ودي بها ولاعرفت الطريقه ياربي كيف

الاخوان الاعزاء من استشار ماخاب
انا فتحت منتدى الشاحنات ولقيت سياره اعجبتني على موقع اوت لاين
وكلمت سعودي عارض له سياره قلت ابي مواصفات كذا وكذا وعطاني رقم سوداني في هولندا صور الطلب الي ابيه وارسلها لي وقال مالك هم اما انك تجي بنفسك استقبلك ونروح للمعرض او كلم السعودي ....واتفقت انا والسعودي اني اعطيه شيك مصدق استلم السياره ويصرف الشيك بعد استلام السياره بجده
شوي الا والرجال يكلمني يقول ارسل !!! 10000 لاعرف ولا ولف ؟؟ قلت اصبر الى بكرا الصباح يسهلها الله ,,, صباح الجمعه؟؟
يقول ابرسلها للسوداني ندفع عربون
ودي اروح بنفسي لهولندا الي جرب منكم يعلمني وش السواه مع العلم ان السياره في بلجيكا على حدود هولندا حسب الخريطه
او هل فيه معرض كفوبالرياض اتعامل معه
المهم اجيبها اجيبها بالي هيبه
الله يجزاكم خير ويبارك في حلالكم
الي يعرف يدلني جعل من جابه فى الجنه

رد: ودي بها ولاعرفت الطريقه ياربي كيف

أول شيء عطنا علوم السيارة ومواصفاتها
يمكن ترغبنا ونشري مثلك
ههههههههههه
والله يا خوك ما عاد فيه ثقه في الناس هاليومين
وخاصة في مثل هذي الأمور
وأن طعتني لا تسلم دقنك لريجيل ما تعرفهم
ناس ضيعوا مئات الملايين بسبب التجاره في مثل هذه المور
وخاصة التجارة مع الشركات الصينية
ومنهم ناس أعرفهم
ونصيحتي دورلك لحية غانمه شرواك وشروا من يقراء
وتخاو أنت وياه أن كنت مصمل وجب موترك ألي نفسك فيه
والا دور لك شركة تعمل في مثل هذه الأمور وتعاقد معها
والله يوفقك

رد: ودي بها ولاعرفت الطريقه ياربي كيف

هذا رقم فان باستن لاعب هولندي معتزل اتجه للسمسره في السيارات في هولندا يمكن يقدم لك خدمه في هذا المجال

وترى فيه صدقه بعد ما ترك الكوره

قام يتسحب في الشوارع ما كمل دراسته لو ليلي وخذا الكفاءه

يمكن يقبلونه في الحرس او في الامن الصناعي في الجامعات والبنوك

والاسواق الكبيره ويرد الهيئه من دخولها ويفض نزاع البنات مع الشباب على قبول الرقم من بعضهم اذا اختلفو

ولا الجهاد تراهم يسجلون فيه ذا اليومين في وزارة الداخليه خذ ملفك ورح قبل يوقفون استقبال الطلبات ويطيرون بها اهل الواوووات

وهي طايره طايره الله لا يعوق بشر

كما قال المثل ما طار طير الا كما طار وقع كما طارت الاسهم والحين طاير العقار والثورات العربيه كلن طاير بريسه

وامريكا تفرج والازمه الاقتصاديه العالميه اثرت عليهم

ولكن لا زالت هولندا تنظرك انت احسن من انك تثق فيمن لا تعرفه فالثقه اذا اعطيت مجهول تعتبر سفاهه

ادري لحست مخك ودرت بك دوره كامله على العالم ولاكن طارت عقولنا من النصابين والغشاشين وخايف تكون ضحيه من ضحاياهم

رد: ودي بها ولاعرفت الطريقه ياربي كيف

راس مالها خمسة الاف ريال تقريباَ قيمة التذكرة مع السكن لمدة يومين واعتبرها من قيمة السيارة دامك راغبها واغنم سيارتك ودراهمك وبالتوفيق.

رد: ودي بها ولاعرفت الطريقه ياربي كيف

ونا احسبكم هل سفريات وخبره
لاهنت ياعبدالله
وخالد مشكور مالومك خذت هههههههه عقلك وقتك الحاكمه الله يبارك لك فيها
ومشكور ياتركي
انتظر رد الاخوان سمعت ان فيه تاشيره كيف اطلعها اوراقها وشي وين اطلبها احطها ع هولندا ولا بلجيكا ومتى تطلع ؟

رد: ودي بها ولاعرفت الطريقه ياربي كيف

مساء الخير اخوي احمد
اذا كانك قاد على السفر ( فما يحك ظهرك مثل ظفرك) واذا كانك غير قادر
تراء فيه واحد في الرياض معه معرض بأسم( معرض جزاء) والرجال ونعم ما فيه كلام والرجال يشتري سيارات من (اوربا) والسيارات إلى في المعرض كلها اوربية .
وانا شخصياً شريت منه سيارة قبل عام وأنا اشهد أنها كفو كفووو
وهو يسافر واكيد انة يعرف كيف طريقه التعامل في مثل هذة الامور
واذا كانك تبي رقمة كلمني على جوالي 0505845125
:::::::::::والله يوفق الجميع:::::::

رد: ودي بها ولاعرفت الطريقه ياربي كيف

ارحب مطلق وعزوت مطلق دامك راعي سيارات بعلمك
جزاء كفو لكن الله يهديه جيته الشتاء العام بشري منه اكترس فضيه 2006 خمسه يورو وقال بكلم راعيها وهوهوراعيها سمتها 180 ورجعت بعداسبوع وزدته 5 ورجعت بعد اسبوع وزدته 10 ورجعت بعد اسبوع وزدته خمسه كملتها 200000 وهي ماتوصل 170
وش رايك جاب الصدااااع اخاف انه يشوفني ويجيه العافيه ههههه
ولايهمك فكره معقوله ابجيه بكرا واعلمك وش صار
اكرر شكري لك على تفاعلك اخوي
والله سبحانه يسركل عسر

رد: ودي بها ولاعرفت الطريقه ياربي كيف

الله يعطيك العافية اخوي احمد
والله اني من سكان الجنوب وجزاء من هل الرياض لكن نبي نساعد اللي مثلك وشرواك
على العموم مرة بكرة ورد الخبر لنا

رد: ودي بها ولاعرفت الطريقه ياربي كيف

خلك حريص وبس

رد: ودي بها ولاعرفت الطريقه ياربي كيف

أنا مع الأخوان الغشاشين والنصابين كثرو

أنتبه منهم

والله يكون بعونك

رد: ودي بها ولاعرفت الطريقه ياربي كيف

السلام عليكم

انا اعرف واحد بالمانيا وجبت قبل كذا عن طريقه سيارتين اكتروس ومان والمان موجود حاليا بمعارض جده لمن يرغب بشراءها و اللي حاب ابحث له عن شاحنه وزوده بصورها وسعر الشراء
يرسل ايميله والمواصفات اللي يبيها وذلك مقابل عموله وقدرها (( 1000 يورو ))

رد: ودي بها ولاعرفت الطريقه ياربي كيف

ارحب يا الذيب الفيزه ابشرك قدمت عليها وجاتني رساله
لكن عطني رقمك انشدك والعموله نتفق عليها ويسرالله كل امر