كل حال..

رد: أنا أعتذر عن مدحي اللاّش ياقوم

صح الله لسانك

ينقــل للقســم المناســـب

رد: أنا أعتذر عن مدحي اللاّش ياقوم

صح الله اللسانك

وبيض الله وجهك

رد: أنا أعتذر عن مدحي اللاّش ياقوم

صح لسانك يابو عمر

وبيض الله وجهك