السلام عليكم ورحمـــــة الله وبركاته
هذي الابيات اعجبتني في احد المواقع وحبيت انقلها لكم لما فيها من الحكم والفوائد
يقووووووووووووووووول
اليوم يا بوكم مسيري على الهـون
وقفت وقفـت يابسـات الغصونـي
عاثيت في الدنيا معاثـات مجنـون
وانكفت منها ما تقضـت شطونـي
يافطيس انا اوصيك يوم انت بتكون
اظن بك بالطيب وانـت الزبونـي
ظم الصلاة اللي تساعد على العون
وصلوا وزكـوا كانكـم تسمعونـي
تدرون باللي يترك الفرض ملعـون
وصوموا وحجوا لربكـم تفلحونـي
وحيوا الطروش اللي من البعد يلفون
واضحك مع ضيفانكم يضحكونـي
وباشر الا جاوك تراهـم بيمشـون
حاذرك فـي ضيفانكـم تفشلونـي
وخل القصير بعازته كنـه ممنـون
ولد النظر من عورتـه والعيونـي
وامش لخويك ياحبيبي على الهـون
ترى الخوي ينشال فـوق المتونـي
وحط الزبين برفة البيـت مأمـون
اوصيك يا أبني لا تصير مغبونـي
وغطوا على العايل شبا كل مسنون
واعزم على الكايد تراهـا تهونـي
اما تمـوت بعـز والنـاس يفنـون
ولا تغطـرف بالفـرح واللحونـي
يا ونتي ونت طريح ضحى الكـون
داجوا عليـه موسعيـن الطعونـي
يزهم وربعه بين طاعن ومطعـون
خلـوه مثـل مهتشـات الشنونـي
نادوني الشايب عسـى مايشيبـون
وسموني اسـم ثانـي واحزنونـي
اسمي يعرفونه فلا شـك يخطـون
شافوا لوايح عارضـي وابتلونـي
الشيب ماهو عيب والناس يـدرون
العيـب حـق الخاينيـن العفونـي
من اول صيـدي سمـان ومتكـون
واليوم لا فزيـت لـه يضحكونـي
والا لقفته راح يمشي على الهـون
سيور من هبـت هبوبـه سكونـي
الله يقاصيهـم قــدر مايـسـوون
كيف قطعوا سلمي وكيف انكرونـي
وسلامتكم جميعا
المصدر: منتديات آل مسلم
تعليق