ياكثر مافات للعين من طيـب وردا
شي يرضي موقها وشي يزعل موقهـا
كم طمرنا زلتـن مالنـا فيهـآ جـدا
قبل نطمن مثلها نعتلـي مـن فوقهـا
وكم وقفنا للخطا الفـادح وقلنـا بـدا
من يقدمهـا لنـا عنـزروت يذوقهـا
وكم حشيم لحشمته قلنا للمخطـي فـدا
لاحشمنا روس قومـن حشـمنا نوقهـا
والتغاضي بعض الامرار حكمه وازهدا
عن غشيم زلتـه كـل يـوم يسوقهـا
والصداقه عند الاجواد ماتذهـب سـدا
لو قطعت عنوقها ماقلعـت عروقهـا
دايم الاصحاب حصن تلافـح وتهـدا
لو تشين نفوسهـا ماتخيـب عموقهـا
الأصايل يلحقن كـل ماطـال المـدا
ولاينقـص قدرهـا عنتـن بعنوقهـا
والتجارب علمتنا الخطـأ قبـل القـدا
علمتنا كيف نعطي الرجـال حقوقهـا
وعلمتنا سلم الاصحاب وسلـوم العـدا
وعلمتنا غاية النـاس مـن منطوقهـا
النوايا الباطلـه حـظ اهلهـا ماعـدا
والنوايـا الطيبـه طيبـات وفوقـهـا
تعليق