ياأعضاء مزاين..تجار البل بالآجل وش اخبارهم..؟

السلام عليكم ورحمة الله
يالربع وش أخبار اللي شرو حلال المسلمين العام بالأجل..عسى هناك خبر ولا علم عنهم..واحد ينشدني قبل يومين ويقول لي في ذمتهم عشر من البل وبشيك حل صرفه.هل حد ذهبهم ولاجاته أخبار عن تجار الفرصه..؟!!

والله يخلف على من توهق..

رد: ياأعضاء مزاين..تجار البل بالآجل وش اخبارهم..؟

ياراشد التجار لقولهم ضعوفن يضحكون عليهم
ولاحدن محاسبهم

رد: ياأعضاء مزاين..تجار البل بالآجل وش اخبارهم..؟

مرحبا يابو سنيده وبالنسبه للي باعوا يستاهلون ماجاهم الله ماشفناه بالعقل عرفناه بعضهن حراسيس يشترونها على 40 و50 الف وفيه ركبي خصي مايسوا 4000 يباع بدبل قيمته 3 او 4 مرات ليه يصدقون وباي منطق وللمعلوميه لشروها تلقاها يوم ثاني بالسوق تباع على 7 و8 الاف ولا واحد منهم اللي باعوا خذوا ريال وحل الشيك من شهر 12 -2011 وهم ماخذوا فلس .

رد: ياأعضاء مزاين..تجار البل بالآجل وش اخبارهم..؟

ياراشد التجار لقولهم ضعوفن يضحكون عليهم
ولاحدن محاسبهم

أشهد بالله إنهم لقو لهم ضعوف ماحسبو حساب لكل عيار ومتحيل..ولابالعقل هل يعقل يشتري منك مطيتك اللي ماتسوى عشرة آلاف بخمسين آلف ومن باكر للسوق ويبيعها بعشر القيمة اللي شراها به..!!!
على كل حال الله يخلف على كل مغفل حدته الحاجه على الرضوخ للإستغفال.!!
لاهنت يامحمد

رد: ياأعضاء مزاين..تجار البل بالآجل وش اخبارهم..؟

مرحبا يابو سنيده وبالنسبه للي باعوا يستاهلون ماجاهم الله ماشفناه بالعقل عرفناه بعضهن حراسيس يشترونها على 40 و50 الف وفيه ركبي خصي مايسوا 4000 يباع بدبل قيمته 3 او 4 مرات ليه يصدقون وباي منطق وللمعلوميه لشروها تلقاها يوم ثاني بالسوق تباع على 7 و8 الاف ولا واحد منهم اللي باعوا خذوا ريال وحل الشيك من شهر 12 -2011 وهم ماخذوا فلس .

أرحب يابو عدوه..والله لايجعلنا على هالمساكين من الشامتين..وفعلاً هم غرتهم كثرة الدراهم في الشيك السراب وخلتهم ماعاد يميزون بين الحقيقه والوهم..ولا بالعقل من هو المقفل اللي بيشتري ناقة قيمة قويه ويبيعها من بعد يومين بأعلى سعر يحصله حتى لو كان ثمن قيمتها اللي هو شرا بها ..إلا إذا كان مبيت نية الإختفاء عن الآنظار نهائي..!!
ولاتلوم هالمساكين يابو عدوه ترى الدراهم تغري..وعندك سوق الآسم في عام 2006م سحب فلوس الصاحي والخبل لدرجة إن هناك من باع بيته وإخسره في سوق الاسهم وتاليها قام يراجع المصحات اللهم لاشماته..!!!
لاهنت يابو عدوه

رد: ياأعضاء مزاين..تجار البل بالآجل وش اخبارهم..؟

ياراشد التجار لقولهم ضعوفن يضحكون عليهم

ولاحدن محاسبهم

مرحبا يابو سنيده وبالنسبه للي باعوا يستاهلون ماجاهم الله ماشفناه بالعقل عرفناه بعضهن حراسيس يشترونها على 40 و50 الف وفيه ركبي خصي مايسوا 4000 يباع بدبل قيمته 3 او 4 مرات ليه يصدقون وباي منطق وللمعلوميه لشروها تلقاها يوم ثاني بالسوق تباع على 7 و8 الاف ولا واحد منهم اللي باعوا خذوا ريال وحل الشيك من شهر 12 -2011 وهم ماخذوا فلس .

على طريا يالربع ..اللي عنده إبل طيبه بحيث لاتقل قيمة الوحده منها في السوق عن عشرة آلاف ريال وبيبيعني إياها بشيك مؤجل لمدة سنتين ..تراني شراي المطيه على خمسين آلف ريال ينطح ريال..وتراني راعي نية صافيه وماني مثل هالحراميه الكذبان اللي هجو ونسو حقوق المسلمين..!!!

علمو كل اللي يبون لهم شيك اصفاره واااااجده..وترى الحد الآدنى للشراء خمس من البل في الصفقه الواحده..

رد: ياأعضاء مزاين..تجار البل بالآجل وش اخبارهم..؟

الله يعوضهم خير

وان مالقوها بالدنياء مايضيع شي يوم الحساب

رد: ياأعضاء مزاين..تجار البل بالآجل وش اخبارهم..؟

شف عرضي يبو ناصر وتنق خمس وبدون كفيل

والوعد بعد سنتين ان كانك جاد

ههههههههههه

رد: ياأعضاء مزاين..تجار البل بالآجل وش اخبارهم..؟

البيع كاش او بدل يكون افضل والحذر الحذر من البيع بالاجل

رد: ياأعضاء مزاين..تجار البل بالآجل وش اخبارهم..؟

ارحب ياراشد
الحمدلله على نعمه العقل لكن هم طايحين في ناس بالعربي مساكين على نياتهم يحسبون العرب مثلهم الله يعينهم

مرني العام وكيل خخخخ واحد منهم ونا ماعرفه قال بناخذ منك بكره وقعود ب25000
قلت نصيبك فانه يدق على راع الدنه قلت ماتفك الشبك لين تسلم دراهمك كاش
قال ماعليك نعطيك شيك وازعاج وهياط....

قلت من انت قال فلان قلت في خاطري والله و60 ...... نعم ههههه
لولا كبر سنه كان حشيت فمه .... عسل ههههههه