السلام عليكم ورحمة الله وبركاته
حبيت انقل لكم هذي القصيده الجميله
للشاعر ضاوي العصيمي
( ليزر الهيلا )
وامل ان تنال اعجابكم ورضاكم
يـــاســـــحـــابـــه
ينتظر عطشان ريقك ياسحابه
=منه لو مقدار صبة شاذليه
سلسبيلٍ يطفي الجمره شرابه
=ينتثر بين ابرديه وابرديه
وان تبعثر بين صفينٍ تشابه
=يغرق الذبل ويودعها طريه
ريقك ابعد حلم يحلم به ترابه
=بعد تشييع الثمامه والنصيه
ياسحابه جاوبي صرخةهضابه
=تستغيث امداد راحتك النديه
اردعي طاغي ضماه اللي سطابه
=استباح من الحنيه للحنيه
واطردي سرب الجراد اللي رعابه
=اتعب ارضه والسماء روحه وجيه
ياسحابه وش بقى ماطق بابه
=لاتزيدين الخطيه بالخطيه
لاتقولين انتهى رمّد شبابه
=من تحت كوم الرماد النار حيه
وان رقد حظ التعاسه في ثيابه
=ولاح وشم الياس في وجه المطيه
من رجومه ماانقطع صوت الذيابه
=ولاضوت فيها النطيحه والرديه
والرذيله ماضوت طاهر جنابه
=مايضم الا الشهامه والحميه
المتون حمولها ميل القرابه
=وبالظهر باتت طعون الحضرميه
ماعرف وش لون يشكي من عذابه
=ولاتعلم يجزي السيه بسيه
استلذ الصمت والصبر اكتسابه
=واستضاف جروح في صدره خفيه
ولك رفع كل المآسي في كتابه
=ويتحرا منك لفته عاطفيه
شعر /ضاوي العصيمي
حبيت انقل لكم هذي القصيده الجميله
للشاعر ضاوي العصيمي
( ليزر الهيلا )
وامل ان تنال اعجابكم ورضاكم
يـــاســـــحـــابـــه
ينتظر عطشان ريقك ياسحابه
=منه لو مقدار صبة شاذليه
سلسبيلٍ يطفي الجمره شرابه
=ينتثر بين ابرديه وابرديه
وان تبعثر بين صفينٍ تشابه
=يغرق الذبل ويودعها طريه
ريقك ابعد حلم يحلم به ترابه
=بعد تشييع الثمامه والنصيه
ياسحابه جاوبي صرخةهضابه
=تستغيث امداد راحتك النديه
اردعي طاغي ضماه اللي سطابه
=استباح من الحنيه للحنيه
واطردي سرب الجراد اللي رعابه
=اتعب ارضه والسماء روحه وجيه
ياسحابه وش بقى ماطق بابه
=لاتزيدين الخطيه بالخطيه
لاتقولين انتهى رمّد شبابه
=من تحت كوم الرماد النار حيه
وان رقد حظ التعاسه في ثيابه
=ولاح وشم الياس في وجه المطيه
من رجومه ماانقطع صوت الذيابه
=ولاضوت فيها النطيحه والرديه
والرذيله ماضوت طاهر جنابه
=مايضم الا الشهامه والحميه
المتون حمولها ميل القرابه
=وبالظهر باتت طعون الحضرميه
ماعرف وش لون يشكي من عذابه
=ولاتعلم يجزي السيه بسيه
استلذ الصمت والصبر اكتسابه
=واستضاف جروح في صدره خفيه
ولك رفع كل المآسي في كتابه
=ويتحرا منك لفته عاطفيه
شعر /ضاوي العصيمي
تعليق