مساجله مع الشاعر الإديب بدر الحويفي

[align=center][frame="4 70"]


[align=center] [/align]

[align=center][/align]


يسرني أن اضع بين أيديـكم ..

هـذاه القـصيده المتواضعه

وهي أحدى المسجـلات التـي جـرت بينـي

وبين الشاعر والأديب / بدر بن عواد الحويفي


اتمنـى أن تنـال أذاواقـكـم الرفيـعـه ..

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
**



*** الـــقـــصــــيــــده ***

*
*
*



[align=center][align=center][align=center]النـاس قامـوا يابـدر ينصحونـي
========== ونا لزمت الصمت عنـد النصيحـه
حاولت أجامـل ميـر زادو طعونـي
========== كلمه لهـا معنـى وكلمـه قبيحـه
قلت أفلحـم فـي فالكـم وتركونـي
========== راع الولـع شوفاتكـم ماتريـحـه
خلوني أمشي حدر غـر ّ المزونـي
========== وأدله وغنـي بالفجـوج الفسيحـه
اللي بها النـوار مـن كـل لونـي
========== ممشا" مع الروض وهباهيب ريحـه
وصوت أم سالم به تجـر االحونـي
========== روض ٍ به القيصوم مع نبت شيحـه
والنقـد والعـراد شكلـه أفنـونـي
========== يطيب كيفـي بالفيـاض الرجيحـه
أخير من شوف الوجيـه العفونـي
========== شذابـت المقفـي وجيهـن كليحـه
وسط الفلل منحاس شكلـي ولونـي
========== وبين أربعة جدران مثـل الطريحـه
ماني مجامل يابـدر مـن شنونـي
========== ممشا السعه عن بعض ناس ٍ شفيحه
ماجي مجالسهـم ولوهـم دعونـي
========== لـو أنهـا مـن زل تـك ٍ مريحـه
ولانـي مقـدر نـاس ماقـدرونـي
========== أبعد ركابي عـن خطـات النطيحـه
أنا هـواي ورغبتـي مـن يبونـي
========== مجلاس طلقيـن الوجيـه الفليحـه
ربع ٍ يابو سلمان تسـوى عيونـي
========== وناخـذ معاهـم سجـة ٍ وترويحـه
بين الفياض ومخضرات الغصونـي
========== وقت الهدد والقيـض قفـى لفيحـه
وكل ٍ نقل طيـره علـى مايكونـي
========== وطالـع بدربيلـه وثبـت مطيحـه
خطوى العديم اللي يقـض المتونـي
========== سوه على الخرب المقفـي يميحـه
تشبـه سراويلـه ردوف الزبونـي
========== من دار فارس تكتفي عـن مديحـه
ونتـه مجـرب يالحويفـي بدونـي
========== وشاعر وتقرى ماكتـب بالصفيحـه
تذكر ٍ زمان ٍ فيـه حلـو الفنونـي
========== ووجدك على بـدو ٍٍ تقفـت نزيحـه
مدهـال بـدو ٍ للوفـى يطمعونـي
========== وتصبر على سود الليـال المشيحـه
وأيضا" معاهم منسعـات القرونـي
========== بنـات أصايـل ماسعـن للفضيحـه
اخـذت حقـك وافـي ٍ ومخزونـي
========== على النقا يـوم المـوارد شحيحـه
واليوم جـوك يالحويفـي سكونـي
========== عقب الشبـاب ولذتـه وتصفيحـه
دور ٍ مضـا للـي يبـي يسبرونـي
========== تبكي عليه أقلوب نـاس ٍ جريحـه
وشارك بوجهـة نظرتـك لاتهونـي
========== يومك مجـرب والتجـارب مليحـه [/align][/align][/align]

