أرحبوا يارجال

السلام عليكم ورحمة الله وبركاته


حيالله ذالحوات والله يامجتمع في طرفه إبل إن مجتمع وناسه ومرجله ومطاليق شرواكم الله يرزقها بالحيا الدايم ويقعد شعير هل الشعير لهم يقضمونه وبرسيم أهل البرسيم يتضرسون به وينقبون أسنانهم به هههههههه


حبيت أسلم عليكم وكلي خجل منكم في تقصيري معكم في هذا الصرح اللي والله العظيم إنه أبرك منتدى بعد المنتديات الإسلاميّة


تحياتي لكم جميعاً

تبقا يارجال

عليكم السلام ورحمة الله وبركاته

عز الله انك صادق ان المنتدى اللي يجمع رجال شراكم وخالي من الالقاب اللي مالها سنع ولا فيه الا رجال حمران نواظر

انه من ابرك المنتديات بعد المنتديات الاسلاميه

وارجو من الاخوان الاعضاء كلهم انهم يبتعدون عن كل ما يؤدي الى التوتر بينهم ويحرصون على الدبلوماسيه بينهم ويكون مجتمعنا مجتمع محبه بحيث يحرص كل واحد منا ان يكون في الصوره اللي تجعل كل اعضاء المنتدى يحرصون على معرفته ومقابلته اليوم قبل بكره
وذلك يكون باسلوبه في الردود ولا يتطلب ذلك شي كثير

اخوكم راشد العرق

وعليكم السلام ورحمة الله وبركاته

يا مرحبا وكل الغلا يا ابو عمر

والله الشاهد ان المكان اللي يجمعنا مع مثلك وشرواك

انه مجلس يشرف ويشرح الصدر ويتنومس به الرجال

ولاهنت على مرورك الكريم يا ابن الكرام


ولك اطيب التحايا

أخوك ومغليك