إما جزالة شعر وإلا بلاشي

[align=center]السلام عليكم ورحمة الله

ومساااكم الله بكل خير


يالله يامروي الفياض المعاطيش
مروي ضماها من صدوق المناشي

ياعالم الأجيال والخاتمه ويش
ياكافل أرزاق البشر والمواشي

تجعل لنا توبه بعد حالة الطيش
قبل الممات وحزة الأرتعاشي

ومن بعدمطلوب الولي نبتدي بيش
إما جزالة شعر وإلا بلاشي

سلام ياحر شهر بالمطاريش
حر على فعل المواجيب ناشي

يكفخ ولايرضى المذله ليا نيش
يموت مايرضى الكرامه تناشي

يطري عليه لاغشى الجوتشويش
طيب وفي طيبه يزيد إندهاشي[/align]

[align=center]
الصيده الها بقيه وماعرف صاحبها
وعتقد انه شاعر كبير فرجو من
من يعرف الشاعر اوباقي الصيده لايبخل علينا به[/align]

لاتعليق

سلام ياحر شهر بالمطاريش
--------حر على فعل المواجيب ناشي

يكفخ ولايرضى المذله ليا نيش
--------يموت مايرضى الكرامه تناشي

يطري عليه لاغشى الجوتشويش
-------طيب وفي طيبه يزيد إندهاشي

ارررحب يابو علي

قصيدة رائعة

بودنا لو تعلمنا براعيها

لاهنت يا ابو علي

وسلمت يمينك

وعزالله انها قصيدة طيبة وجزلة

ويا ليت أحد يخبرنا باسم شاعرها

تحياااااااتي

أخوك

وعليكم السلام
صح لسان شاعرها
والله لا يهينك يابو علي
عز الله انها جزلة يالجزل،وشكرًا

[align=center]أرحب يا بن هدفه
وجزاك الله خير على نقل هالقصيدة الرائعة

القصيدة طال عمرك للشاعر
(( طايل الذويبي))


يالله يامروي الفيـاض المعاطيـش
مروي ضماها من صدوق المناشـي
من وابلٍِ صادق بروقـه مراهيـش
وبلٍ علـى نبتـه تزيـن التماشـي
ياعالـم الأجـال والخاتمـه ويـش
ياكافـل أرزاق البشـر والمواشـي
تجعل لنا توبه بعـد حالـة الطيـش
قبـل الممـات وحـزة الإرتعاشـي
ومن بعد مطلوب الولي نبتدي بيش
إمـا جزالـة شعـر وإلا بـلاشـي
سـلام ياحـرٍ شهـر بالمطاريـش
حرٍ على فعـل المواجيـب ناشـي
يكفخ ولا يرضى المذله ليـا نيـش
يموت مايرضـى الكرامـه تناشـي
تفخر هوازن كل ما قالـوا تعيـش
شاعر وفي شعره يزيـد إندهاشـي
هذاك أبو نواف في مقـدم الجيـش
لو إنه ابعـد مـن ديـار النجاشـي
حرٍ ليا جاء لازمه ينهـض الريـش
تاريـخ مايمحـاه حاقـد وواشـي
يطري عليه لاغشى الجو تشويـش
وقامت همومي تدرج وسط جاشـي
وقول إله في القلب مثل المناقيـش
ومن ما تشوف العين زاد إرتباشـي
أشوف ناسٍ همهـا لقمـة العيـش
ناسٍ تبيـع الـدم الاحمـر بلاشـي
اللي لهـرج أم الخلاخـل دراويـش
وإن قلت ربعك قال ربعـي معاشـي
ضاعت ملازيم العيـال المداغيـش
ياحيف وين أهل النفوس الهشاشـي
اللي لهم ميقـاف ليـل ومغابيـش
وميقاف لا قالوا طريـح الفراشـي
جاء عقبهم قوم الحيل والبخاشيـش
أطيبهم اللي في المراجـل دباشـي
هذا سمين العلـم والسالفـه ويـش
وش حيلتي في أهل القلوب الغشاشي
وختامها صلوا على صفوة قريـش
عـداد ماهلـت صـدوق المناشـي



وهذا رد الشاعر الكبير
(( عبد الرحمن العطاوي ))


لا0مال طايل بين الأخوان تهميـش
وما قال طايل قلت بالحيـل ماشـي
أعز واغلى عندنا من ذوي عِيـش
بيض البيوت اللي تعاف الرباشـي
من رايح الوسمي يعل النشانيـش
وينبت خزاما والنفل في الدشاشـي
برحي من البصره مهي نبتة الِحيش
أودر بكـرٍ فـي ودّيْ المعـاشـي
بنـات فكـره ساميـاتٍ مباهيـش
شمٍ شعن فكري وبالحيـل شاشـي
لو إعتراني قبلهن منـه توحيـش
طول إنقطاع وسر الاحباب فاشـي
يمديك ياطايل على كـل شاويـش
ترضي زميلك بالـدرر والقماشـي
أصايـلٍ مـا سابقـاً الأكـاديـش
بنـات عالـوه حصـان التعاشـي
نجم الجدي قدوه لمن هاجسه ديش
مايفتقر بيتـه لشـرح الحواشـي
خلى بيوتـي يرفعـن الشوابيـش
وزهور ريضان الضماير رواشـي
هش المشاعر زادها منه تهتيـش
وخّذنْ من داخل حماهـن لشاشـي
جني بنات أفكار طايـل محاريـش
غمزاتهن ياحسبـي الله غشاشـي
في وصلهن كيدٍللأعمـال تمحيـش
وسلهامهن مابين مرشي وراشـي
يا أطهر مواقعهن ولادار ترويـش
عرس الشغار من القصايد دهاشـي
ناشنٍ حشاشاتي على كهرب الفيش
المسكرات بغيـر خمـر الغراشـي
عقب السديري وابن بذال تنعيـش
قننت رميي عقب ماهـو طفاشـي
فنار طايل مـا غشتـه الطرافيـش
في ذروةٍ ماحـام حولـه خشاشـي
تعيـش ياطايـل لهشالـك معيـش
في جفنةٍ فيهـا خـروفٍ وحاشـي
هي دوك يامتيه سهاف القناطيـش
مابين حسله والََحَـوّم والرقاشـي


وهذا الرابط طال عمرك

http://www.mergab.com/montada/showthread.php?t=27994

[/align]

فهد بيض الله وجهك بياض الشاش البيض

الله لايهينك

قصيده جميله جداً شكرا اخوي محمد

والشكر موصول لأخونا فهد

محمد الهدفه

تسلم على النقل

وصح السان الشاعر طايل الذويبي