*
*
*-


جواب الشاعر والأديب / بدر بن عواد الحويفي




*
*
*-


[align=center][align=center]جتنـي رسالـه بثهـا لكتـرونـي
========== من شاعر ٍ هيض ّ علـي القريحـه
شاعر حكيم ومـن رجـال ٍ تمونـي
========== ماهو برس ٍ مـارده مـن نضيحـه
يامرحبابـه عـد وبـل المـزونـي
========== وأعـداد ماتـذري هبـوب اللقيحـه
وأنا مسكـرّ دون الأمثـال شونـي
========== أبخبره مالي ورى الصـوت صيحـه
يابـو محمـد يابعيـد الضنـونـي
========== فيك الهقـاوي يالسنافـي صريحـه
ودي قبالـك والمشاهـد يكـونـي
========== شروى جنابك من وجيهـن فليحـه
في مجلس ٍ فيـه النشامـا يجونـي
========== على الشرف ماهوبمجلس ضبيحـه
وعن ماضي الأسـلاف لاتنشدونـي
========== دامـك مولـع خاطـري لاتبيـحـه
ذكرك عن البدوان حـرك شجونـي
========== يـوم العـدود المذهبـات النزيحـه
اللـي معاهـم يدّلهـن الضعونـي
========== في حاجر ٍ نبتـه تخالـف بريحـه
هـذاك دور ٍ فيـه حلـو الفنونـي
========== على النقا مـع مبعديـن السريحـه
يوم الطرب مافيـه ضـم وسكونـي
========== ولاهمهـا حـر السمـوم ولفييحـه
تركتهـم ياصاحـبـي وتركـونـي
========== بدو ٍ علـى ماقلـت قفـو نزيحـه
راحـم وأنـا ماظننتـي يرجعونـي
========== وحنـا تبعهـم سنـة الله وضيحـه
ومـى بذكـر الطيـر لاتدعـونـي
========== قل الولع وسط الفجـوج الفسيحـه
لاشـك عفتـه مـيـر لاذكّـرونـي
========== كثـروا صقاقيـره وقـل تربيـحـه
من يوم جوه وحال دونـه ودونـي
========== أصبـح عليقـه لنطيـح ونطيحـه
الصيـد قـل وفاختـنـه عيـونـي
========== نقفي ونقبـل والمكاسـب شحيحـه
يوم الولع مـع ربعـة ٍ يطربونـي
========== بنقل الحـرار الوافيـات الطريحـه
هـذاك دور الطيـر مابـه غبونـي
========== واليوم عايف مسهمي مـن مديحـه
ولوشفت جوي يالسنافـي سكونـي
========== حمل ٍ أزيح وحمـل عاجـز لزيحـه
تـم الجـواب وباخـره سامحونـي
========== واسلم كفيت شرور بقعى الكسيحـه [/align][/align]





ودمتم بصادق الود .......










سالم بن محمد الوهبي[/frame][/align]

الله الله

صح لسااانك يا ابو محمد وصح لسااان الشاعر بدر الحويفي

قصائد جزلة ووافية من روس جزلة ووافية

بيض الله وجيهكم جميعا على هذه الردية الرائعة

لا هنت يا ابو محمد

والرجاء تبليغ ابو سلمان الشاعر بدر الحويفي سلامي وتحياتي

ودمت بخير

أخوك

الله الله

صح لسااانك يا ابو محمد وصح لسااان الشاعر بدر الحويفي

قصائد جزلة ووافية من روس جزلة ووافية

بيض الله وجيهكم جميعا على هذه الردية الرائعة ولاهنتوا


موفقين

[align=center][all1=#CCCCCC]

مرحبا اخووي سالـم

مساء الرضــى

صح لسانك وصح لسان بدر الحويفي

قصائد جزله لاهـــنتو

اختك العبيه[/all1][/align]

وسط الفلل منحاس شكلي ولوني ـــــ وبين اربعة جدران مثل الطريحه
سالم الوهبي صح لسانك وعلى الاخرى عانك .
في مجلس ٍ فيه النشاما يجوني ـــــ على الشرف ماهو بمجلس ضبيحه
الشاعر الكبير بدر الحويفي ( شاعر المقناص ) صح لسانك وبيض الله وجهك ووجه الاخ سالم على الرديه .

[align=center]سالم الوهبي ..

صح لسااانك وصح لساان بدر ..

والله لا يهينكم ..

توقّفت عند هذا البيت :

قلت أفلحـم فـي فالكـم وتركونـي
========== راع الولـع شوفاتكـم ماتريـحـه

افلحم بلا شك تعني : افلحوا .. ( اذهبوا وابتعدوا )

وهذه لهجة دارجة لدينا ايضاً ..

ازداد اعجاباً بمن يحافظ على لهجته ..

وهذا هو الموروث الذي نعنيه ..

لاهنت يا سالم ..

ودمت بخير ..

تقبل تحيات اخوك ..

سعد[/align]